Amosi 9:14 - Xitsonga (Bibele)

¹⁴ Ndzi ta tshunxa tiko ra mina ra Israele evukhumbini bya rona, kutani va ta pfuxa miti leyi onhakeke va aka kona; va ta rima masimu ya vhinya, va nwa vhinyo ya wona, va ta rima mitanga ya mirhi va dya mihandzu ya yona.

BIBELE Mahungu Lamanene

¹⁴ Ndzi ta tlhela ndzi katekisa vanhu va mina va Israele, va ta pfuxa marhumbi ya miti ya vona, va tshama eka yona. Va ta byala tivhinya, va nwa vhinyo ya kona, va ta rima mintanga, va dya ntshovelo wa yona.

Amosi 9:14 Referans Kwoze

Esaya 61:4

Va ta tlhela va pfuxa marhumbi ya khale va ta pfuxeta rirhangu ra khale va ta vuyetela miti leyi onhakeke leyi nga mbundzuxiwa emikarhini ya khale.

Yeremiya 30:3

Hikuva vona, ku vula Yehovha, ma ta masiku lawa ndzi nga ta tlherisa ha wona e vabohiwa va tiko ra mina ra Israele ni ra Yuda, ku vula Yehovha, ndzi va vuyisela etikweni leri ndzi ri nyikeke vatatana wa vona va ri fuma.”

Yeremiya 30:18

“Hikuva, ku vula Yehovha: Ndzi ta tlherisa lava khomiweke emitsongeni ya Yakobo, ndzi twela vuako bya vona vusiwana; muti wu ta vuyisiwa exiteni xa wona, ni yindlu ya vuhosi yi ta akiwa hi mukhuva wa yona.

Ezekiele 28:26

Va ta aka kona hi ku tsaka, va aka tindlu, va byala tivhinya, kutani va ta aka hi ku tsaka, siku ndzi humesaka ku avanyisa ehenhla ka lava ingi a va xanisa, va va rhendzele; va ta swi tiva leswaku hi mina Yehovha, Xikwembu xa vona.”

Yeremiya 31:28

Kutani, kukotisa leswi ndzi tshamaka ndzi va langutela ku yimbula, ni ku hahlula, ni ku mbundzuxa, ni ku onha, ni ku endla swo biha, na kona ndzi ta va langutela ku aka, ni ku simeka, ku vula Yehovha.

Esaya 65:21

“Va ta aka tindlu, va ta tshama eka tona; va ta byala tivhinya, va dya mihandzu ya tona.

Pisalema 53:6

Aa! Ku kutsula ka Israele ku ta pfa rini eSiyoni xana? Siku Xikwembu xi nga ta tlherisa vabohiwa va tiko ra xona, Yakobo u ta khana, Israele u ta tsaka.

Ezekiele 39:25

“Hikwalaho, Hosi Yehovha u vulavula sweswo, a ku: Sweswi ndzi ta tlherisa vabohiwa va Yakobo, ndzi ta tsetselela yindlu hinkwayo ya Israele, ndzi ta kombisa rilondzo ra mina hikwalaho ka vito ra mina ro kwetsima.

Ezekiele 16:53

“Ndzi ta tlherisa vabohiwa va vona, vabohiwa va Sodoma, ni vanhwana va vona, ni vabohiwa va Samariya, ni vanhwana va vona, ni vabohiwa va wena exikarhi ka vona,

Yeremiya 31:23

Ku vula Yehovha wa mavandla, Xikwembu xa Israele: “Va ha ta vula marito lawa emisaveni ya Yuda, ni le mitini ya kona, loko ndzi tlherisile varikwavo lava nga eku bohiweni, va ku: ‘Yehovha a a ku katekise, vuako byo lulama, ntshava leyi hlawuriweke!’

Sofoniya 1:13

Rifuwo ra vona ri ta phangiwa, tindlu ta vona ti ta onhiwa; va ta aka tindlu, kambe va nga ka va nga tshami eka tona; va ta byala vhinya, kambe va nga ka va nga nwi vhinyo ya yona.”

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Pisalema 107:37

Va byala mbewu emasin'wini, va byala ni tivhinya, Kutani va dya mihandzu ya swona.

Esaya 60:4

Rhalarhala matlhelo hinkwawo, u languta: Va hlengeletana hinkwavo, va ta eka wena vana va wena va huma ekule, ni vana va wena va xisati va vukarhiwa etsheveni.

Yeremiya 12:15

Kambe kutakuloko ndzi va tsuvurile, ndzi ta tlhela ndzi va tsetselela; kutani ndzi ta va tlherisela un'wana ni un'wana endzhakeni ya yena, un'wana ni un'wana etikweni ra yena.

Yeremiya 23:8

Kambe va ta ku: ‘Yehovha wa hanya la humeseke, a va a vuyisile rixaka ra yindlu ya Israele etikweni ra n'walungu, ni le matikweni hinkwawo laha ingi ndzi va hangalasile kona,’ kutani va ta tiakela etikweni ra vona.”

Yeremiya 24:6

Ndzi ta va languta hi tihlo lerinene ndzi va tlherisela etikweni lero ndzi va akisa, ndzi nga va onhi; ndzi va byala, ndzi nga va tsuvuri.

Yeremiya 31:5

Wa ha ta rima tivhinya etintshaveni ta Samariya; varimi va tona va ta rima, va tidyela mihandzu ya tona.

Yeremiya 32:15

Hikuva ku vula Yehovha wa mavandla, Xikwembu xa Israele: Ka ha ta xaviwa tindlu, ni masimu, ni tivhinya etikweni leri.’

Yeremiya 32:37

Vonani, ndzi ta va hlengeleta ematikweni hinkwawo laha ndzi va hangalaseke kona hi vukari bya mina, ni ku leva ka mina ni ku tsuva lokukulu, ndzi ta va vuyisela exivandleni lexi, ndzi va akisa hi ku titsakela.

Yeremiya 33:7

ndzi vuyisa va Yuda lava khomiweke, ni va Israele lava khomiweke, ndzi tlhela ndzi va akisa kukotisa emikarhini ya khale.

Ezekiele 37:21

“Va byele, u ku: Hosi Yehovha a vulavula sweswo, a ku: Ndzi ta teka vana va Israele exikarhi ka matiko lawa va yeke eka wona; ndzi ta va hlengeleta hi matlhelo hinkwawo, ndzi va tisa etikweni ra vona.

Yeremiya 16:15

kambe va ta ku: ‘Yehovha wa hanya, la humeseke vana va Israele etikweni ra n'walungu ni le matikweni hinkwawo, laha ingi a va hangalasile kona,’ kutani ndzi ta va tlherisela etikweni ra vona leri ndzi ri nyikeke vatata wa vona.

Yeremiya 29:14

Ndzi ta kumiwa hi n'wina, ku vula Yehovha ndzi ta tlherisela ka n'wina e vabohiwa va n'wina, ndzi mi hlengeleta ematikweni hinkwawo ni le matlhelweni hinkwawo laha ndzi mi hangalaseke kona, ku vula Yehovha; ndzi ta mi vuyisela exivandleni lexi ndzi mi hangalaseke mi ri ka xona.

Yeremiya 33:11

ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

Sofoniya 2:7

Ri ta va tiko ra nsalo wa yindlu ya Yuda; va ta dyisela mitlhambi ya vona kona; nimadyambu, va etlela etindlwini ta Axikeloni; hikuva Yehovha, Xikwembu xa vona, u ta va endzela, a tlherisela vabohiwa va vona.