Amosi 9:11 - Xitsonga (Bibele)

¹¹ “Hi siku rero, ndzi ta pfuxa ntsonga wa Davhida lowu weke, ndzi siva timfa ta khumbi ra wona, laha ri mbundzukeke ndzi ta ri lunghisa, ndzi ta wu aka wu fana ni le mikarhini ya khale;

BIBELE Mahungu Lamanene

¹¹ “Hi siku ra kona, ndzi ta pfuxa yindlu ya Davhida leyi weke, ndzi ta siva timfa ta yona, ndzi pfuxa ni makhumbi ya yona, ndzi tlhela ndzi yi aka ku fana ni khale.

Amosi 9:11 Referans Kwoze

Esaya 16:5

Vutshamo bya vuhosi byi ta tiyisiwa hi nsovo, ehenhla ka byona ku ta tshama hi ku tiya entsongeni wa Davhida muavanyisi la rhandzaka swo lulama, ni la hatlisaka ku avanyisa hi swinene.”

Pisalema 80:12

Xana u hahlulele yini rihlampfu ra yona, Leswaku yi ta tshoveriwa hi vahundzi hinkwavo,

Esaya 63:11

Tiko ra yena ri tsundzuka masiku ya khale ya Muxe: u kwihi la nga va humesa elwandle, ni murisi wa ntlhambi wa yena? U kwihi la nga veka exikarhi ka vona moya wa yena lowo kwetsima;

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Ezekiele 36:11

Ndzi ta andzisa ehenhla ka n'wina vanhu ni swifuwo; va ta andza ni ku tala, ndzi rhandza leswaku mi va ni vaaki ku fana ni khale, ndzi ta mi endla leswinene ku tlula eku sunguleni, hilaha mi nga ta tiva leswaku hi mina Yehovha.

Ezekiele 17:24

Kutani mirhi hinkwayo ya nhova yi ta tiva leswaku mina Yehovha ndzi tsongahatile murhi lowu tlakukeke, ndzi tlakusile murhi lowutsongo. Ndzi omisile matluka ya murhi wa rihlaza, ndzi va ndzi mirisa murhi lowu omeke. Mina Yehovha ndzi swi vurile, ndzi swi endlile.”

Swirilo 5:21

U hi hundzuluxela eka wena Yehovha, hi ta tlhela hi vuya; Endla leswaku masiku ya hina ma va lamantshwa, tanihi le ku sunguleni.

Yeremiya 46:26

Kutani ndzi ta va nyiketa emavokweni ya lava lavaka vutomi bya vona, ni le mavokweni ya Nebukadnetsara, Hosi ya Babilona, ni le mandleni ya malandza ya yena; kambe ndzhaku, Egipta u ta tlhela a akiwa kukota khale, ku vula Yehovha.

Esaya 5:5

Sweswi, ndzi nga mi tivisa lexi ndzi nga ta xi endla eka vhinya ya mina: ndzi ta simula rihlampfu ra yona, ndzi yi endla madyelo, ndzi mbundzumuxa rirhangu ra yona kutani yi ta kandziyeriwa.

Ntirho 1:10

Xana a hi leswi u n'wi sivelelaka yena, ni yindlu ya yena, ni swilo hinkwaswo swa yena-ke? A ku andzisanga mitirho ya mavoko ya yena, ni ku andzisa mitlhambi ya yena emisaveni xana?

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Yeremiya 30:9

Kambe va ta tirhela Yehovha, Xikwembu xa vona, na Davhida, hosi ya vona, loyi ndzi nga ta n'wi veka ka vona.

Pisalema 143:5

Ndzi ehleketa mikarhi ya khale, Ndzi anakanya hinkwaswo leswi u swi endleke, Ndzi tsundzuka hinkwaswo leswi mavoko ya wena ma swi endleke.

Pisalema 89:40

U mbundzumuxile rirhangu hinkwaro ra yena. U endlile makhokholo ya yena marhumbi.

Tinhlayo 24:18

Edomu a fumiwa hi yena, Seyira, nala wa yena, u ta fuyiwa hi yena, Israele a kombisa matimba ya yena,

Esaya 58:12

Vanhu va wena va ta tlhela va pfuxa marhumbi ya khale; u ta aka masungulo lama nga vekiwa emikarhini ya khale; kutani u ta vuriwa mupfuxi wa swipetlu, mululamisi wa tindlela ku akisa vanhu etikweni.

Esaya 65:9

Ndzi ta humesa eka Yakobo rixaka, ni ka Yuda mudyandzhaka wa tintshava ta mina, vahlawuriwa va mina va ta ti fuma, ni malandza ya mina ma ta tshama eka tona.

Yeremiya 18:9

Kambe kungakuloko ndzi byele tiko kumbe vuhosi, leswaku ndzi ta va akisa, ndzi va ndzi va simeka.

Obadiya 1:17

Kambe lava poneke va ta va kona entshaveni ya Siyoni; xi ta va xivandla lexi hlawulekeke, kutani va yindlu ya Yakobo va ta fuma ndzhaka ya vona.

Mikiya 7:8

U nga tshuki u tsakela khombo ra mina, wena u nga nala eka mina! Hikuva hambi ndzi wile, ndzi ta tlhela ndzi yima; ni loko ndzi tshamile emunyameni, Yehovha i ku vonakala ka mina.

Mikiya 7:11

Hi siku ra ku akiwa ka rirhangu ra wena, esikwini lero, ndzilakana wa wena wu ta tshinetiwa ekule.

Zakariya 6:12

U ku eka yena: ‘Ku vuriwile hi Yehovha wa tinyimpi: “Vonani, wanuna loyi, vito ra yena a nga Xihluke, u ta mila ematshan'weni ya yena, u ta aka yindlu ya Yehovha.

Zakariya 12:7

Yehovha u ta hlayisa matende ya Yuda eku sunguleni, leswaku ku kwetsima ka yindlu ya Davhida, ni ku kwetsima ka vaaki va Yerusalema, ku nga tshuki ku tlakukela Yuda.

Zakariya 14:10

Tiko hinkwaro, ku suka eGeba ku ya fika eRimoni, ku nga tlhelo ra dzonga eka Yerusalema, ri ta hundzuka ri kota banyi, Yerusalema, u ta tlakuka, a tshama exiteni xa yena, ku sukela enyangweni ya Benjamini ku ya fika enyangweni yo rhanga, enyangweni ya tinhla, ni ku sukela ekhokholweni ra Hananele ku yisa eswikhuvutweni swa hosi.