Amosi 6:5 - Xitsonga (Bibele)

⁵ Va ri karhi va yimbelela tinsimu ta swahava hi mpfumawulo wa magupu; va tisungulela swo yimbelela ha swona kukota Davhida,

BIBELE Mahungu Lamanene

⁵ Mi tisumela tinsimu hi haripa, mi tifananisa na Davhida hi ku tiendlela swichaya-chayani,

Amosi 6:5 Referans Kwoze

Esaya 5:12

Gubu ni timbila, swingomana, ni nanga, ni vhinyo, hi yona mikhuvo ya vona, kambe a va xiyi ntirho wa Yehovha, a va voni swiendlo swa mavoko ya yena.

Amosi 5:23

Susani huwa ya tinsimu ta n'wina kule na mina, ndzi nga ka ndzi nga yingiseri mpfumawulo wa magubu ya n'wina;

Amosi 8:3

Tinsimu ta yindlu ya vuhosi, ti ta hundzuka swirilo hi siku rero,” ku vula Hosi Yehovha. “Ku ta tala mitsumbu, yi ta cukumetiwa hinkwako, ku miyeriwile.”

Nhlavutelo 18:22

Kutani rito ra lava yimbaka tiharipa, ni ra lava yimbaka timbila, ni tinanga, ni timhalamhala, a ri nga ha twakari eka wena; a ku nga ha kumiwi eka wena ni munhu la tirhaka ntirho wihi ni wihi, hambi wu ri mpfumawulo wa ribye ro sila, a wu nga ha twakari eka wena.

1 Petro 4:3

Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

Eklesiasta 2:8

Ndzi tihlengeletela silivhere ni nsuku, ni xuma xa tihosi ni xa matiko; ndzi tilavela swiyimbeleri swa vavanuna ni swa vavasati, ndzi titsakela hi mukhuva wa vana va vanhu, va nga vasati lavo tala.

1 TIKRONIKA 23:5

va 4 000 a va ve valanguteri va tinyangwa, ni va 4 000 a va dzunise Yehovha hi timbila leti ndzi ti endleke ku n'wi dzunisa.”

1 TIKRONIKA 15:16

Davhida a lerisa tihosana ta Valevhi ku nghenisa vamakwavo, vayimbeleri, entirhweni, va va ni timbila, ni tiharipa, leti va fanelaka ku yimba tona hi matimba, ku kombisa ku tsaka.

Genesa 31:27

U balekele yini-ke u nga vuli nchumu, u ndzi sukela, u nga ndzi tivisanga nchumu? A ndzi ta ku fambisa hi ku tsaka, ni tinsimu, ni mirumba, ni timbila.

Ezekiele 26:13

Ndzi ta miyeta pongo ra ku yimbelela ka wena, kutani a ku nga ha twi mpfumawulo wa tiharipa ta wena.

2 TIKRONIKA 29:26

Kutani Valevhi va yima kona, va ri ni timbila ta Davhida, ni vaprista va ri ni tinanga.