Amosi 9:5 - Xitsonga (Bibele)

⁵ Hikuva la endlaka sweswo i Hosi, Yehovha wa tinyimpi; u khumba misava, kutani yi n'oka; hinkwavo lava akeke eka yona va hlomuka, yi kukumuka hinkwayo ku kota nambu, yi tlhela yi phya ku kota nambu wa Egipta.

BIBELE Mahungu Lamanene

⁵ HOSI ya matimba hinkwawo, N'wini wa hinkwaswo, ú khumba misava, kutani yi n'oka, hinkwavo lava tshamaka eka yona va kalakala; yi ndlandlamuka hinkwayo ku fana ni nambu wa Nilo, yi tlhela yi vohla kukota nambu wa Nilo le Egipta.

Amosi 9:5 Referans Kwoze

Amosi 8:8

Xana misava yi nga ka yi nga tsekatseki hikwalaho ka sweswo-ke? Lava akeke eka rona hinkwavo va ta va ni tingana? Misava yi ta tlakuka hinkwayo ku fana ni nambu; yi ta tlakuka, yi tlhela yi phya kukota nambu wa Egipta.”

Pisalema 46:6

Matiko ma pfuma, tihosi ti huma nyimpi, Xi twarisa rito ra xona, kutani misava yi nyuka.

Nhlavutelo 20:11

Kutani ndzi vona xiluvelo lexikulu lexo basa ni loyi a tshamiseke eka xona. Tilo ni misava swi baleka emahlweni ka mombo wa yena, kutani xivandla xa swona xi nga ha vonaki.

Esaya 64:1

O! Loko ngi u handzula matilo, u xika, tintshava a ti ta tsekatseka emahlweni ka wena,

Matewu 7:27

Kutani mpfula yi na, maboboma ma ta, ni mheho yi hunga, yi ba yindlu yoleyo, kutani yi wa; ku wa ka yona ku va lokukulu.”

Habakuku 3:10

U handzula misava ku yi hundzula milambu. Tintshava ta ku vona, kutani ta tsekatseka; ku hundza ndhambi ya mati swidziva swi tlakusa rito ra swona, swi yimisela mavoko ya swona ehenhla.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Hosiya 4:3

Hikwalaho tiko ri ni swirilo, ni vanhu lava akeke eka rona va tsanile, kun'we ni swiharhi swa tiko ni tinyanyana ta matilo, swi tsandza ni tinhlampfi ta lwandle, ta lova.

Yeremiya 12:4

Misava yi ta rila ku ri kungani xana, ni byanyi bya masimu hinkwawo byi ta oma ku yisa kwihi xana? Hikwalaho ka ku biha ka vaaki va rona, swiharhi ni tinyanyana swi herile, hikuva va ri: “A nga ka a nga voni ku hela ka hina.”

Pisalema 144:5

Yehovha, xikisa matilo ya wena, u xika! Khumba tintshava ti mpukuka!

Pisalema 32:6

Hikwalaho, un'wana ni un'wana la ku rhandzaka U ta ku khongela hi nkarhi lowu u kumiwaka ha wona; Hambi mati lamakulu loko ma hundza, ma nga ka ma nga n'wi fikeri.

Pisalema 97:5

Tintshava ti nyukisiwa kukota mumpfu emahlweni ka Yehovha, Emahlweni ka Hosi ya misava hinkwayo.

Pisalema 104:32

A languta misava, kutani yi rhurhumela; U khumba tintshava, kutani ti huma musi.

Nahume 1:5

Tintshava ti tsekatseka emahlweni ka yena, switsunga swa n'oka, misava ya kukumuka emahlweni ka yena, tiko ra vanhu, ni hinkwaswo leswi nga eka rona.