2 Vakorinto 1:1 - Xitsonga (Bibele)

¹ Pawulo, muapostola wa Yesu Kriste, hi ku rhandza ka Xikwembu, na Timotiya makwerhu; Eka kereke ya Xikwembu, leyi nga eKorinto, ni vakwetsimi hinkwavo va le tikweni hinkwaro ra Akaya;

BIBELE Mahungu Lamanene

¹ Mina Pawulo, muapostola wa Kriste Yesu hi ku rhandza ka Xikwembu, na Timotiya makwerhu, hi tsalela kereke ya Xikwembu leyi nge Korinto, ni vahlawuriwa va Xikwembu hinkwavo lava nge tikweni hinkwaro ra Akaya, hi ri:

Testamente Leyimpsha Xichangana

¹ Mina Pawulo, mupostola wa Kriste Yesu hi kurhandza ka Xikwembu, na Timotewu makwerhu, ka kereke ya Xikwembu leyinga Korinto, ni vakwetsimi va Xikwembu hinkwavu lavanga tikweni hinkwaru ra Akaya, hili:

2 Vakorinto 1:1 Referans Kwoze

2 Timotiya 1:1

Pawulo, muapostola wa Yesu Kriste, hi ku rhandza ka Xikwembu, hikwalaho ka ku tshembisiwa ka vutomi lebyi nga ka Yesu Kriste;

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

Vaefesa 1:1

Pawulo, muapostola wa Yesu Kriste hi ku rhandza ka Xikwembu; Eka vakwetsimi va le Efesa lava tiyiseleke eka Yesu Kriste;

Tito 1:1

Pawulo, nandza wa Xikwembu ni muapostola wa Yesu Kriste, hikwalaho ka ku pfumela ka vahlawuriwa va Xikwembu, ni ku tiva ntiyiso lowu nga ni vukhongeri,

1 Timotiya 1:1

Pawulo muapostola wa Yesu Kriste, hi ku lerisa ka Xikwembu, Mulondzovoti wa hina, ni ka Hosi Yesu Kriste loyi a nga ku langutela ka hina; Eka Timotiya, n'wananga wa xiviri, eku pfumeleni;

Vagalatiya 1:1

Pawulo, muapostola, ku nga ri hi vanhu, hambi ku ri hi munhu ni un'we, kambe ku ri ha Yesu Kriste, ni Xikwembu, Tatana, la n'wi pfuxeke eku feni;

1 Vakorinto 16:10

Kutakuloko Timotiya a fika eka n'wina, mi vona leswaku a hlayisiwa exikarhi ka n'wina, a nga chavi nchumu, hikuva u tinyiketile entirhweni wa Hosi kukota mina.

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

Timhaka 16:1

Kutani a fika eDerbe na Listra. Kambe mudyondzisiwa a a ri kona, vito ra yena a a ri Timotiya; mana wa yena a a ri Muyuda la pfumeleke,

Vaheveru 13:23

Ma swi tiva leswaku Timotiya, makwerhu, u tshunxiwile; loyi, kungakuloko a hatlisa ku ta, ndzi ta ta mi vona, ndzi ri na yena.

2 Vatesalonika 1:1

Pawulo, na Silvano, na Timotiya, eka Kereke ya Vatesalonika leyi nga eka Xikwembu Tatana, ni le ka Hosi Yesu Kriste;

1 Vatesalonika 1:1

Pawulo, na Silvano, na Timotiya; Eka kereke ya Vatesalonika leyi nga eka Xikwembu Tatana, ni le ka Hosi ya hina Yesu Kriste; Tintswalo ni ku rhula a swi ve na n'wina, swi huma eka Xikwembu, Tata wa hina, ni ka Hosi ya hina Yesu Kriste.

2 Vakorinto 11:10

Vunene bya Kriste lebyi nga eka mina byi ta ndzi yimela, ndzi nga ka ndzi nga tekeriwi nkarhi wolowo wa ku tidzunisa hi lexi ndzi nga na xona ematikweni ya Akaya.

2 Vakorinto 9:2

Hikuva ndzi tiva ku chivirika ka n'wina emhakeni yoleyo, ndzi ri karhi ndzi tidzunisa ha n'wina eka Vamakedoniya, hi ku va byela leswaku va Akaya va tilunghisile n'wexemu; kutani ku chivirika ka n'wina ku pfuxile lavo tala.

1 Vakorinto 16:15

Ndza ha mi khongotela, vamakwerhu, hikuva ma swi tiva leswaku va yindlu ya Stefanasi, hi vona lava nga mativula ya Akaya, ni leswaku va tinyiketile swinene ku tirhela vakwetsimi.

1 Vakorinto 10:32

Mi nga tshuki mi khunguvanyisa Vagriki, hambi va ri Vayuda, hambi yi ri Kereke ya Xikwembu:

Varhoma 16:21

Timotiya nakulorhi entirhweni, wa mi rungula; na Lukiyo, na Yaso, na Sosipatro, maxaka ya mina, va mi rungula.

Varhoma 16:5

Ndzi runguleleni ni Kereke leyi nga endlwini ya vona. Ndzi runguleleni na Epayineto, murhandziwa wanga, xi nga xirhangana xa Akaya eka Kriste.

Varhoma 15:26

hikuva Vamakedoniya ni va Akaya va rhandzile ku hlenga nhlengo lowu nga ta averiwa swisiwana exikarhi ka vakwetsimi va Yerusalema.

1 Vakorinto 16:24

Rirhandzu ra mina ri na n'wina hinkwenu, eka Yesu Kriste. Amen!

2 Vakorinto 1:19

hikuva N'wana wa Xikwembu, Yesu Kriste la vuriweke exikarhi ka n'wina hi hina, na Silvano, na Timotiya, a nga endlanga leswi nga ina ni e-e; kambe a swi ri ina eka yena.

2 Vakorinto 1:23

Kutani ndzi vitana Xikwembu, yi va mbhoni ya moya wa mina, leswaku a ku ri ku mi tsetselela, loko ndzi nga si ta eKorinto.

Vagalatiya 3:26

hikuva hinkwenu mi vana va Xikwembu hi ku pfumela eka Yesu Kriste.

1 Vatesalonika 3:2

kutani hi rhumile Timotiya, makwerhu, nandza wa Xikwembu eEvhangelini ya Kriste, leswaku a ta mi tiyisa ni ku mi khongotela hikwalaho ka ku pfumela ka n'wina;

Filemoni 1:1

Pawulo, mubohiwa wa Yesu Kriste, na Timotiya makwerhu; Eka Filemoni, murhandziwa ni mutirhi-kulorhi,