Amosi 9:10 - Xitsonga (Bibele)

¹⁰ Vadyohi hinkwavo va tiko ra mina lava nge: ‘Khombo ri nga ka ri nga va tshineleri, ri nga ka ri nga va khomi, va ta dlawa hi fumu.’

BIBELE Mahungu Lamanene

¹⁰ Vadyohi hinkwavo va tiko ra mina lava nge: ‘Hi nga ka hi nga humeleli hi swo biha kumbe ku hlangana na swona’, va ta dlawa hi fumu.”

Amosi 9:10 Referans Kwoze

Amosi 6:3

N'wina mi nge mi veka siku ra ku vaviseka ekule, kutani mi veka xitshamo xa vukari ekusuhi!

Esaya 33:14

Vadyohi va khomiwa hi ku chava le Siyoni, vasandzi va rhurhumela, va ku: “I mani exikarhi ka hina la nga ta tiya, a yima emahlweni ka ndzilo lowu hisaka? I mani la nga ta tiya a yima emahlweni ka malangavi lama nga timekiki?”

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Malakiya 3:15

Kutani sweswi-ke, hi ri: Ku katekile vatikukumuxi, hikuva lava endlaka ku biha va akisiwa, va ringa Xikwembu, kutani va chupuka!’ ”

Amosi 6:1

“Mi ni khombo n'wina lava tsakeke eSiyoni, na n'wina lava tshembeke ntshava ya Samariya! N'wina tihosi ta tiko leri nga emahlweni ka man'wana, n'wina lavo va yindlu ya Israele va titisaka eka n'wina!

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Esaya 56:12

“Tanani, ndzi ta lava vhinyo, kutani hi ta nwa leswi nga vila swinene! Mundzuku hi ta endlisa sweswo, ni ku tlurisa!”

Esaya 5:19

lava nge: A a hatlise, a hatlisisa ntirho wa yena hi ta wu vona! Makungu ya Mukwetsimi wa Israele a ma tshinelele ma humelela, hi ta tiva leswaku i yini!

Eklesiasta 8:11

Kutani, hikuva ku avanyisa loku avanyisaka mitirho hinkwayo leyo homboloka ku nga hatlisi ku humelela, hikwalaho-ke timbilu ta vana va vanhu ti teleke ku navela ku endla swo biha.

Pisalema 10:11

A ku embilwini ya yena: “Xikwembu xi rivele; Xi fihlile mombo wa xona, a xi languti ni siku ni rin'we.”

Ezekiele 20:38

Ndzi ta hlawula vatiarisi ni lava ndzi alaka exikarhi ka n'wina, ndzi va humesa etikweni lero va luveleke eka rona; kambe va nga ka va nga ngheni etikweni ra Israele, mi ta swi tiva leswaku hi mina Yehovha.

Yeremiya 23:17

Va tshama va vula eka lava ndzi sandzaka, va ku: Rito ra Yehovha ri ri: ‘Ku tsaka ku ta va kona eka n'wina,’ ni ka hinkwavo lava fambaka hi ku nonon'hwa ka timbilu ta vona, va ku: ‘Mi nga ka mi nga humeleli hi swo biha.’ ”

Amosi 9:8

Vonani, mahlo ya Hosi Yehovha ma honokele ku fuma loku teleke swidyoho, ndzi ta ku herisa ehenhla ka misava; ntsena ndzi nga lovisi yindlu ya Yakobo emakumu,” ku vula Yehovha.

Zakariya 1:6

Hambiswiritano, marito ya mina ni ku lerisa ka mina leswi ndzi leriseke vaprofeta, malandza ya mina, xana a swi fikelanga vatata wa n'wina? Va hundzuka, va ku: Hilaha Yehovha wa tinyimpi a tsundzukeke ku hi endla hakona, hikwalaho ka ku famba ka hina ni mitirho ya hina, kunene u hi endlile sweswo.”

Yeremiya 29:32

hikwalaho ku vula Yehovha: Vona, ndzi ta holovela Xemaya wa Nehelami ni rixaka ra yena. A ku nga ha vi na munhu wa yena la akaka exikarhi ka tiko leri, a ta vona vunene lebyi ndzi nga ta endlela tiko ra mina, ku vula Yehovha; hikuva u vurile marito ya ku pfukela Yehovha.’ ”

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”