Amosi 5:11 - Xitsonga (Bibele)

¹¹ Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

BIBELE Mahungu Lamanene

¹¹ Mi akile tindlu hi maribye lama vatliweke, kambe mi nga ka mi nga etleli eka tona; mi rimile masimu layo saseka ya vhinya, kambe mi nga ka mi nga nwi vhinyo ya kona, hikuva mi tshikelela vapfumari, mi va tekela mavele hi nkani.

Amosi 5:11 Referans Kwoze

Sofoniya 1:13

Rifuwo ra vona ri ta phangiwa, tindlu ta vona ti ta onhiwa; va ta aka tindlu, kambe va nga ka va nga tshami eka tona; va ta byala vhinya, kambe va nga ka va nga nwi vhinyo ya yona.”

Mikiya 6:15

U ta byala, kambe u nga ka u nga tshoveri; u ta khuvuta mihandzu ya mitlhwari, kambe a ku nga toli mafurha ya yona; u ta kama mihandzu ya tivhinya, kambe a ku nga nwi vhinyo.

Duteronoma 28:30

“U ta vuta wansati, kambe un'wana u ta etlela na yena; u ta aka yindlu, kambe u nga ka u nga tshami eka yona; u ta byala vhinya, kambe u nga ka u nga dyi swa yona.

Yakobo 2:6

Kasi n'wina mi sola xisiwana! Xana a hi vafuwi lava mi xanisaka; kutani a hi vona lava mi kokelaka etihubyeni xana?

Hagayi 1:6

ma dya, kambe a mi xurhi, ma nwa, kambe a mi kolwi; ma funengela, kambe a mi kufumeli; la tirhelaka hakelo, u yi tirhela ku yi nghenisa exikhwameni lexi boxekeke.

Mikiya 2:2

Va rhandza ku titekela masimu ni tindlu; kutani va pfukela wanuna ni yindlu ya yena, ni munhu la nga ni ndzhaka ya yena.

Amosi 3:15

Ndzi ta mbundzuxa yindlu ya vuxika ni yindlu ya ximumu; kutani tindlu leti bombisiweke hi timhondzo ta tindlopfu ti ta hela, ku ta herisiwa ni tindlu leto tala,” ku vula Yehovha.

Esaya 16:10

Ku tsaka ni mikhuvo swi sukile emitangeni; ni le tivhinyeni, a ka ha ri na tinsimu ni ku tsaka, a ka ha khuvutiwi mihandzu eswikhuvutelweni, ndzi miyetile mitlango ya vakhuvuti!

Ezekiele 26:12

Va ta byisa swifuwo swa wena, va onha mitirho ya wena ya mabindzu; va mbundzuxa marhangu ya wena, va hahlula tindlu ta wena leto saseka, va cukumeta maribye ya wena ni mirhi ya wena, ni ntshuri wa wena ematini.

Amosi 2:6

Yehovha u ri: “Hikwalaho ka milandzu minharhu, kumbe ya mune ya Israele — ndzi nga ka ndzi nga hundzuki, hikuva va xave mali hi la lulameke, va xave tintanghu hi xisiwana,

Amosi 3:9

Huwelelani etindlwini ta vuhosi ta Axidodo, ni le tindlwini ta vuhosi etikweni ra Egipta, mi ku: “Hlengeletanani etintshaveni ta Samariya mi ta vona madzolonga layo tala lama nga exikarhi ka yena ni maxangu lama nga eka yena.”

Amosi 4:1

“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’

Amosi 6:11

Hikuva vonani, Yehovha u lerisile, kutani yindlu leyikulu yi ta mbundzuxiwa, yi hundzuka rhumbi, ni yindlu leyitsongo yi ta fayeteriwa.

Amosi 6:12

Xana tihanci ti tsutsumisiwa emaribyeni, kumbexana ku rimiwa hi tihavi kona, leswi mi nga hundzula ku avanyisa nhlomulo, ni mbhandzu wa ku lulama mi wu hundzule ku vava?

Amosi 8:4

Yingisani mhaka leyi, n'wina lava tiyiselaka ku dya xisiwana ni ku lovisa vapfumari etikweni; n'wina lava nge: “Siku ra ku tshama ka n'weti ri ta hundza rini, hi ta xavisa mavele?

Mikiya 1:6

Ku dyoha ka Yakobo i yini? Xana a hi Samariya? Ni swivandla leswi tlakukeke swa Yuda hi swihi? Xana a hi Yerusalema? Hikwalaho ndzi ta hundzula muti wa Samariya, wu kotisa nhulu wa maribye ensin'wini, laha ku nga rimiwa kona tivhinya; kutani ndzi cukumeta maribye ya kona enkoveni ndzi funungula masungulo ya wona.

Malakiya 1:4

Ni loko Edomu a nga ku: “Hi herisiwile; kambe hi ta tlhela hi pfuxa marhumbi.” Yehovha wa mavandla u ri: “Va ta aka, kambe mina ndzi ta mbundzuxa, kutani va ta vuriwa tiko ra ku biha, ni vanhu volavo Yehovha a va karihelaka hi masiku.”

Levhitika 26:16

na mina ndzi ta mi endla leswi: ndzi ta mi rhumela nchavo, xifuva, ni ku hisa ka miri swi ta heta mahlo ya n'wina, swi ta herisa ni timbilu ta n'wina; mi ta byalela timbewu ta n'wina mahala: valala va n'wina va ta ti dya.

Ntirho 20:19

Hikuva u karhatile swisiwana, u va cukumetile, Kambe u onhile tindlu, a nga ti pfuxi.

Ezekiele 34:21

Hikuva mi susumete hi rivambu ni khatla, mi be leti vabyaka hinkwato hi timhondzo ta n'wina ku fikela loko mi ti hangalasela ehandle.

Hosiya 9:2

Swivuya ni swikhuvutelo swi nga ka swi nga va xurhisi, ni vhinyo, yi ta kanganyisa ku langutela ka vona.

Amosi 2:7

va navela ku vona ntshuri wa misava ehenhla ka nhloko ya xisiwana kutani va gombonyokisa timhaka ta lava nga ekhombyeni; munhu ni tata wa yena va nghenela nsati a ri un'we ku sandzisa vito ra mina leri hlawuriweke,

Amosi 9:14

Ndzi ta tshunxa tiko ra mina ra Israele evukhumbini bya rona, kutani va ta pfuxa miti leyi onhakeke va aka kona; va ta rima masimu ya vhinya, va nwa vhinyo ya wona, va ta rima mitanga ya mirhi va dya mihandzu ya yona.