2 Timotiya 3:8 - Xitsonga (Bibele)

⁸ Hilaha Yani na Yambri va aleleke Muxe hakona, hi sweswo, na vona, va ala swa ntiyiso, va nga vanhu lava boleke eku anakanyeni ka vona va nga riki na ku khensiwa hitlhelo ra vupfumeri.

BIBELE Mahungu Lamanene

⁸ Vanhu lava va kaneta ntiyiso, ku fana na Yani na Yambri, lava nga kanetana na Muxe. I vanhu lava boleke miehleketo, i vapfumeri va nomo ntsena.

Testamente Leyimpsha Xichangana

⁸ Vanhu lava vakaneta ntiyiso, kufana na Yani na Yambri, lavangakanetana na Moxe. I vanhu lavaboleke miyanakanyu, i vapfumeli va nomo ntsena.

2 Timotiya 3:8 Referans Kwoze

Nhlavutelo 2:20

Kambe ndzi ni mhaka ehenhla ka wena: U pfumelela Yezabele, nsati loyi a tivulaka muprofeta, ku dyondzisa ni ku hambukisa malandza ya mina, leswaku va endla vuoswi, va dya ni leswi nga tlhaveriwa swifaniso swa swikwembu.

1 Timotiya 6:5

ni ku hambana etimhakeni ta vuhava ta vanhu lava nga ni ku anakanya loku boleke va lahlekeriwe hi ntiyiso va ringanisa leswaku vukhongeri byi hlola ku fuwa.

Eksoda 7:11

Kambe Faro a vitana tintlhari ni vangoma; kutani na vona, hikuva a ti ri tintlhari ta Egipta, va endlisa sweswo hi vutlhari bya vona:

Tito 1:16

Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

2 Petro 2:14

Mahlo ya vona ma tele vuoswi a ma rhuteri ku dyoha; va rhiya mimoya leyi tsekatsekaka, va ni timbilu leti tlharihelaka makwanga, i vana va ndzhukano.

2 Timotiya 4:15

U tivonela yena, hikuva u arile ngopfungopfu marito ya hina.

Vaefesa 4:14

hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

1 Timotiya 4:2

hi ku ya hi ku kanganyisa ka vafundhisi lavo hemba, lava mapfalo ya vona ma feke, lava nga ta sivela vanhu ku tekana;

1 Timotiya 1:19

u ri karhi u hlayisa ku pfumela ni ripfalo lerinene, leri van'wana va ri lahleke; ku pfumela ka vona ku halakile kukotisa byatso;

Varhoma 16:18

Hikuva lavo tano a va tirheli Hosi ya hina, Yesu Kriste, kambe va tirhela makhwiri ya vona ntsena; kutani va hambukisa timbilu ta lavo rivala hi marito lama tsakisaka, ma ku lwandla enon'wini.

Nhlavutelo 2:6

Kambe u ni mhaka yin'we, hileswaku u venga mitirho ya Vanikolayiti leyi na mina ndzi yi vengaka.

1 Yohane 2:18

Vana, i nkarhi wa makumu kutani kukota leswi mi swi tweke leswaku Antikriste u ta ta, ni sweswi va Antikriste lavo tala va kona; hikwalaho hi tivaka leswaku i nkarhi wa makumu.

Tito 1:10

Hikuva lavo tala va kona, ngopfungopfu eka lava ku yimba, lava alaka ku yingisa, lava vulavulaka swahava, lava dyelelaka van'wana, valavo swi fanelaka ku va siva nomu,

Eksoda 8:18

Tin'anga na tona ti endla hi vutlhari bya tona, leswaku ti humesa tin'hwala; kambe ti tsandzeka. Kutani tin'hwala ti va kona eka vanhu ni le ka swifuwo.

Eksoda 7:22

Kutani tin'anga ta Egipta ti endlisa sweswo hi vutlhari bya tona. Kambe mbilu ya Faro yi nonon'hwa, kutani a nga yingisanga, hilaha Yehovha a nga vula hakona.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Timhaka 15:24

“Leswi hi tweke leswaku van'wana lava humeke eka hina va mi tshukisile hi ku vulavula ka vona, va tsekatsekisa mimoya ya n'wina, va ku: Mi fanele ku yimba, ni ku hlayisa nawu, kasi hina a hi va lerisanga nchumu;

Eksoda 8:7

Kambe tin'anga na tona ti endlisa sweswo hi vutlhari bya tona: ti humesela tiko ra Egipta mitlambya.