Amosi 6:12 - Xitsonga (Bibele)

¹² Xana tihanci ti tsutsumisiwa emaribyeni, kumbexana ku rimiwa hi tihavi kona, leswi mi nga hundzula ku avanyisa nhlomulo, ni mbhandzu wa ku lulama mi wu hundzule ku vava?

BIBELE Mahungu Lamanene

¹² Xana mi tshama mi vona tihanci ti tsutsumisiwa emaribyeni, kumbe munhu a rima lwandle hi tihomu, xana? Kambe n'wina mi hundzuluxile ku avanyisa lokunene ku va mhondzo, mi dyisile vanhu mbitsi hi ku tshika ku lulama.

Amosi 6:12 Referans Kwoze

Amosi 5:7

N'wina lava dyisaka mbitsi eku avanyiseni ka n'wina, mi wisela vunene ehansi;

Hosiya 10:4

Va vulavula swa misava, va hlambanya hi vuhava; va endla swinakulobye; kutani ku avanyisa ku ta mila, kukotisa ximudyana xa vuhlungu lexi milaka evuhaluleni.

Esaya 48:4

Hikuva a ndzi swi tiva leswaku wa nonon'hwa, ni leswaku nhamu ya wena yi fana ni nhonga ya nsimbhi; ni mombo wa wena, ni koporo,

Mikiya 7:3

Va nghenile ha mavoko mambirhi eku biheni, leswaku va ku hetisa: Hosi ya kombela, muavanyisi wa avanyisa ku kuma hakelo, lonkulukumba, yena, u vulavula ku anakanya loku biha ka moya wa yena, va pfilunganya timhaka.

Hosiya 10:13

Mi rimile ku homboloka, mi va mi tshovela ku biha, kutani mi dyile swakudya swa mavunwa; hikuva u tshembile ku famba ka wena, ni vunyingi bya tinhenha ta wena.

Yeremiya 5:3

Oho Yehovha! Xana mahlo ya wena a ma tivi ku lulama-ke? Wa va ba, kambe a va twi ku vavisa; wa va herisa, kambe va ala ku amukela ku layiwa; va tinonon'hwisile mimombo ya vona ku tlurisa ribye, kutani va ala ku hundzuka.

Yakobo 3:18

Kutani mihandzu ya ku lulama yi byariwa eku rhuleni, eka lava endlaka mitirho ya ku rhula.

Amosi 2:3

Kutani ndzi ta lovisa muavanyisi exikarhi ka yena, tihosi ta yena ndzi ti herisa swin'we na yena,” ku vula Yehovha.

Amosi 3:10

“A va tivi ku endla leswi lulameke, ku vula Yehovha; va hlengeleta etindlwini ta vona leswi phangiweke hi vona hi ku dlaya ni ku onha.”