Amosi 1:2 - Xitsonga (Bibele)

² A ku: “Yehovha u ta dzumadzuma le Siyoni, a tlakusa rito ra yena a ri Yerusalema, madyelo ya varisi ma ta va ni tingana, ni nhlohlorhi ya Karmele yi ta oma.”

BIBELE Mahungu Lamanene

² Kutani Amosi a ku: “HOSI Xikwembu xi bonga eSiyoni, rito ra xona ri duma ri huma eYerusalema, kutani lomu varisi va dyiselaka kona, ka tshwa, swimila swi vuna enhlohlorhini ya ntshava ya Karmele.”

Amosi 1:2 Referans Kwoze

Yuwele 3:16

Yehovha u ta dzumadzuma eSiyoni; a twarisa rito ra yena a ri Yerusalema, tilo ni misava swi ta tsekatseka. Kambe Yehovha! Xichavelo eka tiko ra yena, i khokholo eka vana va Israele.

Yeremiya 25:30

Kutani wena, u va profetela marito lawa hinkwawo, u ku eka vona: ‘Eku tlakukeni ka yena Yehovha u ta pfuma, evuakweni lebyi kwetsimaka bya yena u ta tlakusa rito; a dzumadzumela yindlu ya yena; mpfumawulo lowu kotaka wa lava kandzaka exikhuvutweni, a wu pfumisela vaaki hinkwavo va misava.

Amosi 9:3

Ni loko va nga tifihla enhlohlorhini ya Karmele, ndzi ta va lavisisa kona, ndzi va khoma; ni loko va tifihlela emahlweni ya mina eswidziveni swa lwandle kona ndzi ta lerisa nyoka leswaku yi va luma.

Yeremiya 12:4

Misava yi ta rila ku ri kungani xana, ni byanyi bya masimu hinkwawo byi ta oma ku yisa kwihi xana? Hikwalaho ka ku biha ka vaaki va rona, swiharhi ni tinyanyana swi herile, hikuva va ri: “A nga ka a nga voni ku hela ka hina.”

Esaya 42:13

Yehovha wa huma tanihi nhenha, u pfuxa vukari bya yena tanihi munhu la yaka enyimpini, u tlakusa rito, u ba huwa, u kombisa matimba ya yena eka valala va yena.

Nahume 1:4

U tshinya lwandle ri va ri phya; u phyisa milambu hinkwayo. Baxani wa vuna, na yena Karmele, na xona xiluva xa Lebanoni xa vuna.

Yuwele 2:11

Kutani Yehovha a pfumisa rito ra yena emahlweni ka vandla ra yena, hikuva magovela ya yena hi lamakulu ngopfu, ni muheti wa rito ra yena u ni matimba; hikuva siku ra Yehovha hi lerikulu, ra chavisa, i mani la nga ri tiyelaka?

Hosiya 13:8

Ndzi ta tiwisela ehenhla ka vona ku fana ni bere leyi lahlekeriweke hi vana va yona, ndzi handzula swifuva swa vona, ndzi va dyela kona ku fana ni nghala ya ntswele; swivandzana swa nhova swi ta va handzula.

Yeremiya 50:19

Ndzi ta tlherisela Israele evuakweni bya yena: u ta kuma vudyelo Karmele ni le Baxani, kutani moya wa yena wu ta xurha, ni le ntshaveni ya Efrayimi ni le Giliyadi.

Yeremiya 14:2

“Yuda wa rila; tihuvo ta yena ti hele matimba, ti tshame hansi; va khomiwe hi tingana, kutani ku huwelela ka Yerusalema, ku tlhandlukile ehenhla.

Esaya 35:2

Ma ta rhumbuka hi ku tlurisa, ma tsakisisa, ma tsaka kunene, ma yimbelela tinsimu to tsaka, ma ta nyikiwa ku vonakala ka Lebanoni, ni ku nona ka Karmele ni ka Xaroni; kutani va ta vona ku kwetsima ka Yehovha, ni vukulu bya Xikwembu xa hina.

Esaya 33:9

Tiko ri le nkosini ri ni tingana; Lebanoni u ni tingana, u omile; Xaroni u fana ni mananga; Baxani na Karmele va hlanhleka makamba.

Swivuriso 20:2

Vukari bya hosi byi kotisa ku dzumadzuma ka nghala, La yi karihelaka u dyohela moya wa yena.

1 SAMIELE 25:2

EMawoni, a ku ri ni munhu loyi ingi rifuwo ra yena ri le Karmele. Munhu loyi a a fuwile ngopfu; a a ri ni tinyimpfu ta 3 000, ni timbuti ta 1 000, kutani a a yile eKarmele ku tsemela voya bya tinyimpfu ta yena.

Pisalema 46:6

Matiko ma pfuma, tihosi ti huma nyimpi, Xi twarisa rito ra xona, kutani misava yi nyuka.

Yeremiya 28:8

Vaprofeta va vile kona emahlweni ka mina ni le mahlweni ka wena, enkarhini wa khale va profetile ematikweni yo tala ni le ku fumeni lokukulu, leswaku tinyimpi ni makhombo, ni ntungu swi ta va kona.

Hosiya 11:10

Va ta landzela Yehovha. Kukotisa nghala u ta dzumadzuma; yena u ta dzumadzuma, kutani vana va yena va ta rhurhumela, va ta eka yena, va pfa hitlhelo ra lwandle.

Yuwele 1:19

Ndzi huwelela eka wena, Yehovha! Hikuva ndzilo wu dyile madyelo ya mananga, malangavi ma hisile mirhi hinkwayo ya nhova.

Pisalema 29:4

Rito ra Yehovha ri ni matimba, Rito ra Yehovha ri twakala hi vukulu,