Amosi 5:15 - Xitsonga (Bibele)

¹⁵ Vengani leswo biha, mi rhandza leswinene, mi tiyisa leswi lulameke ehubyeni, kumbexana Yehovha, Xikwembu xa tinyimpi a nga tsetselela masalela ya Yosefa.

BIBELE Mahungu Lamanene

¹⁵ Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.

Amosi 5:15 Referans Kwoze

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

3 Yohane 1:11

Murhandziwa, u nga etisi swo biha, kambe u etisa leswinene. La endlaka swinene, i wa Xikwembu, kambe la endlaka swo biha, a nga vonanga Xikwembu.

Yuwele 2:14

Ku tiva mani xana kumbe a nga ka a nga tlheri a rivalela, ni ku siya endzhaku ka yena ku kateka, ni mihlengo, ni magandzelo lama humeseriwaka Yehovha Xikwembu xa n'wina?

Pisalema 97:10

N'wina lami rhandzaka Yehovha, vengani leswo biha! U hlayisa mimoya ya vakwetsimi va yena, U va kutsula emavokweni ya lavo biha.

Varhoma 8:7

hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

Mikiya 5:3

Hikwalaho u ta va nyiketa valala, ku ko ku fika nkarhi lowu muveleki a nga ta veleka ha wona, vamakwavo lava seleke va ta tlhela hinkwavo eka vana va Israele.

Eksoda 32:30

Kuteloko byi xile, Muxe a ku eka tiko: “Mi dyohile hi ku dyoha a lokukulu. Kambe sweswi ndzi ta tlhandlukela eka Yehovha, kumbe ndzi ta kuma ku rivaleriwa ka ku dyoha ka n'wina.”

Yonasi 3:9

Ku tiva mani? Kumbe Xikwembu xi ta hundzuka, xi tlhela evukarini bya ku hlundzuka ka xona, hi nga ti lova.”

Amosi 5:24

kambe ku avanyisa a ku khuluke tanihi mati, ni ku lulama tanihi nambu lowu nga phyiki.

Pisalema 36:4

U anakanya swo homboloka emasangwini ya yena. U famba hi ndlela leyi nga riki leyinene; A nga fularheli leswo biha.

1 TIHOSI 20:31

Malandza ya yena ma ku eka yena: “Waswivo, hi swi twile leswaku tihosi ta yindlu ya Israele ti ni tintswalo. Wa nga hi pfumelela ku ambala tinguvu leto khwaxa eswifungheni swa hina, ni tingoti etinhlokweni ta hina, hi ta huma emahlweni ka hosi ya Israele: kumbe u ta ku tshika u hanya.”

Varhoma 7:22

Hikuva ndzi tsakela nawu wa Xikwembu hi munhu la nga exikarhi ka mina;

Mikiya 2:12

Ndzi ta ku hlengeleta ni lava seleke Vaisraele; ndzi va veka kun'we kukotisa tinyimpfu etshangeni, ni ntlhambi lowu nga emadyelweni wu va mpfumawulo wa vanhu lavo tala.

Amosi 6:12

Xana tihanci ti tsutsumisiwa emaribyeni, kumbexana ku rimiwa hi tihavi kona, leswi mi nga hundzula ku avanyisa nhlomulo, ni mbhandzu wa ku lulama mi wu hundzule ku vava?

Amosi 5:10

Va venga la tsundzuxaka ehubyeni, va yila lava vulavulaka hi ku lulama.

Amosi 5:6

Lavani Yehovha, mi ta hanya, leswaku a nga tshuki a wela yindlu ya Yosefa tanihi ndzilo, kutani ndzilo wolowo wu herisa Betele, ku nga ri na munhu la wu timaka.

Yeremiya 31:7

Hikuva Yehovha u vula a ku: “Huwelelani hi ku tsaka eka Yakobo, mi dzunisa loyi a nga lowo rhanga exikarhi ka matiko; twarisani tinsimu, mi ku: ‘Oho Yehovha, ponisa tiko ra wena, e masalela ya Israele?’

Pisalema 119:104

Ndzi kuma ku twisisa eku leteleni ka wena, Hi leswo-ke ndzi vengile tindlela hinkwato ta mavunwa.

Pisalema 37:27

Fularhela swo biha, u endla leswinene, Kutani u ta tshama hi laha ku nga heriki.

Pisalema 34:14

Fularhela leswo biha, u endla leswinene; Lava ku rhula, u ku landzelela.

2 TIHOSI 19:4

Kumbe Yehovha Xikwembu xa wena, xi yingisile marito hinkwawo ya Rhabi-Xake, la rhumiweke hi n'wini wa yena, hosi ya Asiriya, ku sandza Xikwembu lexi hanyaka; kumbexana Yehovha, Xikwembu xa wena, a ta avanyisa marito lawa a ma yingiseke kutani u ta humesa xikhongelo hikwalaho ka tiko leri ra ha seleke.’ ”

2 TIHOSI 15:29

Emasikwini ya Peka, hosi ya Israele, Tiglata-Pilezere, hosi ya Asiriya, a ta, kutani a teka Iyoni, na Avele-Beta-Maaka, na Yanowaka, na Kedexe, na Hasoro, na Giliyadi, na Galeliya, ni tiko hinkwaro ra Neftali, kutani a fambisa vaaki va kona eAsiriya.

2 TIHOSI 13:7

Hikuva Yehovha a a siyele Yowahazi nyimpi ya ntlhanu wa makume wa vakhandziyi va tihanci ntsena, ni tigolonyi ta khume, ni vavanuna lava fambaka hi milenge va 10 000; hikuva hosi ya Siriya a yi herisile Vaisraele, yi va endlile kukotisa ntshuri lowu kandziyeriwaka.

2 SAMIELE 16:12

Kumbe Yehovha u ta languta ku tsongahatiwa ka mina, kutani Yehovha u ta ndzi tlherisela leswinene ematshan'weni ya mirhukano ya siku leri.”

Pisalema 80:1

Rhiya ndleve, murisi wa Israele, Wena la fambisaka Yosefa, tani hi ntlhambi, Wena la tshamaka exikarhi ka tikerubu, Humelela eku vonakaleni ka wena!

Daniele 2:49

Kambe Daniele a kombele ka hosi leswaku a veka Xadraka, Mexaka na Abedi-Nego va va entirhweni wa tiko ra Babilona; Daniele, yena, a va ehubyeni ya hosi.

Amosi 7:3

Yehovha a tshika mhaka yoleyo. “A yi nga endlakali,” ku vula Yehovha.

Yonasi 1:6

Kutani n'wini wa byatso a n'wi tshinelela, a ku eka yena: “U etlelela yini? Pfuka u khongela Xikwembu xa wena; kumbexana xi ta hi anakanya, hi nga ti lova.”

Sofoniya 2:3

Lavani Yehovha, n'wina, vatitsongahati hinkwavo va tiko, lava endlaka hi ku lerisa ka yena, lavani ku lulama, mi lava ku titsongahata; kumbe mi ta tifihla esikwini ra vukari bya Yehovha.

Malakiya 3:18

Mi ta tlhela mi vona ku hambana loku nga kona eka la lulameke ni lowo biha, ni ka la tirhelaka Xikwembu ni la nga xi tirheliki!

Yeremiya 18:8

loko tiko leri ndzi ri tshinyeke ri hundzuka eku biheni ka rona, na mina ndzi tlhela eku kariheni kuloku ingi ndzi anakanyile ku va endlela hakona.

Yeremiya 22:3

Ku vula Yehovha, a ku: “Avanyisani hi ku lulama, mi lamulela xisiwana emavokweni ya loyi a n'wi karhataka, mi nga tshuki mi pfukela wamatiko, ni xisiwana, ni noni matimba, mi nga va endli swo biha; mi nga halati ngati leyi nga riki na nandzu exivandleni lexi.

Ezekiele 45:9

Hosi Yehovha u ri: Oho tihosi ta Israele, swi ringene! Tshikani ku leva ni ku phanga, endlani hi nawu ni ku lulama mi nga tshami mi xanisa tiko ra mina, ku vula Hosi Yehovha.

Mikiya 3:2

N'wina, mi vengaka vunene, mi rhandza swo biha, mi xindlaka vanhu miri, mi susa ni nhlonge henhla ka marhambu va vona?