2 Vakorinto 4:8 - Xitsonga (Bibele)

⁸ Hi susumetiwa hi matlhelo hinkwawo, kambe a hi heri mbilu hi le ku nonon'hweni lokukulu, kambe a hi tshiki ku tshemba;

BIBELE Mahungu Lamanene

⁸ Hi kamanyetiwa hi matlhelo hinkwawo, kambe a hi manyiwanga; hi le ku kanakaneni, kambe a hi heli mbilu;

Testamente Leyimpsha Xichangana

⁸ Hi kamanyetiwa hi matlhelo hinkwawu, kambe ahimanyiwanga; hi le kukanakaneni, kambe ahiheli mbilu;

2 Vakorinto 4:8 Referans Kwoze

2 Vakorinto 12:10

Hikwalaho ndzi titsakelaka eku tsaneni, ni le xisandzwini, ni le vusiwaneni, ni le ku xanisiweni ni le maxangwini hikwalaho ka Kriste; hikuva siku ndzi tsaneke, hi kona ndzi nga ni matimba.

2 Vakorinto 7:5

Hikuva mpfhuka hi fika eMakedoniya, miri wa hina a wu wisanga niswitsongo, hi ri karhi hi xaniseka hinkwako; ku va ni ku lwa ehandle, ku va ku chava endzeni.

Pisalema 37:33

Kambe Yehovha a nga ka a nga n'wi tshiki emavokweni ya yena, A nga ka a nga n'wi wisi loko a ta avanyisiwa.

Yohane 14:18

Ndzi nga ka ndzi nga mi siyi mi ri swisiwana, ndzi ta ta eka n'wina.

1 Vakorinto 10:13

A mi si humelela hi ndzingo lowu nga ringaniki munhu. Kambe Xikwembu xa tshembeka, xi nga ka xi nga pfumeri leswaku mi humeleriwa hi ndzingo lowu mi hlulaka; kambe ndzingo, loko wu ri kona, xi ta mi nyika ni ndlela ya ku huma eka wona, mi ta kota ku wu rhwala.

2 Vakorinto 6:4

kambe hi ri karhi hi tiyimela hinkwako, kukotisa malandza la ma lulameke ya Xikwembu: hi ku tiyisela lokukulu emaxangwini, ni le vusiwaneni,

Swivuriso 14:26

Exichabyeni xa Yehovha ku ni ku tshemba ka xiviri, Kutani eka vana va yena i xichavelo.

1 SAMIELE 28:15

Samiele a ku eka Sawulo: “U ndzi pfuxele yini hi ku ndzi tlhandlukisa xana?” Sawulo a ku: “Ndzi le khombyeni lerikulu, hikuva Vafilista va lwa na mina, kambe Xikwembu xi sukile eka mina, a xa ha ndzi hlamuli, hambi ku ri hi vaprofeta, hambi hi milorho. Kutani ndzi ku vitanile leswaku u ndzi tivisa leswi ndzi fanelaka ku swi endla.”

1 SAMIELE 30:6

Davhida a a ri enhlomulweni lowukulu, hikuva vunyingi a byi ehleketa ku n'wi khandla hi maribye, hikuva mimoya ya vona hinkwavo a yi tele mbitsi, un'wana ni un'wana hikwalaho ka vana va yena. Kambe Davhida a lava matimba eka Yehovha, Xikwembu xa yena.

Swivuriso 18:10

Vito ra Yehovha i khokholo ro tiya, La lulameke u chavela eka rona, u tshama eku tlakukeni.

1 SAMIELE 31:4

Kutani Sawulo a ku eka mutameri wa matlhari ya yena: “Hlomula banga ra wena u ndzi tlhava ha rona, leswaku lava nga yimbangiki va nga tshuki va ta ndzi tlhava, va tlanga ha mina.” Kambe mutameri wa matlhari ya yena a nga pfumelanga, hikuva a a chavile ngopfu. Kavaloko Sawulo a teka banga ra yena, a titlhava ha rona.

Pisalema 129:2

Va ndzi xanisile swonghasi ka ha ri mpfhuka ndzi ri lontshwa, Kambe a va ndzi hlulanga.

Esaya 40:31

kambe lava tshembaka Yehovha va engeta va kuma matimba lamantshwa. Va ta haha tanihi magama, va ta tsutsuma va nga karhali; va ta famba va nga tsani!

Habakuku 3:17

Hikuva nkuwa wu nga ka wu nga baleki, ni vhinya yi nga ka yi nga veki nchumu; mihandzu ya mutlhwari a yi nga ha vi kona, masimu ma nga ka ma nga humesi swakudya; tinyimpfu ti ta pfumaleka ematshangeni, a ku nga ha vi na tihomu eswitaleni.

2 Vakorinto 6:12

a mi manyanangi endzeni ka hina, kambe mi manyanisa endzeni ka n'wina;

Vagalatiya 4:20

Ndzi nga swi rhandza ngopfu loko ndzi va na n'wina sweswi, ndzi ta tiva ku vulavula hi mukhuva wun'wana, hikuva ndzi tikeriwa hikwalaho ka n'wina.