2 Vakorinto 2:3 - Xitsonga (Bibele)

³ Loko ndzi mi tsalele sweswo, a swi ri leswaku siku ndzi fikaka, ndzi nga tshuki ndzi tsuveriwa hi valavo ndzi fanelaka ku tsakisiwa hi vona; hikwalaho ndzi mi tshembaka hinkwenu, hikuva ku tsaka ka mina, i ka n'wina hinkwenu.

BIBELE Mahungu Lamanene

³ Leyi hi yona mhaka leyi endleke leswaku ndzi mi tsalela: Hileswaku loko ndzi fikile, ndzi nga tlhaviwi mbilu hi vanhu lava a va ta fanela ku ndzi tsakisa; hikuva ndza mi tshemba hinkwenu; ndzi tiva leswaku loko ndzi tsakile, na n'wina hinkwenu mi tsakile.

Testamente Leyimpsha Xichangana

³ Leyi hi yona mhaka leyiyendleke lesvaku nimitsalela: Hi lesvaku loko nitava nifikile, ningatlhaviwi mbilu hi vanhu lava avatafanela kunitsakisa; hikuva namitshemba hinkwenu; nitiva lesvaku loko nitsakile, na n'wina hinkwenu mitsakile.

2 Vakorinto 2:3 Referans Kwoze

Vagalatiya 5:10

Loko ndzi ri mina, ndzi mi tshembile eHosini; leswaku mi nga ka mi nga vi na ku anakanya kun'wana, kambe loyi a mi karhataka, u ta kumiwa hi ku avanyisiwa, hambi a ri mani na mani.

2 Vakorinto 8:22

Hi va rhumile kun'we ni makwerhu loyi hi vonaka ku gingirika ka yena ngopfu, loko hi n'wi ringeta eswilweni leswo tala, ni sweswi, wa ha ri ni ku gingirika loku tlurisaka hi ku mi tshemba ngopfu.

Filemoni 1:21

Ndzi ku tsalele sweswo ndzi ri karhi ndzi tivisisa ku yingisa ka wena, kutani ndza swi tiva leswaku u ta endla ni ku tlurisa leswi ndzi swi vulaka.

2 Vakorinto 7:12

Kambe ndzi mi tsalele sweswo, ku nga ri hikwalaho ka loyi a onheke hambi ku ri hikwalaho ka loyi a onheriweke, kambe a ku ri leswaku mi kombisiwa rirhandzu ra hina eka n'wina emahlweni ka Xikwembu.

2 Vatesalonika 3:4

Kutani loko mi ri n'wina, hi ni ku tshemba ka Hosi leswaku mi endla swilo leswi hi mi lerisaka swona, ni leswaku ma ha ta swi endla.

2 Vakorinto 12:21

kutani kungakuloko ndzi vuyile ka n'wina, kumbe Xikwembu xa mina xi ta ndzi tsongahata ha n'wina, kutani ndzi ta vaviseka hikwalaho ka lavo tala lava dyoheke va nga tisolangiki ethyakeni, ni le vuoswini, ni le swidyohweni leswi va swi endleke.

2 Vakorinto 12:11

Loko ndzi tidzunisa, ndzi endlile hi vuhunguki, kasi hi n'wina mi ndzi susumeteleke kona; hikuva a ndzi fanele ku yimeriwa hi n'wina, hikuva a ndzi tluriwanga ha nchumu hi lava nga vaapostola lavakulu, hambi ndzi nga ri nchumu.

2 Vakorinto 7:8

Hikuva hambi ndzi mi vavisile hi epistola ya mina, a ndza ha tisori ha swona, hambiloko ndzi tisorile hikuva ndzi vona leswaku epistola yoleyo yi mi vavisile, hambi wu ri nkarhi wu nga ri wungani.

2 Vakorinto 7:6

Kambe Xikwembu lexi chavelelaka lava titsongahataka xi hi chavelele hi ku fika ka Tito;

2 Vakorinto 1:15

Kuteloko ndzi ri karhi ndzi tshembile sweswo, a ndzi rhandzile ku ta eka n'wina eku sunguleni, mi ta nyikiwa tintswalo ta vumbirhi.

1 Vakorinto 4:21

Xana mi rhandza yini? Mi ri: Ndzi ta eka n'wina hi nkhavi, kumbe hi rirhandzu ni moya wa tintswalo xana?

2 Vakorinto 1:23

Kutani ndzi vitana Xikwembu, yi va mbhoni ya moya wa mina, leswaku a ku ri ku mi tsetselela, loko ndzi nga si ta eKorinto.

2 Vakorinto 2:9

Ndzi mi tsalerile leswaku ndzi ta mi ringa, ndzi ta tiva leswaku xana eka hinkwaswo ma ndzi yingisa-ke?

2 Vakorinto 7:16

Kunene ndzi tsakile, hikuva ndza mi tshemba eka hinkwaswo.

2 Vakorinto 13:10

Hikwalaho-ke ndzi tsalaka timhaka leti, ndzi nga si ta eka n'wina leswaku siku ndzi fikaka, ndzi nga ti endla hi ku nonon'hwa hi matimba lawa Hosi yi ndzi nyikeke wona ku akisa, ku nga ri ku hangalasa.