Amosi 5:20 - Xitsonga (Bibele)

²⁰ Andziri siku ra Yehovha ri ta va munyama, ku nga ri ku vonakala? Ri va ni ntima wa vusiku, ku nga ri ku vonakala ka nhlekanhi?

BIBELE Mahungu Lamanene

²⁰ Siku ra HOSI ri tisa munyama hakunene, ku nga ri ku vonakala, ri ta va ri lo khwìxìì, ri pfumala ni ku vangama.

Amosi 5:20 Referans Kwoze

Esaya 13:10

Hikuva tinyeleti ta tilo, Gongomela na Mahlahle, a ti nga ha voningi; dyambu rona ri ta endla ntima loko ri tsuvuka, na wona n'weti wu nga ka wu nga voningi.

Sofoniya 1:15

Siku rolero! Siku ra vukari, i siku ra khombo ni ra nhlomulo, i siku ra ku onha ni ra ku onhaka, i siku ra munyama lowa ntima, i siku ra mapapa ni ra munyama lowa ntima!

Ezekiele 34:12

Ku fana ni ku kambisisa ka murisi entlhambini wa yena hi siku a tshukaka a ri exikarhi ka tinyimpfu ta yena leti hangalakeke, tinyimpfu ta mina ndzi ta ti kambisisa xisweswo, ndzi ti humesa eswivandleni hinkwaswo leswi ti hangalakeleke eka swona, hi siku ra mapapa ni munyama.

Nhlavutelo 16:10

Ntsumi ya vuntlhanu yi chulula ximbitana xa yona ehenhla ka xiluvelo xa xivandza; kutani ku fuma ka xona ku hundzuka munyama, vanhu va tiluma tindzimi hi ku vaviseka.

Yuda 1:13

I magandlati lama levaka ya lwandle, lama tlhutlhaka khuvi, swi nga swisandzu swa vona; i tinyeleti leti lahlekeke, leti lunghiseriweke ntima wa munyama hilaha ku nga heriki.

Matewu 22:13

Kutani hosi yi ku eka malandza: ‘N'wi boheni milenge ni mavoko, mi n'wi cukumeta emunyameni wa le handle, laha ku nga ni mikosi ni ku getsela ka meno.’

Nahume 1:8

U ta lovisa xivandla xa Ninivha hi ndhambi leyi kukutaka, kutani lava nga valala eka yena u ta va pfalela emunyameni.

Matewu 24:29

“Kutakuloko mahlomulo ya mikarhi yoleyo ma herile, dyambu ri ta endla ntima, ni n'weti wu nga ha humesi ku vonakala ka wona, ni tinyeleti ti ta wa hi le henhla, kutani matimba ya le tilweni ma ta tsekatseka.

Esaya 8:22

ri tlhela ri languta emisaveni, kutani vona, ku ta va ni masangu, ni munyama, ni mahlomulo lama chavisaka; kutani ri ta susumetiwa emunyameni.

Obadiya 1:15

Hikuva siku ra Yehovha ri kusuhi, ra ku avanyisa matiko hinkwawo. Lexi u xi endleke, u ta xi endleriwa na wena; swiendlo swa wena swi vuyele Ehenhla ka nhloko ya wena.

Yuwele 2:2

siku ra munyama ni mihihi, siku ra mapapa ni tihunguva! Ra ta kukotisa loko vurhonga byi tshinelela byi ya emahlweni etintshaveni. Maswivo ku ta tiko lerikulu lera matimba, leri ku nga si vaka na rin'wana ni khale, na kona ku nga ka ku nga vi na rin'wana lero tano ku ya fika emakun'wini ya tinxaka.