3 Yohane 1:10 - Xitsonga (Bibele)

¹⁰ Hikwalaho, kungakuloko ndzi ta, ndzi ta n'wi tsundzuxa mitirho leyi a yi endlaka loko a hi hleva hi timhaka to biha; kutani a nga kolwi ha swona, kambe na swona a nga amukeri vamakwerhu, a engeta a sivela ni lava rhandzaka ku va amukela, a va hlongola ni le kerekeni.

BIBELE Mahungu Lamanene

¹⁰ Hikokwalaho, loko ndzi ta, ndzi ta paluxa leswi a swi endlaka, hikuva wa hi sandza hi marito layo biha. Ehandle ka swona sweswo, ú ala ni ku amukela vamakwerhu, a engeta a sivela lava navelaka ku va amukela, a va hlongola ni le kerekeni.

Testamente Leyimpsha Xichangana

¹⁰ Hikolaho, loko nita, nitapaluxa lesvi asviyendlaka, hikuva wahihleva hi timhaka tobiha. Handle ka svona svosvo, ayala ni kuyamukela vamakwerhu, atlhela asivela lava vanavelaka kuvayamukela, avahlongola ni le kerekeni.

3 Yohane 1:10 Referans Kwoze

Esaya 66:5

Yingisani rito ra Yehovha, n'wina lava chavaka rito ra yena! “Vamakwenu lava mi vengaka, lava mi tlherisaka hikwalaho ka vito ra mina, va ku: ‘Yehovha a a kombise ku twala ka yena leswaku hi ta vona ku tsaka ka n'wina!’ Kambe va ta khomiwa hi tingana.

Swivuriso 10:10

La tshunyetaka hi mahlo u vavisa la lulameke, Kambe xihunguki hi milomu xi ta suva.

2 Vakorinto 13:2

A ndzi tshama ndzi mi byela eku sunguleni, ni sweswi ndza ha mi byela ra vumbirhi, ndzi ku: Kukota leswi ndzi tshamaka ndzi endla eka n'wina loko ndzi ri kona, kambe sweswi a ndzi nga ri kona, ndzi tsalela lava dyoheke eku sunguleni, ni van'wana hinkwavo, leswaku, loko ndzi tlhela ndzi ta, ndzi nga ka ndzi nga ha tsetseleri munhu,

Luka 6:22

Mi ta va ni ku kateka siku vanhu va mi vengaka, va mi humesaka exikarhi ka vona, va mi rhuketelaka, ni loko va sandza vito ra n'wina tanihi loko ingi ri bihile, hikwalaho ka N'wana wa Munhu.

Swivuriso 10:8

Munhu wa mbilu yo tlhariha u amukela milawu, Kambe xihunguki hi milomu xi ta suva.

3 Yohane 1:5

Murhandziwa, u landza ku pfumela emitirhweni hinkwayo leyi u tirhelaka ha yona vamakwerhu, va nga vaendzi.

Yohane 9:22

Vatswari va yena va vurisa sweswo hi ku chava Vayuda; hikuva Vayuda a va kanerile leswaku loko munhu a n'wi vula Kriste, u ta hlongoriwa esinagogeni.

Timhaka 1:15

Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku:

Vagalatiya 6:10

Hikwalaho, loko ha ha ri ni nkarhi, a hi endleleni hinkwavo leswinene, kambe ngopfungopfu va yindlu ya ku pfumela.

1 Timotiya 5:13

Na swona leswi va lolohaka, va tolovela ku hungasela etindlwini hinkwato; kambe a va lolohi ntsena, va ni ku vulavula ngopfu, va tinghenisa etimhakeni leti nga riki ta vona, va vulavula leswi nga faneriki.

2 Yohane 1:10

Loko un'wana a ta eka n'wina, a nga tisi dyondzo leyi, mi nga tshuki mi n'wi amukela etindlwini ta n'wina, na swona mi nga tshuki mi n'wi xeweta;

2 Yohane 1:12

Ndza ha ri ni timhaka leto tala, kambe a ndzi rhandzi ku mi tsalela tona hi papila ni inki, hikuva ndzi tshembile ku mi endzela, ni ku vulavula na n'wina hi nomu, leswaku ku tsaka ka hina ku hetiseka.

3 Yohane 1:3

Hikuva ndzi tsakile ngopfu loko vamakwerhu lava fikeke halenu va vurile vumbhoni lebyinene ehenhla ka wena hilaha u fambaka entiyisweni.