2 Timotiya 3:5 - Xitsonga (Bibele)

⁵ va ni nghohe ya vukhongeri, kambe va arile matimba ya byona. Na vona, u va fularhela.

BIBELE Mahungu Lamanene

⁵ Va ta tiendla wonge hi loko va ri ni vukhongeri, kambe va ta ala matimba ya byona. Fambela kule ni vanhu lavo tano.

Testamente Leyimpsha Xichangana

⁵ Vatatiyendla ongi hi loko vali ni vukhongeli, kambe vatayala matimba ya bzona. Fambela kule ni vanhu lavotano

2 Timotiya 3:5 Referans Kwoze

Esaya 29:13

Hosi yi te: “Loko tiko leri, ri titshinetile eka mina hi milomu, va ndzi chava hi nomu, kasi timbilu ta vona ti le kule na mina, ni xichavo lexi va ndzi chavaka ha xona, wu ri nawu ntsena wa vanhu lowu va wu dyondzeke.

Tito 1:16

Hi nomu va vula leswaku va tiva Xikwembu, kambe va xi landzula hi mitirho ya vona; i manyala, ni lava alaka ku yingisa, kutani va tsandzeka ku tirha mitirho leyo saseka, hambi wu ri wun'we.

1 Timotiya 5:8

Loko un'wana a nga hlayisi varikwavo, ngopfu va yindlu ya yena, u landzurile ku pfumela, u tlula hi ku biha la nga pfumeriki.

Matewu 7:15

“Hambanani ni vangoma va mavunwa lava taka eka n'wina va funengele nguvu ya nyimpfu kasi exikarhi ka timbilu ta vona, i timhisi leti bvanyengetaka.

Tito 3:10

Hambana ni munhu la dyondzisaka leswi hambanisaka loko u n'wi pfuxile kan'we kumbe kambirhi,

2 Timotiya 2:16

Kambe alela mpfumawulo wa marito ya swahava ni ya ku sandza, hikuva lava ma vulaka va ta ya emahlweni evusandzwini;

2 Timotiya 2:23

Kambe cukumeta timhaka ta vuphukuphuku leti nga riki na dyondzo, u ri karhi u tiva leswaku ti tswala timholovo.

1 Timotiya 6:5

ni ku hambana etimhakeni ta vuhava ta vanhu lava nga ni ku anakanya loku boleke va lahlekeriwe hi ntiyiso va ringanisa leswaku vukhongeri byi hlola ku fuwa.

Vaefesa 4:14

hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

2 Vatesalonika 3:6

Ha mi khongotela, vamakwerhu, hi vito ra Yesu Kriste, Hosi ya hina, leswaku mi hambana ni makwenu wihi ni wihi la nga fambiki hi nawu ni ku dyondzisa loku a ku amukeleke eka hina.

2 Vatesalonika 3:14

Kungakuloko un'wana a nga yingisi marito ya hina ya epistola yoleyi, n'wi hlawuleni, kutani mi nga hlangani na yena, a ta va ni tingana.

1 Timotiya 4:7

Kambe u ala timhaka ta swahava, ni mitsheketo ya swidyuhati, u titiyisa evukhongerini.

1 Timotiya 4:8

Hikuva ku titiyisa emirini swa pfunanyana; kambe vukhongeri byi pfuna hinkwako, byi ni ku tshembisa ka vutomi bya sweswi ni ka lebyi nga ta ta.