Amosi 3:15 - Xitsonga (Bibele)

¹⁵ Ndzi ta mbundzuxa yindlu ya vuxika ni yindlu ya ximumu; kutani tindlu leti bombisiweke hi timhondzo ta tindlopfu ti ta hela, ku ta herisiwa ni tindlu leto tala,” ku vula Yehovha.

BIBELE Mahungu Lamanene

¹⁵ Ndzi ta mbindzimuxa tindlu ta vuxika, ndzi mbindzimuxa ni ta ximumu. Tindlu to sasekisiwa hi meno ya tindlopfu ti ta lovisiwa, ni tindlu letikulu ti ta hela ti ku bi!” HOSI yi vula sweswo.

Amosi 3:15 Referans Kwoze

Yeremiya 36:22

Hosi a yi tshamile endlwini ya vuxika, yi ri n'hweti ya ntlhanu na mune, kambe makala a ma ri kona ma vuvumela exitikweni, emahlweni ka yena.

1 TIHOSI 22:39

Leswi seleke swa timhaka ta Akabu, ni hinkwaswo leswi a swi endleke, ni yindlu ya timhondzo ta tindlopfu leyi a yi akeke, ni miti hinkwayo leyi a yi akeke, xana a swi tsariwanga ebukwini ya Tikronika ta tihosi ta Israele xana?

Vaavanyisi 3:20

Kutani Ehudi a n'wi tshinelela endlwini ya yena laha ku titimelaka, yi ri ya yena swakwe, kutani Ehudi a ku eka yena: “Ndzi ku tiserile mhaka ya Xikwembu.” Kwalaho Egiloni a suka exitshan'weni xa yena.

Amosi 6:11

Hikuva vonani, Yehovha u lerisile, kutani yindlu leyikulu yi ta mbundzuxiwa, yi hundzuka rhumbi, ni yindlu leyitsongo yi ta fayeteriwa.

Esaya 5:9

Yehovha wa tinyimpi u vurile etindleveni ta mina, a ku: “Kunene tindlu leto tala leti, ti ta hundzuka rhumbi, tindlu leto saseka letikulu leti, ti ta pfumala vaaki.

Amosi 3:11

Hikwalaho Hosi Yehovha a nga te: “Valala hi lava, va rhendzele tiko hinkwaro, va ta herisa matimba ya wena, ni tindlu ta wena ta vuhosi ti ta phangiwa.”

Pisalema 45:8

Mirha, ni mhangani, ni kasiya swi le tingubyini ta wena hinkwato; Etindlwini ta ndlopfu, ku yimba ka magubu ku ku tsakisa.

Amosi 2:5

ndzi ta hoxa ndzilo eYuda, wu ta hisa tindlu ta vukosi ta Yerusalema.”

Amosi 5:11

Hikwalaho, leswi mi kandziyelaka lontsongo, mi teka koro ya yena hi nsele; hambiloko mi akile tindlu hi maribye lama vatliweke, mi nga ka mi nga tshami eka tona; ni loko mi simekile tivhinya leto saseka, mi nga ka mi nga nwi vhinyo ya tona.

Malakiya 1:4

Ni loko Edomu a nga ku: “Hi herisiwile; kambe hi ta tlhela hi pfuxa marhumbi.” Yehovha wa mavandla u ri: “Va ta aka, kambe mina ndzi ta mbundzuxa, kutani va ta vuriwa tiko ra ku biha, ni vanhu volavo Yehovha a va karihelaka hi masiku.”