Daniele 10:19 - Xitsonga (Bibele)

¹⁹ a ku: “U nga chavi, wanuna la rhandziwaka, ku rhula a ku ve na wena, tiya mbilu, kunene tiya mbilu!” A ko a ha vulavula na mina, ndzo twa leswaku ndzi nyikiwe matimba, kutani ndzi ku: “Hosi yanga a yi vulavule, hikuva u ndzi hile matimba.”

BIBELE Mahungu Lamanene

¹⁹ a ku ka mina: ‘U nga chavi Daniele, hikuva Xikwembu xa ku tsakela swinene; ku rhula a ku ve na wena, tiya swinene u nga rhurhumeli.’ Marito lawa ma ndzi tiyisa nhlana, kutani ndzi ku ka yena: ‘U nga vulavula we N'wini wanga, hikuva sweswi ndzi titwa ndzi tiyile.’

Daniele 10:19 Referans Kwoze

Esaya 35:4

Mi ku eka va timbilu leti tshukeke: “Rhulani timbilu, mi nga chavi! Vonani, Xikwembu xa n'wina xa ta hi ku rihisa, ku nga ku hakela ka Xikwembu xi ta ta xi ri xona, xi mi hlayisa.”

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Vaavanyisi 6:23

Yehovha a ku eka yena: “Ku rhula a ku ve na wena. U nga tshuki u chava, u nga ka u nga fi.”

Daniele 9:23

Kuteloko wa ha ku sungula ku khongela, rito ri humelele, leri ndzi teleke ku ta ku tivisa rona, hikuva u ri la rhandziwaka. Yingisa rito swinene, u xiyaxiya xivono.

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

2 Vakorinto 12:9

Kambe Hosi yi te eka mina: “Tintswalo ta mina ti ku ringene; hikuva matimba ya mina ma endlakala eku tsaneni.” Hikwalaho ndzi rhandza ku tidzunisa eku tsaneni ka mina, matimba ya Kriste ma ta tshama eka mina.

Yohane 14:27

“Ndzi mi siyela ku rhula, ndzi mi nyika ku rhula ka mina; a ndzi mi nyiki hilaha misava yi nyikaka hakona Timbilu ta n'wina ti nga tshuki ti kanakana, naswona mi nga chavi.

2 Timotiya 2:1

Loko u ri wena, n'wananga, tiya matimba etintswalweni leti nga eka Yesu Kriste.

Yohane 19:26

Yesu loko a vona mana wa yena, ni mudyondzisiwa la n'wi rhandzaka a xaxamele na yena, a ku eka mana wa yena: “Wansati, n'wanaku, hi loyi.”

Yohane 21:20

Kuteloko Yesu a vurise sweswo, a ku eka yena: “Ndzi landze!” Petro, kakuloko a rhendzeleka, a vona mudyondzisiwa la rhandziwaka hi Yesu, a ri karhi a va landza; a a ri loyi a nga seketela exifuveni xa yena exilalelweni, a te: “Hosi, i mani la nga ta ku xenga?”

Yohane 11:36

Kavaloko Vayuda va ku: “Vonani! A a n'wi rhandzisa ku yini!”

Yohane 11:5

Kambe Yesu a a rhandza Marta ni makwavo, na Lazaro.

Yohane 11:3

Vamakwavo va rhuma eka Yesu va ku eka yena: “U nga vona, Hosi, loyi u n'wi rhandzaka wa vabya.”

1 Vakorinto 16:13

Hitekani, mi tiya eku pfumeleni, mi endlisa hi vununa, mi tinyika matimba;

Hagayi 2:4

Kutani sweswi, tiyisela, Zerubabele; ku vula Yehovha; tiyisela, na wena Yoxuwa, muprista lonkulu, n'wana Yosadaki! Tiyisani, na n'wina hinkwenu vanhu va tiko leri, ku vula Yehovha, mi va mi tirha; hikuva ndzi na n'wina, ku vula Yehovha wa mavandla;

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

Zakariya 8:9

Yehovha wa tinyimpi u ri: “Mavoko ya n'wina a ma tiye, n'wina lava twaka marito lama humaka emilon'wini ya vaprofeta emikarhini leyi ku nga sunguriwa ha yona yindlu ya Yehovha wa tinyimpi, yi nga tempele, leswaku yi akiwa.

Daniele 10:18

Kutani ndzi tlhela ndzi khumbiwa hi la fanaka ni munhu, a ndzi ha matimba,

Esaya 41:14

U nga chavi, xivungunyana xa Yakobo, masalela lamatsongo ya Israele; ndzi ta ku lwela, ku vula Yehovha; Muhlawuleki wa Israele i muponisi wa wena.

Esaya 41:10

U nga chavi, ndzi na wena. U nga tshuki hikuva ndzi Xikwembu xa wena. Ndza ku tiyisa, ndza ku lwela, ndzi ku khoma hi voko ra mina ra xinene leri hlulaka.

Pisalema 138:3

Siku leri ndzi nga rila ka wena, u ndzi twile, U ndzi tiyisile, matimba ma nghene emoyeni wa mina.

Vaefesa 6:10

Loko swi ri tano, tiyani eHosini ni le matimbeni ya yona lama nga tsandziwiki ha nchumu.

Zakariya 8:13

Kukota leswi ngi mi ri xisandzu ematikweni, n'wina, yindlu ya Yuda, na n'wina, yindlu ya Israele, ndzi ta mi hanyisa sweswi, mi va ku kateka. Mi nga chaveni, mavoko ya n'wina a ma tiye!”