2 Vakorinto 1:3 - Xitsonga (Bibele)

³ A ku khensiwe Xikwembu, Tata wa Hosi ya hina, Yesu Kriste, Tatana wa tintswalo, Xikwembu xa ku chavelela hinkwako,

BIBELE Mahungu Lamanene

³ A ku vongiwe Xikwembu Tata wa Hosi ya hina Yesu Kriste, Tatana wa tintswalo, Xikwembu lexi ku chavelela hinkwako ku humaka eka xona;

Testamente Leyimpsha Xichangana

³ Akukhensiwe Xikwembu Tatana wa Hosi ya hina Yesu Kriste, Tatana wa timpsalu, Xikwembu lexi kuchavelela hinkwaku kuhumaka ka xona;

2 Vakorinto 1:3 Referans Kwoze

1 Petro 1:3

A ku khensiwe Xikwembu Tata wa Hosi ya hina Yesu Kriste, la nga hi tswala ra vumbirhi hi tintswalo ta yena letikulukumba, leswaku hi va ni ku tshemba loku hanyaka hi ku pfuka ka Yesu Kriste exikarhi ka vafi,

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Mikiya 7:18

Hi xihi Xikwembu lexi fanaka na wena, lexi susaka ku homboloka, lexi khomelaka ku dyoha ka xisalela xa ndzhaka ya xona? A xi nga hlayisi ku kariha ka xona hi masiku, hikuva xi tsakela ku tsetselela.

Pisalema 86:5

Hikuva wena, Yehovha, u lonene, la rivalelaka; Tintswalo ta wena ti tala eka lava ku khongelaka.

Vafilipiya 2:11

kutani tindzimi hinkwato ti vula leswaku Yesu Kriste i Hosi, ku ve ku dzuniseni ka Xikwembu Tatana.

Vaefesa 1:17

leswaku Xikwembu xa Hosi ya hina, Yesu Kriste, Tata wa ku vonakala, xi mi nyika Moya wa vutlhari ni wa ku hlavutela, eku tiviweni ka xona;

2 Yohane 1:9

Un'wana ni un'wana la hambukaka la nga tiyiseriki edyondzweni ya Kriste, a nga na Xikwembu; la tiyiselaka edyondzweni ya Kriste, yena u na Tatana ni N'wana.

Daniele 9:9

Kambe eka Hosi, Xikwembu xa hina, ku ni tintswalo ni ku rivalela, hikuva hi tikurisele yena.

Daniele 4:34

Eku heleni ka masiku walawo, mina, Nebukadnetsara, ndzi tlakuse mahlo ya mina ehenhla, kutani ku titiva ku tlhelela eka mina. Ndzi vonga La nge henhlahenhla, ndzi dzunisa, ndzi kurisa loyi a hanyaka hilaha ku nga heriki, loyi ku fuma ka yena ku nga ku fuma loku nga heriki, loyi vuhosi bya yena byi sukaka erixakeni rin'wana ku yisa etinxakeni leti nga heriki.

Pisalema 86:15

Kambe wena, Yehovha, u Xikwembu lexi twelaka vusiwana, lexa tintswalo, La hlwelaka ku kariha, la teleke tintswalo ni vunene.

2 Vakorinto 11:31

Xikwembu lexi nga Tata wa Hosi ya hina, Yesu Kriste, xi nga xona lexi khensiwaka hilaha ku nga heriki, xa swi tiva leswaku a ndzi hembi.

Pisalema 72:19

A ku khensiwe vito ra yena ra ku kwetsima! Misava hinkwayo a yi tatiwe hi ku twala ka yena. Amen! Ina! Amen!

Pisalema 18:46

Yehovha wa hanya, a ku dzunisiwe ribye ra mina! A ku twarisiwe Xikwembu xa ku hlayiseka ka mina!

Nehemiya 9:5

Kutani Valevhi na Yexuwa, Kadimiele, Bani, Haxabiniya, Xerebiya, Hodiya, Xebaniya, na Petahiya, va ku: “Yimani, mi vonga Yehovha Xikwembu xa n'wina, hilaha ku nga heriki, ku vongiwa vito ra wena lero kwetsima leri tlakukeke ehenhla ka ku vonga hinkwako ni tinsimu hinkwato!

2 Yohane 1:4

Ndzi tsakile ngopfu loko ndzi kumile vana va wena van'wana va fambaka entiyisweni, hilaha hi amukeleke ku lerisa ka Tatana.

Yohane 10:30

Mina na Tatana hi endla un'we.”

Genesa 14:20

a ku katekisiwe Xikwembu xa le henhlahenhla lexi nyiketeke valala va wena evokweni ra wena.” Kutani Abrama a n'wi pambulela ku avanyisa ka khume ka hinkwaswo.

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Ntirho 1:21

“Ndzi humile ekhwirini ra manana ndzi ri hava nchumu, ndzi ta tlhelela kona ndzi ri hava nchumu. Yehovha u ndzi nyikile, Yehovha u tlhele a teka; a ku dzunisiwe vito ra Yehovha!”

1 TIKRONIKA 29:10

Kavaloko Davhida a khensa Yehovha emahlweni ka nhlengeletano hinkwayo, a ku: “A ku khensiwe Yehovha, Xikwembu xa Israele tata wa hina, hi masiku ni masiku!

Pisalema 68:35

Wa chaveka, oho Xikwembu! Exikarhi ka vukwetsimelo bya wena. Xikwembu xa Israele, hi xona lexi nyikaka tiko ra xona matimba ni ku fuma. A ku khensiwe Xikwembu!

Esaya 66:13

Tanihi munhu la chaveleriwaka hi mana wa yena, ndzi ta mi chavelela xisweswo kutani mi ta chaveleriwa emutini wa Yerusalema.”

2 Vakorinto 7:6

Kambe Xikwembu lexi chavelelaka lava titsongahataka xi hi chavelele hi ku fika ka Tito;

Vakolosa 1:3

Hi khensa Xikwembu, tata wa Hosi ya hina Yesu Kriste, emikhongelweni leyi hi nga rhuteriki ku mi khongelela ha yona,