Amosi 3:12 - Xitsonga (Bibele)

¹² Yehovha u ri: “Kukotisa loko murisi a vutla milenge mimbirhi ya nyimpfu, kumbe nhluvi wa ndleve enon'wini wa nghala, ku ta vutlisiwa sweswo vana va Israele! Lava nge Samariya, lava tshameke emakumu ka swilawu, ni le henhla ka byetlelo lebyi andlariweke hi tinguvu ta Damaska.”

BIBELE Mahungu Lamanene

¹² HOSI yi vurisa sweswo yi ri: “Exikarhi ka Vaisraele lava akeke eSamariya, lava tiphinaka eswitshan'wini leswo vempfama, va etlela emasangwini lamanene, ku ta pona vanhu va nga ri vangani ntsena. Swi ta fana ni loko murisi a kota ntsena ku ponisa milenge mimbirhi ya nyimpfu kumbe xichupu xa ndleve enon'wini wa nghala!”

Amosi 3:12 Referans Kwoze

Esaya 31:4

Hikuva Yehovha u ndzi byerile, a ku “Kukotisa nghala, kumbe xinghalana; loko xi dzumadzumela xiharhi lexi khomiweke hi xona, xi nga chavi pongo ra varisi lavo tala lava rhambaneke, xi nga baleki hi ku tala ka vona; hi mukhuva wolowo, Yehovha wa tinyimpi u ta xika ku ya hlasela ntshava ya Siyoni ni ripala ra kona.

2 TIHOSI 16:9

Hosi ya Asiriya yi n'wi yingisa; kutani hosi ya Asiriya yi tlhandluka! Yi ya lwa na Damaska yi wu teka, yi yisa vaaki va kona eKiri, yi dlaya Resini.

1 TIHOSI 22:25

Kutani Mikaya a ku: “U ta swi vona siku leri u nga ta huma ekamareni yin'wana ku ya tumbela ekamareni yin'wana.”

1 TIHOSI 20:34

Bene-Hadada a ku eka yena: “Ndzi ta ku tlherisela miti leyi tatana a yi tekeke eka tata wa wena, kutani u ta tiakela mitsendzele eDamaska kukotisa tatana a tiakeleke yona eSamariya.” Akabu a hlamula, a ku: “Loko ndzi ri mina, ndzi ta ku tshika u famba loko hi endlile xinakulobye.” Kavaloko a endla xinakulobye na yena, kutani a n'wi tshika a famba.

1 TIHOSI 20:30

Lava seleke va tsutsuma emutini wa Afeke, kutani rirhangu ra muti ri wela ehenhla ka vavanuna lava seleke va 27 000. Bene-Hadada a tsutsuma, a nghena emutini, a suka ekamareni yin'wana ku ya ekamareni yin'wana.

Amosi 6:4

“Va seketele ehenhla ka switshamo leswi endliweke hi timhondzo ta ndlopfu, va tiolorile ehenhla ka masangu ya vona, va dya swinyimpfana swa ntlhambi, ni marhole lama nonisiweke.

Esaya 8:4

Hikuva n'wana a nga si tiva ku vula: ‘Tatana, manana!’ Xuma xa Damaska ni xuma xa Samariya swi ta yisiwa emahlweni ka hosi ya Asiriya.”

Estere 1:6

Kona, a ku ri ni tinguvu ta ntsembyana lowo basa, ni ta rihlaza, ni ta ribungu, ingi ti hayekiwile hi tingoti ta ntsembyana lowa ribungu eswingwavileni swa silivhere, ni le timhandzeni ta mabulu lowo basa; kambe, a ku ri ni swilawu swa nsuku ni silivhere evukandziyweni bya porfira, ni bya mabulu lowo basa, ni bya tinkatla, ni bya maribye laya ntima.

Estere 7:8

Hosi yi vuya hi le ntangeni wa yindlu ya vuhosi, yi vuyela endlwini, laha ingi ku nwiwa vhinyo. Kasi Hamani a tiwisele exilawini lexi Estere a nga eka xona. Hosi yi ku: “Xana hileswaku, u pfukela nkosikazi matimba emahlweni ka mina endlwini ya mina?” Mhaka yoleyo ya ku ya ha huma enon'wini wa hosi, ku funengetiwa nghohe ya Hamani.

Pisalema 132:3

“A ndzi nga ha ngheni endlwini ya mina, A ndzi nga wisi emasangwini ya mina,

Amosi 9:8

Vonani, mahlo ya Hosi Yehovha ma honokele ku fuma loku teleke swidyoho, ndzi ta ku herisa ehenhla ka misava; ntsena ndzi nga lovisi yindlu ya Yakobo emakumu,” ku vula Yehovha.

Esaya 17:7

Hi siku rero munhu u ta languta eka Muvumbi wa yena, mahlo ya yena ma ta languta eka Mukwetsimi wa Israele.