Amosi 6:11 - Xitsonga (Bibele)

¹¹ Hikuva vonani, Yehovha u lerisile, kutani yindlu leyikulu yi ta mbundzuxiwa, yi hundzuka rhumbi, ni yindlu leyitsongo yi ta fayeteriwa.

BIBELE Mahungu Lamanene

¹¹ Vonani, hi ku lerisa ka HOSI, tindlu letikulu ni letitsongo ti ta hirimuka, ku sala marhumbi ntsena!

Amosi 6:11 Referans Kwoze

Amosi 3:15

Ndzi ta mbundzuxa yindlu ya vuxika ni yindlu ya ximumu; kutani tindlu leti bombisiweke hi timhondzo ta tindlopfu ti ta hela, ku ta herisiwa ni tindlu leto tala,” ku vula Yehovha.

Esaya 55:11

swi tano ni rito ra mina, le ri humaka enon'wini wa mina: Ri nga ka ri nga tlheleri eka mina ri nga si tirha nchumu, ri nga si endla ku rhandza ka mina, ri nga si hetisa makungu ya mina.

2 TIHOSI 25:9

A hisa yindlu ya Yehovha, ni yindlu ya hosi; a hisa tindlu hinkwato ta Yerusalema, ni tindlu hinkwato ta vakulukumba.

Luka 19:44

Va ku mbundzuxela ehansi, wena ni vana va wena lava nga exikarhi ka wena; kambe va nga ka va nga tshiki eka wena, ribye ehenhla ka ribye rin'wana, hikuva a ku tivanga nkarhi lowu u endzeriweke ha wona.”

Zakariya 14:2

Hikuva ndzi ta hlengeleta matiko hinkwawo ku lwa na Yerusalema; muti wu ta ngheniwa, ku ta phangiwa tindlu vavasati va ta pfinyiwa va etleriwa, hafu yin'wana ya muti yi yisiwa evukhumbini; kambe lava seleke va tiko a va nga susiwi emutini.

Nahume 1:14

Loko u ri wena, Ninivha, Yehovha u lerisa, a ku: “Vito ra wena a ri nga ha byariwi. Endlwini ya swikwembu swa wena, ndzi ta susa swifaniso leswi vatliweke ni leswi chuluriweke, kutani ndzi ta ku lunghisela sirha, hikuva u xahava.”

Amosi 9:9

“Hikuva, vonani, ndzi ta lerisa, kutani ndzi ta hlela yindlu ya Israele exikarhi ka matiko hinkwawo, ku kota loko ku hlunguriwa mavele hi rihlelo, ku nga sali ni ndzhoho leyi welaka ehansi.

Amosi 9:1

Ndzi vonile Hosi yi yimile ekusuhi ni alitari, yi ku: “Bana xihlungwana xa yindlu, ku ninginika ni marimba ya nyangwa; u swi tshovela henhla ka tinhloko ta vona hinkwavo. Lava seleke ndzi ta va dlaya hi fumu; ku nga ka ku nga vi na un'we eka vona la nga ta baleka, ni loko a ri un'we la nga ta pona.

Amosi 6:8

Hosi, Yehovha, u hlambanyile hi moya wa yena, a ku: Ku vula Yehovha, Xikwembu xa tinyimpi: “Ndzi vengile ku tikurisa ka Yakobo, ndzi yila tindlu ta yena ta vuhosi; ndzi ta nyiketa valala muti ni hinkwaswo leswi nga eka wona.”

Hosiya 13:16

Samariya u ta tshinyiwa hikuva u tiarisile eka Xikwembu xa yena. Va ta dlawa hi fumu; tirisana ta vona ti ta fayiwa, ni vasati va vona lava tikeke va ta handzuriwa.

Esaya 13:3

Ndzi lerisile vahlawuriwa va mina, eku tirihiseleni ka mina ndzi vitanile tinhenha ta mina leti tsakelaka vukulukumba bya mina.

Eklesiasta 10:18

Yindlu yi wa hi ku akiwa hi mavoko lama lolohaka, kambe yindlu yi pfuta hi ku fuleriwa hi mavoko layo loloha.

Pisalema 105:34

A vula, kutani ku ta tinjiya, Tinjiya leti tsandzaka vahlayi,

Pisalema 105:31

A vula, kutani ku ta tinsuna, Ni tin'hwala etikweni ra vona hinkwaro.

Pisalema 105:16

A vitanela tiko rero ndlala, A va tsona vuswa lebyi va tiyisaka,

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Malakiya 1:4

Ni loko Edomu a nga ku: “Hi herisiwile; kambe hi ta tlhela hi pfuxa marhumbi.” Yehovha wa mavandla u ri: “Va ta aka, kambe mina ndzi ta mbundzuxa, kutani va ta vuriwa tiko ra ku biha, ni vanhu volavo Yehovha a va karihelaka hi masiku.”