Amosi 2:15 - Xitsonga (Bibele)

¹⁵ Loyi a tameleke vurha a nga ka a nga tihanyisi, ni la khandziyaka hanci a nga ka a nga ponisi ku hanya ka yena;

BIBELE Mahungu Lamanene

¹⁵ Loyi a lwaka hi vurha, a nge yimi, hambi loyi a nga ni rivilo, a nge phonyoki, ni mugadi wa hanci a nge koti ku tiponisa.

Amosi 2:15 Referans Kwoze

Ezekiele 39:3

Kwalaho ndzi ta damurhuta vurha bya wena evokweni ra wena ra ximatsi, ndzi va ndzi wisa miseve ya wena evokweni ra wena ra xinene.

Eklesiasta 9:11

Ndzi tlherile kambe ndzi vona ehansi ka dyambu leswaku eku siyisaneni, switsutsumi a swi siyi van'wana hi masiku kumbe tinhenha a ti hluri hi masiku ni swakudya a hi swa lavo tlhariha hi masiku, ni rifuwo a hi ra lava nga ni ku twisisa hi masiku, ni ku fundziwa a hi ka tintlhari hi masiku, hikuva nkarhi ni khombo, i swa hinkwavo.

Esaya 31:3

Muegipta i munhu, a hi Xikwembu; tihanci ta yena i nyama, a hi moya. Kutakuloko Yehovha a tshambuluta voko ra yena, mupfuni u ta khunguvanyeka ni loyi a n'wi pfunaka, va ta hela swin'we hinkwavo.

Yeremiya 51:56

Kunene muonhi u tele yena Babilona, kutani tinhenha ta yena ti khomiwile mavurha ya vona ma tshovekile; hikuva Yehovha i Xikwembu xa ku tirihisela, u ta hakela hi mfanelo.

Hagayi 2:22

ndzi lovisa matimba ya ku fuma ka matiko, ndzi andlala tigolonyi ni lava fambaka ha tona; tihanci ni vakhandziyi va tona va ta wa un'wana ni un'wana hi fumu ra warikwavo.

Zakariya 10:5

Va yindlu ya Yuda va ta kota tinhenha leti kandziyelaka valala endzhopeni wa ndlela enyimpini, va ta lwa, hikuva Yehovha u na vona; lava khandziyeke tihanci va khomiwa hi tingana.

Amosi 9:1

Ndzi vonile Hosi yi yimile ekusuhi ni alitari, yi ku: “Bana xihlungwana xa yindlu, ku ninginika ni marimba ya nyangwa; u swi tshovela henhla ka tinhloko ta vona hinkwavo. Lava seleke ndzi ta va dlaya hi fumu; ku nga ka ku nga vi na un'we eka vona la nga ta baleka, ni loko a ri un'we la nga ta pona.