Amosi 5:3 - Xitsonga (Bibele)

³ Hikuva Hosi Yehovha u ri: “Muti lowu ngi wu humesela yindlu ya Israele khume ra madzana ya valwi, wu ta salelwa hi dzana ntsena, ni lowu ngi wu humesela va dzana, wu ta salelwa hi khume.”

BIBELE Mahungu Lamanene

³ HOSI N'wini wa hinkwaswo ú vurisa sweswo, ú ri: “Muti lowu rhumelaka masocha ya 1 000 enyimpini, wu ta vuya ni dzana ntsena, lowu wu rhumelaka dzana ra masocha, wu ta vuya ni khume ntsena ku ta lwela Vaisraele.”

Amosi 5:3 Referans Kwoze

Varhoma 9:27

Kambe, na yena Esaya u huwelele ehenhla ka Israele, a ku: “Hambi ntsengo wa vana va Israele wu nga kotisa sava ra lwandle, ku ta hlayiseka ntlawanyana ntsena;

Ezekiele 12:16

Kambe ndzi ta siya van'wana va vona, lava nga ta pona fumu, hambi ndlala, ni ntungu, leswaku va hlaya manyala ya vona ematikweni lawa va nga ta ya kona. Va ta tiva leswaku hi mina Yehovha.”

Esaya 10:22

Hikuva, hambi tiko ra wena, oho Israele, ri nga ringana ni sava ra lwandle, ma ta va masalela ya rona ntsena lama nga ta vuya; ku lovisa ku kaneriwile, ku ta andzisa ku lulama.

Esaya 6:13

Kutani kungakuloko un'wana a nga sala eka va khume va vona, na yena, u ta herisiwa. Kambe tanihi mirhi ya munga ni mikuhlu, hambi yi tsemiwile, ku sala swikundzu, nsinya wa vona wu ta hluka rixaka lero kwetsima.”

Esaya 1:9

Loko ngi Yehovha a nga hi hlayiselanga masalela, ingi hi endliwile tanihi Sodoma, hi fana na Gomora!

Duteronoma 28:62

Mi ta sala mi ri ni vanhu va nga ri vangani, hambi mi kotisile tinyeleti ta tilo hi ku tala ka n'wina, hikuva a mi yingisangi rito ra Yehovha Xikwembu xa n'wina.

Duteronoma 4:27

Yehovha u ta mi hangalasa ematikweni, kutani mi ta sala mi nga ri vangani exikarhi ka matiko lawa Yehovha a nga ta mi yisa eka wona;

Amosi 6:9

Kutani hambi ku nga sala khume ra vavanuna endlwini yin'we, va ta fa.

Pisalema 144:14

Mathokazi ya hina ma tswala, ku hava khombo, Ku hava ku hlaselwa ni mikosi emitsendzeleni ya hina.

Duteronoma 28:63

Kukotisa leswi Yehovha a titsakeleke ku mi katekisa, ni ku mi andzisa, hi sweswo, Yehovha u ta titsakela ku mi lovisa, ni ku mi herisa; kambe mi ta tsuvuriwa emisaveni leyi mi nga ta nghena eka yona ku yi fuma.