Amosi 9:13 - Xitsonga (Bibele)

¹³ “Vonani, masiku ma ta,” ku vula Yehovha, “lawa la rimaka a nga ta landzela kusuhi la tshovelaka, ni la pfuvaka mihandzu ya vhinya a landzela la byalaka mbewu; kutani vhinyo leyintshwa yi ta khulukela etintshaveni, ni switsunga hinkwaswo swi ta pfelela yona.

BIBELE Mahungu Lamanene

¹³ HOSI yi vula sweswo, yi ri: “Vonani, masiku ma ta, lawa murimi ni mutshoveri va nga ta landzelelana emasin'wini, ni mubyari wa vhinya a nga ta landzelelana ni mukhi wa yona; tintshava ti ta mpfempfa vhinyo leyi nga si vilaka, ni swintshabyana hinkwaswo swi ta khuluka hi yona.

Amosi 9:13 Referans Kwoze

Yuwele 3:18

“Enkarhini wolowo, tintshava ti ta pfelela dzova ra vhinyo, switsunga swi ta khuluka ntswamba, ni milambu hinkwayo ya Yuda yi ta tshama yi va ni mati lama khulukaka, kutani nseledyana yi ta huma endlwini ya Yehovha yi tsakamisa rivala ra Xitimi.

Yohane 4:35

Xana a mi hlayi leswaku ku sele tin'hweti ta mune, kutani ku ta tshoveriwa? Kambe ndzi ri eka n'wina: Tlakusani mahlo ya n'wina, mi languta masimu, hikuva ma vupfele ku tshoveriwa.

Esaya 55:13

Ematshan'weni ya mitwa ku ta kula kipresi, ematshan'weni ya mphasamhala, ku ta kula mirta; swi ta twarisa Yehovha, xi ta va xikombiso lexi nga heriki, lexi nga herisiwiki.”

Levhitika 26:5

Etikweni ra n'wina, nkarhi wa ku hula wu ta hlangana ni nkarhi wa ku khuvuta ka vhinyo; ni ku khuvuta ka vhinyo ku ta hlangana ni nkarhi wa ku byala. Mi ta dya vuswa bya n'wina mi va mi xurha, mi ta aka hi ku rhula etikweni ra n'wina.

Ezekiele 36:35

Va ta ku: ‘Misava yoleyo, leyi ngi yi hlaseriwile, yi hundzuke yi fana ni ntanga wa Edeni; miti leyi ingi yi endliwile marhumbi, ni mananga, ni ku nhlanhliwa, yi akiwa kutani, ma va makhokholo!’

Yuwele 3:20

Kambe Yuda u ta tshama hilaha ku nga heriki, na Yerusalema, ku yisa etinxakeni ta tinxaka.

Pisalema 97:5

Tintshava ti nyukisiwa kukota mumpfu emahlweni ka Yehovha, Emahlweni ka Hosi ya misava hinkwayo.

Vaavanyisi 5:5

“Tintshava ti suka emahlweni ka Yehovha, Na yena Sinayi, emahlweni ka Yehovha, Xikwembu xa Israele.

Amosi 9:5

Hikuva la endlaka sweswo i Hosi, Yehovha wa tinyimpi; u khumba misava, kutani yi n'oka; hinkwavo lava akeke eka yona va hlomuka, yi kukumuka hinkwayo ku kota nambu, yi tlhela yi phya ku kota nambu wa Egipta.

Genesa 49:11

A kuleka mbhongolo yakwe eximudyaneni xa vhinya, Ni ximbhongolwana, emurhini wa vhinya lowu hlawuriweke; A hlantswa nguvu ya yena evhinyeni. Ni nkumba wa yena engatini ya vhinya.

Esaya 16:10

Ku tsaka ni mikhuvo swi sukile emitangeni; ni le tivhinyeni, a ka ha ri na tinsimu ni ku tsaka, a ka ha khuvutiwi mihandzu eswikhuvutelweni, ndzi miyetile mitlango ya vakhuvuti!

Ezekiele 28:26

Va ta aka kona hi ku tsaka, va aka tindlu, va byala tivhinya, kutani va ta aka hi ku tsaka, siku ndzi humesaka ku avanyisa ehenhla ka lava ingi a va xanisa, va va rhendzele; va ta swi tiva leswaku hi mina Yehovha, Xikwembu xa vona.”

Yuwele 2:24

Swivuya swi ta tala hi mavele, ku halaka makhuwana lama teleke vhinyo ni mafurha.