Amosi 5:18 - Xitsonga (Bibele)

¹⁸ Mi ni khombo n'wina lava navelaka siku ra Yehovha! Siku ra Yehovha mi ri navelela yini? Ku ta va munyama, ku nga ri ku vonakala.

BIBELE Mahungu Lamanene

¹⁸ Mi ni khombo, n'wina mi navelaka siku ra HOSI! Xana mi ri lavela yini siku leri xana? Eka n'wina, ri ta va siku ra munyama, ku nga ri ra ku vonakala.

Amosi 5:18 Referans Kwoze

Yuwele 1:15

Hikuva siku ra Yehovha ri tshinele, ra ta kukota xirha xa Lowa matimba hinkwawo.

Yuwele 2:31

“Dyambu ri ta hundzuka munyama; ni n'weti wu hundzuka ngati, ku nga si ta siku lerikulu, leri chavisaka ra Hosi.

Yeremiya 30:7

Yo! Mina! Siku leri hi lerikulu, a ku na rin'wana ro fana na rona; i mikarhi ya makhombo eka Yakobo; hambiswiritano, u ta pona ka swona.

Malakiya 4:1

“Hikuva vonani, siku ra ta, leri hisaka ku fana ni ndzilo wa xitiko, kutani vatikukumuxi hinkwavo ni hinkwavo lava endlaka swo biha va ta kotisa byanyi bya ku oma; siku leri taka ri ta va hisa, ku vula Yehovha wa mavandla, a ku nga ha sali ni rimitsu, kumbe rhavi.

Esaya 9:19

Hi vukari bya Yehovha wa tinyimpi, misava ya hisiwa; tiko ri tshwa hi ndzilo, a ku na munhu la tsetselelaka makwavo.

Esaya 5:30

Siku rero ku ta dzuma ehenhla ka Yuda tanihi loko ku dzuma lwandle, kambe loko ku langutiwa emisaveni ku ta voniwa munyama wa mahlomulo, ku vonakala ku ta siveriwa hi munyama!

Esaya 5:19

lava nge: A a hatlise, a hatlisisa ntirho wa yena hi ta wu vona! Makungu ya Mukwetsimi wa Israele a ma tshinelele ma humelela, hi ta tiva leswaku i yini!

Yuwele 2:10

Emahlweni ka vona, misava ya rhurhumela, matilo ma tsekatseka, dyambu ni n'weti swi hundzuka munyama, ni tinyeleti ta timeka.

2 Petro 3:4

kutani va ta ku: “Ku kwihi ku tshembisa ka ku vuya ka yena? Hikuva mpfhuka ku fa vakokwana, hinkwaswo swa ha tiyile, swa ha kota eku sunguleni loko ku vumbiwile hinkwaswo.”

Ezekiele 12:27

“N'wana wa munhu, va yindlu ya Israele va ri: ‘Xivono lexi munhu loyi a xi vonaka, xi ta teka masiku yo leha ku humelela; u profetile swa nkarhi lowu nga ekule.’

Ezekiele 12:22

“N'wana wa munhu, xivuriso xa n'wina xi lo yini lexi nge: ‘Masiku ma hundza, kasi vuprofeta a byi humeleri’?

2 Petro 3:10

Kambe siku ra Hosi ri ta ta kukotisa khamba; kutani ha rona matilo ma ta hundza hi ku pfuma loku chavisaka, masungulo ya hinkwaswo ma ta hela hi ku tshwa, kutani misava ni mitirho leyi nga ka yona yi ta tshwa.

Yeremiya 17:15

Kambe waswivo, va ku eka mina: “Ri kwihi rito ra Yehovha xana? A ri humelele-ke!”

Duteronoma 32:24

Va ta oma hi ndlala, va dyiwa hi ku hisa ka miri Ni ntungu lowo leva ngopfu; Ndzi ta va rhumela meno ya swivandzana, Ni vuxungu bya leswi kokovaka entshurini.

Esaya 8:22

ri tlhela ri languta emisaveni, kutani vona, ku ta va ni masangu, ni munyama, ni mahlomulo lama chavisaka; kutani ri ta susumetiwa emunyameni.

Esaya 13:6

Vovolani, hikuva siku ra Yehovha ri kusuki: ri ta tanihi ku onha loku rhumiweke hi Lowa matimba hinkwawo.

Yeremiya 13:16

Dzunisani Yehovha, Xikwembu xa n'wina, a nga siki humesa munyama, ni milenge ya n'wina yi nga siki khunguvanyeka etintshaveni ta vusiku, ni loko a nga siki hundzula ku vonakala kuloku mi ku languteleke, ndzhuti wa rifu ni ku humesa ntima.

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Obadiya 1:15

Hikuva siku ra Yehovha ri kusuhi, ra ku avanyisa matiko hinkwawo. Lexi u xi endleke, u ta xi endleriwa na wena; swiendlo swa wena swi vuyele Ehenhla ka nhloko ya wena.

Esaya 24:18

La nga ta baleka hi nchavo, u ta wela erindzini; la nga ta huma erindzini, u ta phasiwa entlhan'wini; hikuva miseledyana ya matilo ya pfuleka, masungulo ya misava ma endla xirhendzeveti.

Esaya 58:2

Va ndzi lava hi masiku hinkwawo, va lava ku tiva tindlela ta mina; tanihi leswo nge i tiko leri fambaka hi ku lulama, leri nga tshikangiki ku lerisa ka Xikwembu xa rona, va kombela ka mina ku avanyisa ka ku lulama, va lava leswaku Xikwembu xi va tshinelela.