Amosi 2:10 - Xitsonga (Bibele)

¹⁰ Kambe hi mina ndzi nga mi humesa etikweni ra Egipta, ndzi mi fambisa emananga hi malembe ya mune wa makume mi ta fuma tiko ra Vaamori.

BIBELE Mahungu Lamanene

¹⁰ “Ka ha ri mina loyi a mi humeseke etikweni ra Egipta, ndzi mi fambisa malembe ya 40 emananga, leswaku ndzi ta mi nyika tiko ra Vaamori ri va ra n'wina.

Amosi 2:10 Referans Kwoze

Duteronoma 2:7

Hikuva Yehovha Xikwembu xa wena, xi ku katekisile emitirhweni hinkwayo ya mavoko ya wena; xi tivile ku famba ka wena emananga lamakulu lawa. Hi malembe ya mune wa makume lawa Yehovha Xikwembu xa wena, a xi ri na wena; a u pfumalanga nchumu.” ’

Eksoda 12:51

Ha rona siku rero, Yehovha a humesa vana va Israele etikweni ra Egipta hi mavandla ya vona.

Amosi 3:1

Yingisani rito leri, leri Yehovha a ri vulaka eka n'wina, vana va Israele, ni le ka ndyangu hinkwawo lowu ndzi wu humeseke etikweni ra Egipta,

Timhaka 13:18

Kutani emananga xi va endlela hi tintswalo hi malembe ya mune wa makume.

Timhaka 7:42

Hikwalaho Xikwembu xi va fularhela, xi va nyiketa eku gandzeleni ka mavandla ya tilo, hilaha ku tsariweke hakona ebukwini ya vaprofeta leswaku: ‘N'wina, yindlu ya Israele, xana mi ndzi humesele switlhavelo ni timhamba emananga hi malembe ya mune wa makume xana?

Mikiya 6:4

Ndzi hlamule! Ndzi ku humesile etikweni ra Egipta, ndzi ku kutsurile endlwini ya vukhumbi, ndzi ku rhangele emahlweni ha va Muxe, na Aroni, na Meriyamu.

Amosi 9:7

“Xana eka mina a mi fani na vana va Kuxi, n'wina, vana va Israele?” ku vula Yehovha. “Xana a ndzi humesanga Israele etikweni ra Egipta, kukota loko ndzi humesile Vafilista eKafitoro, ni Vasiriya eKiri?

Eksoda 3:8

ndzi xikele ku ta va kutsula emavokweni ya Vaegipta, ni ku va humesa etikweni lero, ndzi va yisa etikweni lerikulu, lero saseka, etikweni ra ntswamba ni vulombe, evutshan'weni bya Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Ezekiele 20:10

“Ndzi vuya ndzi va humesa etikweni ra Egipta, ndzi va yisa emananga.

Pisalema 95:10

Ndzi phiriwa hi rixaka leri hi mune wa makume ya malembe, Ndzi ku: “I tiko leri mbilu ya rona yi lahlekeke, A va tivi tindlela ta mina,”

Nehemiya 9:21

Hi malembe ya mune wa makume, u va hlayisile mananga, a va pfumalanga nchumu; swa ku ambala swa vona a swi onhakanga, ni milenge ya vona a yi pfimbanga.

Duteronoma 1:39

Loko va ri vananyana va n'wina, lava mi nga vula hikwalaho ka vona mi ku: “Va ta khomiwa!” Ni vana va n'wina lava nga tiviki namuntlha leswo saseka ni leswo biha, hi vona lava nga ta nghena eka rona; ndzi ta ri nyika vona, ri va ra vona.

Eksoda 20:2

“Hi mina Yehovha, Xikwembu xa wena la ku humeseke etikweni ra Egipta endlwini ya vukhumbi.

Tinhlayo 21:25

Israele a teka miti leyi hinkwayo, kutani Israele a aka emitini hinkwayo ya Vaamori, wu nga Hexiboni ni le mitini hinkwayo leyi nga ehansi ka wona.

Yoxuwa 13:4

edzongeni, tiko hinkwaro ra Vakanana, na Meyara leri nga ra Vasidoni, ku fika eAfeke, ku fika endzilakaneni wa Vaamori;

Tinhlayo 13:32

Kutani va sandza tiko leri va ri kambeleke emahlweni ka vana va Israele va ku: “Tiko leri hi ri tsemakanyeke ku ri kamba, i tiko leri dlayaka vaaki va rona: vanhu hinkwavo lava hi va voneke va lehile ngopfu;

Tinhlayo 32:13

Kutani Yehovha a karihela Israele, a n'wi fambisa emananga hi malembe ya mune wa makume, ku ko ku hela rixaka hinkwaro leri endleke swo biha emahlweni ka Yehovha.

Yoxuwa 24:8

“ ‘Ndzi mi fambisile etikweni ra Vaamori lava akeke ehase ka Yordani, kutani va lwa na n'wina, kambe ndzi va nyiketile emavokweni ya n'wina mi va mi teka tiko ra vona; sweswo ndzi va herisile emahlweni ka n'wina.

Yeremiya 2:6

A va vulangi, va ku: ‘U kwihi Yehovha, la hi humeseke etikweni ra Egipta, la hi fambiseke emananga, etikweni lero kwalala, ra mikova, tiko leri omeke ra ndzhuti wa rifu, tiko leri nga riki na muhundzi, ni muaki?’