Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.
“ ‘Byewula misisi, u yi cukumeta, kutani u endla nkosi eswitsungeni leswi tlakukeke, hikuva Yehovha u cukumetile rixaka rero a ri kariheleke, u ri sandzile.’
Hikwalaho, ku vula Yehovha Xikwembu xa tinyimpi, yena Hosi: “Swirilo swi ta va kona eswivandleni hinkwaswo, kutani va ta huwelela emitsendzeleni hinkwayo, va ku: ‘Yoo! Yoo!’ Murimi u ta vitaneriwa ku rila, ni lava tivaka tinsimu ta mahlomulo va vitaneriwa mikosi.
“Yingisani rito leri, n'wina matswele ya Baxani, lama nga entshaveni ya Samariya, n'wina lava xanisaka lavatsongo, mi xanisaka swisiwana, mi nge eka vanuna va n'wina: ‘Tisani, hi nwa!’
“Hi rona risimu ra swirilo; va ta ri rilela. Vanhwana va vamatiko va ta ri rilela; va ta rilela Egipta, ni vunyingi bya vanhu va kona, ku vula Hosi Yehovha.”
“N'wana wa munhu, rilela Faro hosi ya Egipta, u ku eka yena: U fana ni nghala leyintshwa ya matiko, na swona u fana ni ngwenya elwandle, u hlambela emilambyeni ya wena, u tsekatsekisa mati hi milenge ya wena, u pfindlusa milambu ya wona.
“N'wana wa munhu, tlakusa xirilo eka hosi ya Tiri, u ku eka yena: Hosi Yehovha u ri: U tikombisile leswaku u hetisekile, u tele vutlhari u hetiserile hi ku saseka.
Va ta endla swirilo ehenhla ka wena, va ku eka wena: U lovise ku yini, wena loyi ingi u akiwile hi va malwandle, wena muti lowu twaleke, lowu ingi wu ri ni matimba elwandle, wena ni hinkwavo lava akeke eka wena, lava ingi va chaviwa hi hinkwavo lava akeke emalwandle xana?
Ndzilo wu humile emarhavini, wu hisile mihandzu; yi nga ha ri na marhavi lamanene lama ringanaka nhonga ya vuhosi. Hi rona rito ra nhlomulo, ri ta va rito ra nhlomulo.
Hikwalaho, vavasati, yingisani rito ra Yehovha, kutani tindleve ta n'wina ti amukela rito ra nomu wa yena: Mi dyondzisa vana va n'wina ku yimbelela xirilo kutani mi dyondzisana risimu ra ku rila.
Xana ndzi nga tshikisa ku yini ku tshinya swilo leswo tano xana,” ku vula Yehovha? “Kumbe moya wa mina wu nga tshikisa ku yini ku tirihisela eka tiko lero tano xana?”
“Loko swi ri tano, Yehovha u ri: ‘Vutisisani sweswi matiko, mi ku: “Xana un'wana a nga va kona la tshamaka a yingisa lexo tano-ke? Kambe nhwanyana wa Israele u endlile mhaka leyi chavisaka ngopfu.
Vona lava hlambanyaka hi ku dyoha ka Samariya, va ku: ‘A ku hanye xikwembu xa wena Dani!’ Kumbe: ‘A ku hanye ndlela leyi yaka eBerexeba!’ ... va ta wa, a va nga ha tlheri va pfuka.”