Amosi 7:17 - Xitsonga (Bibele)

¹⁷ Hikwalaho Yehovha u ri: ‘Nsati wa wena u ta khomiwa exikarhi ka muti, vana va wena va xinuna ni va xisati va ta dlawa hi fumu, nsimu ya wena yi ta pandziwa mindzilekana, wena u ta fela etikweni leri nyameke, Israele, yena, u ta yisiwa evukhumbini, a susiwa etikweni ra yena.’ ”

BIBELE Mahungu Lamanene

¹⁷ Hikokwalaho HOSI yi vurisa sweswo, yi ri: “ ‘Nsati wa wena ú ta hundzuka nghwavava kwala mutini wa Betele, vana va wena va xinuna ni va xisati va ta dlayiwa hi fumu, masimu ya wena ma ta tekiwa ma pandzeriwa van'wana; loko a ri wena, u ta ya fela etikweni leri nyameke, kutani Vaisraele hakunene va ta susiwa etikweni ra vona, va ya evukhumbini.’ ”

Amosi 7:17 Referans Kwoze

Hosiya 9:3

Va nga ka va nga hlweri etikweni ra Yehovha; Efrayimi u ta tlhelela eEgipta, ni le tikweni ra Asiriya, va ta dya leswa thyaka.

2 TIHOSI 17:6

Hi lembe ra ntlhanu na mune ra Hoxeya, hosi ya Asiriya yi teka Samariya, yi fambisa Vaisraele etikweni ra Asiriya, kutani yi va akisa eHala, ni le henhla ka Habori, nambu wa Gozana, ni le mitini ya Vameda.

Ezekiele 4:13

Kutani Yehovha u te: “Hi mukhuva lowo, vana va Israele va ta dya vuswa lebyi yilaka ematikweni laha ndzi nga ta va hlongolela kona.”

Yeremiya 28:16

“Hikwalaho, Yehovha u vula, a ku: ‘Vona, ndza ku hlangula emisaveni; u ta fa nan'waka, hikuva u vurile marito ya ku pfukela Yehovha.’ ”

Amosi 7:11

Hikuva Amosi u te: ‘Yerobuwamu u ta fa hi fumu, kutani Israele u ta humesiwa etikweni ra yena a yisiwa evukhumbini.’ ”

Yeremiya 29:21

“ ‘Yehovha wa mavandla, Xikwembu xa Israele, u vula hikwalaho ka Akabu, n'wana Kolaya, ni ka Sedekiyasi n'wana Maaseya, lava mi profetelaka mavunwa hi vito ra mina, a ku: Vonani ndzi ta va nyiketa emavokweni ya Nebukadnetsara, hosi ya Babilona, a ta va dlaya emahlweni ka n'wina.

Zakariya 14:2

Hikuva ndzi ta hlengeleta matiko hinkwawo ku lwa na Yerusalema; muti wu ta ngheniwa, ku ta phangiwa tindlu vavasati va ta pfinyiwa va etleriwa, hafu yin'wana ya muti yi yisiwa evukhumbini; kambe lava seleke va tiko a va nga susiwi emutini.

Swirilo 5:11

Va onhile vavasati va le Siyoni, Ni vanhwanyana emitini ya ka Yuda.

Yeremiya 29:25

“Ku vula Yehovha wa mavandla, Xikwembu xa Israele, kungakuloko u rhumela tsalwa hi vito ra wena eka tiko hinkwaro leri nge Yerusalema, ni ka Sofoniya, n'wana Maaseya muprofeta, ni ka vaprista hinkwavo, u ku:

Yeremiya 28:12

Kutani rito ra Yehovha ri ta eka Yeremiya, muprofeta Hananiya a va a tshovile joko enhan'wini ya muprofeta Yeremiya, ri ku:

Yeremiya 20:6

Loko u ri wena Paxahuru, ni lava akeke endlwini ya wena hinkwavo, mi ta ya evukhumbini; u ta ya Babilona, u ya fela kona, u yimberiwa kona, ni maxaka ya wena hinkwawo lawa u nga karhi u ma profetelaka vunwa.’ ”

Esaya 13:16

Swihlangi swa vona swi ta phyandlasiwa emahlweni ka vona, tindlu ta vona ti ta phangiwa, vavasati va vona va ta sindzisiwa va onhiwa.

Pisalema 78:55

Xi hlongorisa matiko emahlweni ka vona, Xi va avanyisela ku averiwa ka ndzhaka ya vona hi pindza, Kutani xi akisa tinxaka ta Israele emitsongeni ya vona.

Yeremiya 14:16

Loko ri ri tiko rero vaprofeta va nga karhi va va profetelaka, va ta etlerisiwa emitsendzeleni ya Yerusalema, hi ndlala ni fumu, kutani ku ta pfumaleka lava va yimbelaka vona, ni vasati va vona, ni vana va vona va xinuna ni va xisati; ndzi ta va halatela ku biha ka vona.

Amosi 6:7

Hikwalaho sweswi va ta ya evukhumbini, va rhangisiwile emahlweni ka hinkwavo lava yisiwaka kona; kutani huwa ya lava tiololaka yi ta hela.”

Amosi 8:1

Hi lexi xikombiso lexi Hosi Yehovha a nga ndzi kombisa xona. Ndzi vone xirhundzu lexi teleke mihandzu leyi vupfeke.

Amosi 9:1

Ndzi vonile Hosi yi yimile ekusuhi ni alitari, yi ku: “Bana xihlungwana xa yindlu, ku ninginika ni marimba ya nyangwa; u swi tshovela henhla ka tinhloko ta vona hinkwavo. Lava seleke ndzi ta va dlaya hi fumu; ku nga ka ku nga vi na un'we eka vona la nga ta baleka, ni loko a ri un'we la nga ta pona.

Amosi 9:8

Vonani, mahlo ya Hosi Yehovha ma honokele ku fuma loku teleke swidyoho, ndzi ta ku herisa ehenhla ka misava; ntsena ndzi nga lovisi yindlu ya Yakobo emakumu,” ku vula Yehovha.

Mikiya 1:16

Tsemela misisi ya wena, u byewula nhloko hikwalaho ka vana va wena lava rhandzekaka! Anamisa mpandhla wa wena wu kula, hikuva va yisiwa evukhumbini, ekule na wena.

Esaya 22:18

a ku vumbuluxa, u vumbuluka kukotisa xirhendzevutana etikweni leri anameke, leri pfulekeke. U ta fela kona; tigolonyi ta ku saseka ta wena ti ta hela kona, wena, tingana ta yindlu ya hosi ya wena!