2 Timotiya 3:6 - Xitsonga (Bibele)

⁶ Exikarhi ka vona ku ni van'wana lava tinghenisaka etindlwini va titekela mimoya ya vavasati lava tikeriweke hi swidyoho, lava fambisiwaka hi ku navela ka tinxakaxaka,

BIBELE Mahungu Lamanene

⁶ Hikuva exikarhi ka vona, ku ni lava nghenelelaka emindyangwini ya vanhu, va phasa vavasati lava nga tiyangiki, lava hluriwaka hi swidyoho, lava yisiwaka hala ni hala hi ku navela ka tinxaka-xaka;

Testamente Leyimpsha Xichangana

⁶ hikuva xikarhi ka vona, ku ni lavanghenaka minjangwini ya vanhu, vaphasa vavasati lavangatiyangiki, lavahluliwaka hi svijoho, lavayisiwaka hala ni hala hi kunavela kohambanahambana;

2 Timotiya 3:6 Referans Kwoze

Yuda 1:4

Hikuva exikarhi ka n'wina, ku nghene hi ku wonga, vanhu van'wana, lava ku avanyisiwa ka vona ku tsariweke khale; vanhu lava nga chaviki Xikwembu, va hundzula tintswalo ta Xikwembu xa hina manyala, kutani va landzula Yesu Kriste loyi a nga yena Mufumi a ri swakwe, ni Hosi ya hina.

2 Petro 3:17

Hikwalaho, loko mi ri n'wina, varhandziwa, leswi mi swi tivaka swi nga si humelela, tilanguteleni, mi nga ti kokiwa ni van'wana hi ku kanganyisa ka lavo homboloka, mi ta lahlekeleriwa hi ku tiya ka n'wina.

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

Yuda 1:18

hilaha va mi byeleke leswaku, “enkarhini wa makumu, vahleki va ta va kona lava nga ta famba hi ku navela ka vona, va nga chavi Xikwembu.”

Tito 1:11

lava hambukisaka vanhu hinkwavo va tindlu tin'wana, va dyondzisa leswi nga faneriki, hi ku tihlengeletela rifuwo ra ku homboloka.

Yuda 1:16

I vanhu va ku n'unun'uta, lava vilelaka hi masiku, va ya hi ku navela ka vona; milomu ya vona yi vulavula manyunyu, va ri karhi va hlamala nghohe ya vanhu ku ta pfuniwa.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

1 Vakorinto 12:2

Ma swi tiva leswaku a mi ri vamatiko lava nga kokeriwa eka swifaniso leswi nga vulavuriki, hilaha mi nga kokiwa hakona.

Marka 4:19

kambe ku vilela hi swa misava leyi, ni ku xisiwa hi rifuwo, ni ku navela ka swilo swin'wana, ku nghena eka vona ku tsondzela rito, kutani ri nyumba.

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

1 Timotiya 6:9

Kambe lava rhandzaka ku fuwa, va wela emiringweni, ni le ntlhan'wini, ni le ku naveleni loko tala ka vuphukuphuku loku onhaka, loku nwerisaka vanhu eku loveni ni le ku lahlekeni.

Matewu 11:28

“Tanani eka mina n'wina hinkwenu lava karheleke, ni lava tikeriwaka, ndzi ta mi wisisa.

Esaya 1:4

Yo! Khombo ra tiko ra vadyohi ra rixaka leri teleke ku homboloka ra vanhu lavo biha, ra vana lavo hunguka. Va fularhele Yehovha, va sandzile Mukwetsimi wa Israele va tlhelele endzhaku.

Pisalema 38:4

Hikuva ku homboloka ka mina ku tlule nhloko ya mina; Ku ndzi hlula hi ku tika kukotisa ndzhwalo lowu tikaka ngopfu.

Matewu 4:24

Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

1 Timotiya 5:6

Kambe la hanyaka hi ku titsakela hi swa misava, u file, hambi a ha hanya.

Matewu 23:14

“Mi ni khombo n'wina, vatsari ni Vafarisi vamanyunyu, hikuva mi phanga tindlu ta vavasati va tinoni, mi ri karhi mi lehisa mikhongelo ya n'wina leswaku mi voniwa; hikwalaho mi ta avanyisiwa hi ku nonon'hwa loku tlurisaka.