Amosi 5:14 - Xitsonga (Bibele)

¹⁴ Lavani leswinene, swi nga ri leswo biha, leswaku mi ta hanya; leswaku Yehovha, Xikwembu xa tinyimpi u ta va na n'wina, hilaha mi vulaka hakona.

BIBELE Mahungu Lamanene

¹⁴ Lavani leswo lulama, swi nga ri leswo biha, mi ta kuma vutomi, kutani hi kona HOSI, Xikwembu xa matimba hinkwawo, xi nga ta va na n'wina, hilaha mi toloveleke ku vula hakona.

Amosi 5:14 Referans Kwoze

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Matewu 6:33

Kambe rhangani mi tilavela ku fuma ka Xikwembu ni ku lulama ka xona kutani leswo hinkwaswo mi ta engeteleriwa swona.

Mikiya 6:8

Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

2 Timotiya 4:22

Hosi Yesu Kriste a yi ve ni moya wa wena! Tintswalo a ti ve na n'wina!

Amosi 3:3

“Xana vambirhi va nga famba swin'we va nga pfumelelananga?

1 TIKRONIKA 28:20

Davhida a engeta a ku eka Solomoni, n'wana wa yena: “Tiya mbilu u tiya, u endla hakona! U nga chavi, u nga heli mbilu, hikuva Yehovha, Xikwembu, Xikwembu xa mina, u ta va na wena, a nga ka a nga ku tshiki, a nga ka a nga ku rivali, mitirho hinkwayo ya ntirho wa yindlu ya Yehovha yi ko yi hela.

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Esaya 55:2

Xana mi xavela yini hi mali, leswi swi nga riki vuswa xana? Xana mi tirhela yini, leswi nga xurhisiki xana? Ndzi yingiseni, mi ta dya leswo nandziha; mimoya ya n'wina yi ta titsakela endzalweni.

Swivuriso 11:27

La phikelelaka vunene u ta kuma tintswalo, Kambe la lavaka swo biha u ta khomiwa ha swona.

Pisalema 46:11

Yehovha wa tinyimpi u na hina, Xikwembu xa Yakobo i xichavelo xa hina lexi tlakukeke.

Esaya 8:10

Kanelani makungu, ma ta hundzuka swahava! Lerisani milawu, kambe yi nga ka yi nga humeleri, hikuva Xikwembu xi na hina!

2 TIKRONIKA 15:2

kutani a humelela emahlweni ka Asa, a ku eka yena: “Wee Asa, ni va Yuda hinkwenu, ni va Benjamini, ndzi yingiseni! Yehovha u na n'wina loko mi ri na yena; kungakuloko mi n'wi lava, u ta pfumela ku kumiwa hi n'wina; kambe loko mi n'wi tshika, u ta mi tshika.

Tinhlayo 16:3

Kutani va hlengeletana va rhendzela Muxe na Aroni va ku eka vona: “Swi ringene, hikuva nhlengeletano hinkwayo yi kwetsimile, kutani Yehovha u le xikarhi ka vona! Xana mi tikurisela yini ehenhla ka nhlengeletano ya Yehova-ke?”

Eksoda 3:12

Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Genesa 39:23

N'wini wa khotso a a nga ha langutisi nchumu eka swilo hinkwaswo leswi ngi swi ri emavokweni ya Yosefa, hikuva Yehovha a a ri na yena; ni leswi a swi endlaka, Yehovha a a swi katekisa.

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Amosi 5:6

Lavani Yehovha, mi ta hanya, leswaku a nga tshuki a wela yindlu ya Yosefa tanihi ndzilo, kutani ndzilo wolowo wu herisa Betele, ku nga ri na munhu la wu timaka.

Sofoniya 2:3

Lavani Yehovha, n'wina, vatitsongahati hinkwavo va tiko, lava endlaka hi ku lerisa ka yena, lavani ku lulama, mi lava ku titsongahata; kumbe mi ta tifihla esikwini ra vukari bya Yehovha.

Pisalema 97:10

N'wina lami rhandzaka Yehovha, vengani leswo biha! U hlayisa mimoya ya vakwetsimi va yena, U va kutsula emavokweni ya lavo biha.