Amosi 9:9 - Xitsonga (Bibele)

⁹ “Hikuva, vonani, ndzi ta lerisa, kutani ndzi ta hlela yindlu ya Israele exikarhi ka matiko hinkwawo, ku kota loko ku hlunguriwa mavele hi rihlelo, ku nga sali ni ndzhoho leyi welaka ehansi.

BIBELE Mahungu Lamanene

⁹ “Hikokwalaho, ndzi ta lerisa leswaku Vaisraele va sefiwa exikarhi ka matiko hinkwawo, ku fana ni loko munhu a sefa mapa, kutani a ku nga vi na xiribyana ni xin'we lexi nga ta huma esefeni.

Amosi 9:9 Referans Kwoze

Luka 22:31

Kutani Hosi yi ku: “Simoni, Simoni, waswivo, Satana a mi komberile, leswaku a mi hlela kukota mavele;

Duteronoma 28:64

Yehovha u ta ku hangalasa ematikweni hinkwawo, ku suka emakun'wini ya misava, ku yisa emakun'weni man'wana ya misava, kutani u ta tirhela kona swikwembu swin'wanyana leswi wena ni vatata wa wena mi nga swi tivangiki, wu ri ntsandze ni ribye.

Esaya 30:28

Ku hefemula ka yena ku kota ndhambi leyi halakaka, yi tlakukile ku fika enhan'wini ya munhu, ku hlela matiko hi rihlelo ra ku onhaka, ni ku veka matomu yo hambuka emilon'wini ya matiko.

Levhitika 26:33

Loko mi ri n'wina, ndzi ta mi hangalasa ematikweni, ndzi humesa matlhari endzhaku ka n'wina, tiko ra n'wina ri ta sala ri kotisa mananga, ni miti ya n'wina yi va marhumbi.

Yeremiya 31:36

“Loko milawu yoleyo yi nga hundzuka emahlweni ka mina, ku vula Yehovha, na rona rixaka ra Israele ri ta tshika ku va tiko emahlweni ka mina hilaha ku nga heriki.”

Yeremiya 46:28

Wena u nga chavi nandza wanga, Yakobo, ku vula Yehovha, hikuva ndzi na wena; hikuva ndzi ta herisa matiko hinkwawo lawa ndzi ku hangalaseleke exikarhi ka wona; loko u ri wena ndzi nga ka ndzi nga ku herisi, ndzi ta ku holovela hi mpimo; hikuva ndzi tsandzeka ku ku tshika u nga layiwi.”

Yeremiya 49:36

Ndzi ta humesela Elamu mimoya ya mune, yi huma etinhleni ta mune ta le tilweni, kutani ndzi ta va hangalasa emimoyeni hinkwayo, ku nga ha ri na tiko leri valuveri va Elamu va nga fikiki eka rona.

Ezekiele 5:10

Vona, vatatana va ta dya vana va vona exikarhi ka n'wina, ni vana va ta dya vatata wa vona; ndzi ta hetisa exikarhi ka vona ku avanyisa ka mina, ndzi hangalasa hi matlhelo hinkwawo leswi nga ta sala swa wena.

Ezekiele 5:12

Ku avanyisa ka vunharhu ka vaaki va n'wina ku ta lova hi ntungu ni ndlala; ni ku avanyisa kun'wana ka vunharhu ku ta lova hi tlhari ekusuhi na wena, kutani ku avanyisa ka vunharhu kun'wana, ndzi ta ku hangalasa hi matlhelo hinkwawo, ndzi va hlongorisa hi tlhari.

Ezekiele 20:38

Ndzi ta hlawula vatiarisi ni lava ndzi alaka exikarhi ka n'wina, ndzi va humesa etikweni lero va luveleke eka rona; kambe va nga ka va nga ngheni etikweni ra Israele, mi ta swi tiva leswaku hi mina Yehovha.

Ezekiele 36:19

Kutani ndzi va hangalasile exikarhi ka matiko, va khaperile ematikweni hinkwawo; ndzi va avanyisile hi tindlela ta vona ni swiendlo swa vona.

Esaya 27:12

Kambe emikarhini yoleyo, Yehovha u ta hlakahla mihandzu, ku suka enambyeni wa Yufrata, ku fika enambyeni wa Egipta, kutani mi ta rholeriwa ha un'we, n'wina, vana va Israele!

Esaya 28:28

Koro ya huriwa, kambe a ku tluriwi mpimo wa ku yi hula ni ku yi kandziya hi mavhilwa ya xigirigiri, masondzo ya tihanci ma nga yi fayi.

Ezekiele 39:28

va ta tiva leswaku hi mina Yehovha, Xikwembu xa vona, lexi ingi xi va yisile ematikweni, va ri makhumbi, xi tlhela xi va hlengeleta etikweni ra vona; ndzi nga ka ndzi nga siyi na un'we endzhaku.