Amosi 9:8 - Xitsonga (Bibele)

⁸ Vonani, mahlo ya Hosi Yehovha ma honokele ku fuma loku teleke swidyoho, ndzi ta ku herisa ehenhla ka misava; ntsena ndzi nga lovisi yindlu ya Yakobo emakumu,” ku vula Yehovha.

BIBELE Mahungu Lamanene

⁸ Vonani, mina HOSI N'wini wa hinkwaswo, ndzi vekile tihlo ehenhla ka mfumo lowu wa vadyohi, ndzi ta wu herisa wu nyamalala laha misaveni, kambe vatukulu va Yakobo, ndzi nga ka ndzi nga va heriseli makumu. Ndzi vula sweswo mina HOSI.

Amosi 9:8 Referans Kwoze

Yeremiya 30:11

Hikuva, ndzi na wena ku ku ponisa, ku vula Yehovha; hikuva ndzi ta heta hinkwako matiko hinkwawo lawa ndzi ku hangalaseke ka wona; kambe wena ndzi nga ka ndzi nga ku herisi, ndzi ta ku laya hi ku lulama, a ndzi nga ku tshiki ntsena u nga avanyisiwanga.

Amosi 9:4

Ni loko va ya evukhumbini, va byisiwa hi valala va vona, na kona, ndzi ta lerisa fumu leswaku ri va dlaya; ndzi ta va honokela hi mahlo ku va endla swo biha ku nga ri ku va endla swinene.”

Yeremiya 44:27

Waswivo, ndzi va langutela ku va endla leswo biha, ku nga ri swo saseka; kutani vanhu hinkwavo va Yuda lava nga etikweni ra Egipta va ta herisiwa hi tlhari ni ndlala, va ko va hela.

Yeremiya 5:10

“Khandziyani emarhangwini ya yena, mi mbundzuxa, kambe ku nga vi ku ya herisela emakumu; tsuvulani vhinya ya yena; hikuva a hi vhinya ya Yehovha.

Yuwele 2:32

“Kutani un'wana ni un'wana la khongelaka vito ra Yehovha u ta pona; hikuva entshaveni ya Siyoni, ni le Yerusalema, ku pona ku ta va kona, hilaha Yehovha a vuleke hakona, exikarhi ka lava nga ta sala van'wana hi lava nga ta vitiwa hi Yehovha.

Hosiya 1:6

Kutani a engeta a tika, a veleka wanhwanyana; kutani Yehovha a ku eka Hosiya: “N'wi thye vito ra Lo-Ruhama (la nga tsetseleriwangiki); hikuva a ndzi nga ha tsetseleli yindlu ya Israele hi ku yi rivalela.

Swivuriso 15:3

Mahlo ya Yehovha ma languta hinkwako, Ma xiya lavo biha ni lavo lulama.

Swivuriso 5:21

Hikuva mafambele ya munhu ma le mahlweni ka Yehovha. Hi yena la tivaka mitila ya yena hinkwayo.

1 TIHOSI 13:34

Mhaka leyi, xi va xidyoho lexikulu xa yindlu ya Yerobuwamu; hikwalaho ka xona, yi herisiwile ehenhla ka misava.

Duteronoma 6:15

hikuva Yehovha, Xikwembu xa wena, la nga exikarhi ka n'wina, i Xikwembu xa rilondzo. Vukari bya Yehovha, Xikwembu xa wena, byi nga ku pfurhela kutani a nga ku herisa emisaveni.

Duteronoma 4:31

Hikuva, Yehovha, Xikwembu xa wena, i Xikwembu xa tintswalo; xi nga ka xi nga ku tshiki, kambe xi nga ka xi nga ku herisi, xi nga ka xi nga rivali ntwanano wa vatata wa wena lowu xi va hlambanyeleke wona.

Genesa 7:4

Hikuva ka ha sele masiku ya ntlhanu na mambirhi, kutani ndzi ta nisa mpfula emisaveni hi masiku ya mune wa makume, ni vusiku bya mune wa makume, ndzi herisa ehenhla ka misava hinkwaswo leswi hanyaka leswi ndzi nga swi endla.”

Genesa 6:7

Kutani Yehovha a ku: “Ndzi ta lovisa ehenhla ka misava vanhu lava ndzi nga va tumbuluxa ku suka eka munhu, ku fika eka swifuwo ni swikokovi, ni tinyanyana ta tilo, hikuva ndza vaviseka hi leswi ndzi nga swi endla.”

Yeremiya 46:28

Wena u nga chavi nandza wanga, Yakobo, ku vula Yehovha, hikuva ndzi na wena; hikuva ndzi ta herisa matiko hinkwawo lawa ndzi ku hangalaseleke exikarhi ka wona; loko u ri wena ndzi nga ka ndzi nga ku herisi, ndzi ta ku holovela hi mpimo; hikuva ndzi tsandzeka ku ku tshika u nga layiwi.”

Amosi 3:12

Yehovha u ri: “Kukotisa loko murisi a vutla milenge mimbirhi ya nyimpfu, kumbe nhluvi wa ndleve enon'wini wa nghala, ku ta vutlisiwa sweswo vana va Israele! Lava nge Samariya, lava tshameke emakumu ka swilawu, ni le henhla ka byetlelo lebyi andlariweke hi tinguvu ta Damaska.”

Amosi 7:17

Hikwalaho Yehovha u ri: ‘Nsati wa wena u ta khomiwa exikarhi ka muti, vana va wena va xinuna ni va xisati va ta dlawa hi fumu, nsimu ya wena yi ta pandziwa mindzilekana, wena u ta fela etikweni leri nyameke, Israele, yena, u ta yisiwa evukhumbini, a susiwa etikweni ra yena.’ ”

Amosi 9:10

Vadyohi hinkwavo va tiko ra mina lava nge: ‘Khombo ri nga ka ri nga va tshineleri, ri nga ka ri nga va khomi, va ta dlawa hi fumu.’

Hosiya 1:4

Kutani Yehovha a ku eka Hosiya: “N'wi thye vito ra Yizriele, hikuva ku nga ri kungani, ndzi ta ba yindlu ya Yehu, hikwalaho ka ngati leyi halatiweke Yizriele, ndzi va ndzi herisa ku fuma ka yindlu ya Israele;