Amosi 7:3 - Xitsonga (Bibele)

³ Yehovha a tshika mhaka yoleyo. “A yi nga endlakali,” ku vula Yehovha.

BIBELE Mahungu Lamanene

³ Kavaloko HOSI yi tlhela emakungwini lawa, kutani yi ku: “Hiswona, a swi nga yi emahlweni.”

Amosi 7:3 Referans Kwoze

Duteronoma 32:36

Hikuva Yehovha u ta avanyisa tiko ra yena, Kambe u ta tsetselela malandza ya yena. Loko a vona leswaku matimba ya vona ma herile, Ni leswaku ku nga sali la fuyiweke ni la nga fuyiwangiki.

Yonasi 3:10

Xikwembu xi vona ku endla ka vona, hilaha va hundzukeke hakona eku fambeni ka vona loko biha; kutani Xikwembu xi tshika ku biha loku xi nga vula ku va endla hakona, kutani a xi ku endlanga.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Amosi 7:6

Yehovha a tshika mhaka yoleyo. “Yi nga ka yi nga endlakali,” ku vula Yehovha.

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Pisalema 106:45

Kutani a tsundzuka ntwanano wa yena hikwalaho ka vona, A va tsetselela hikwalaho ka tintswalo ta yena letikulu.

Yakobo 5:16

Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

Yeremiya 26:19

Xana Hezekiya, hosi ya Yuda, ni tiko ra Yuda hinkwaro, va tshama va n'wi dlaya-ke? Xana a nga chavanga Yehovha, a khongela hi matimba emahlweni ka Yehovha, kutani Yehovha a hundzukile eka swo biha leswi a swi vuleke hikwalaho ka vona xana? Loko hi ri hina, a hi ta endlela mimoya ya hina leswo biha ngopfu.”

1 TIKRONIKA 21:15

Kutani Xikwembu xi rhumela eYerusalema, ntsumi ku wu heta; kakuloko ntsumi yi ri karhi yi onha, Yehovha a languta! A va a tlhela eku biheni loku, a ku eka ntsumi leyi ngi yi ri karhi yi onha: “Swi ringene! Sweswi, tlherisa voko ra wena!” Kutani ntsumi ya Yehovha yi yima ekusuhi ni xivuya xa Orinani wa ka Yebusi.

Genesa 6:7

Kutani Yehovha a ku: “Ndzi ta lovisa ehenhla ka misava vanhu lava ndzi nga va tumbuluxa ku suka eka munhu, ku fika eka swifuwo ni swikokovi, ni tinyanyana ta tilo, hikuva ndza vaviseka hi leswi ndzi nga swi endla.”

Pisalema 90:13

Vuya, Yehovha! U ta hlwela ku yisa kwihi? U va u tsetselela malandza ya wena!

Yeremiya 42:10

Loko mi tlhela mi aka etikweni leri, ndzi ta mi andzisa, ndzi nga ka ndzi nga mi lovisi; ndzi ta mi byala, ndzi nga ka ndzi nga mi yimbuli, hikuva ndzi tlherile eku biheni loku ndzi mi endleke kona.

Yuwele 2:13

Handzulani timbilu ta n'wina, ti nga ri tinguvu,” mi tlhelela eka Yehovha, Xikwembu xa n'wina, hikuva u ni tintswalo ni nsovo, wa hlwela ku kariha, u tele musa, wa vaviseka loko a vavisa munhu.

Amosi 5:15

Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

Eksoda 32:14

Hilaha Yehovha a tshikaka khombo leri a ri anakanyeleke tiko ra yena.

Pisalema 78:38

Kambe xona hi tintswalo ta xona xi va rivalele ku dyoha, a xi va hetanga. Hakanyingi xi tlhelele evukarini bya xona, A xi pfumelangi vukari hinkwabyo bya xona ku pfuka.