Daniele 10:14 - Xitsonga (Bibele)

¹⁴ Kutani ndzi tile sweswi ku ku tivisa leswi nga ta humelelela tiko ra wena emikarhini ya makumu; hikuva xa ha ri xikombiso xa leswi nga ta ta.”

BIBELE Mahungu Lamanene

¹⁴ Namuntlha ndzi tile ku ta ku hlamusela leswi swi nga ta humelela vanhu va ka n'wina eminkarhini leyi taka, hikuva xivono lexi na xona xi khumba minkarhi ya kona.’

Daniele 10:14 Referans Kwoze

Daniele 8:26

Kutani xivono xa madyambu ni xa mixo lexi vuriweke, hi swona kunene. Loko u ri wena, funengeta xivono xolexo, hikuva xi langutele mikarhi leya ha riki ekule ngopfu.”

Daniele 2:28

Kambe xi kona Xikwembu ematilweni, lexi hlavutelaka swihundla, kutani xi tivisile hosi Nebukadnetsara leswi nga ta humelela emikarhini leyi nga ta ta. Norho wa wena, ni leswi u swi voneke, leswi tikombiseke enhlokweni ya wena ebyetlelweni bya wena, hi swo leswi:

Habakuku 2:3

hikuva hlavutelo leyo ya ha tshamele nkarhi wa kona, kambe yi ta hatlisa eku heteleleni, yi nga ka yi nga xisi. Hambi yi nga hlwela, u yi langutela, hikuva yi ta endlakala swinene, yi nga ka vi nga hlweri.

Daniele 12:9

A ku eka mina: “Famba, Daniele, hikuva timhaka leti ti ta sala ti funengetiwile, ti lemeriwile ku fikela enkarhini wa makumu.

Daniele 12:4

“Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

Mikiya 4:1

Emikarhini ya makumu, ntshava ya yindlu ya Yehovha yi ta va yi yimisiwile ehenhla ka tintshava, yi wungamela switsunga, kutani matiko ma ta hangalakela kona.

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Esaya 2:2

Emikarhini ya makumu, ku ta humelela leswaku ntshava ya yindlu ya Israele yi ta vekiwa enhlohlorhini ya tintshava, yi tlakusiwa ehenhla ka switsunga, kutani matiko hinkwawo ma ta talela kona.

Duteronoma 4:30

Kutakuloko u le khombyeni, ni loko swilo hinkwaswo leswi swi fikele ka wena emikarhini leyi nga ta ta, u ta tlhelela eka Yehovha, Xikwembu xa wena, kutani u ta yingisa rito ra yena.

Genesa 49:1

Kavaloko Yakobo a vitana vana va yena, a ku: “Hlengeletanani, ndzi ta mi tivisa leswi nga ta mi humelela emikarhini leyi taka.

Vaheveru 2:3

hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

2 Timotiya 3:1

U nga tiva mhaka leyi, leswaku emasikwini ya makumu, ku ta humelela mikarhi yo nonon'hwa.

Daniele 10:1

Hi lembe ra vunharhu ra Korexe hosi ya Peresi, rito ri kombisiwa Daniele la thyiweke vito ra Beltexatsara; rito lero ri tiyile, kambe ri vula khombo lerikulu; kutani a xiya rito lero swinene, a twisisa ni xivono.

Daniele 9:22

Kutani a ndzi hlavutela, a ndzi byela, a ku: “Daniele, ndzi tile sweswi ku pfulela xitwisiso xa wena.

Duteronoma 31:21

ni loko makhombo layo tala ni nhlomulo swi va wela ehenhla, hi kona risimu leri ri nga ta hlamula yi va mbhoni emahlweni ka vona; hikuva ri nga ka ri nga rivariwi emilon'wini ya vatukulu va vona. Hikuva ndza tiva miehleketo ya namuntlha ya timbilu ta vona, ndzi nga si va nghenisa etikweni leri ndzi va hlambanyeleke rona.”

Duteronoma 31:29

Hikuva ndza swi tiva leswaku kutakuloko ndzi file, mi ta tionha kunene, kambe mi ta hambuka endleleni leyi ndzi mi leriseke yona; kutani khombo ri ta mi fikela emikarhini leyi nga ta ta; hikuva mi ta endla leswo biha emahlweni ka Yehovha; mi ta n'wi karihisa hi mitirho ya mavoko ya n'wina.”

Ezekiele 12:27

“N'wana wa munhu, va yindlu ya Israele va ri: ‘Xivono lexi munhu loyi a xi vonaka, xi ta teka masiku yo leha ku humelela; u profetile swa nkarhi lowu nga ekule.’

Daniele 8:16

Kutani ndzi twa rito ra munhu leri sukaka exikarhi ka nambu wa Ulayi, ri huwelela, ri ku: “Gabriele, n'wi hlavutelele leswi a swi voneke.”

Tinhlayo 24:14

Kutani sweswi ndzi tiyela eka rikwerhu. Tana, ndzi ta ku tivisa leswi tiko leri ri nga ta swi endla eka tiko ra wena masiku man'wana.”

Ezekiele 38:16

Kutani u ta khandziya u ya lwa ni tiko ra mina ra Israele, u kotisa papa leri lavaka ku funengeta misava. Emikarhini ya makumu, hilaha ndzi nga ta ku rhuma hakona ku lwa ni tiko ra mina, leswaku matiko ma ta ndzi tiva loko ndzi ta tikwetsimisa ha wena emahlweni ka vona, wena Gogo!