2 Timotiya 2:7 - Xitsonga (Bibele)

⁷ Anakanya lexi ndzi xi vulaka, kutani Hosi a yi ku nyike ku tlhariha etimhakeni hinkwato.

BIBELE Mahungu Lamanene

⁷ Ehleketa leswi ndzi swi vulaka, hikuva Hosi yi ta ku nyika ku twisisa etimhakeni hinkwato.

Testamente Leyimpsha Xichangana

⁷ Yanakanya lesvi nisvihlayaka, hikuva Hosi yitakunyika kutwisisa timhakeni hinkwatu.

2 Timotiya 2:7 Referans Kwoze

Yakobo 1:5

Loko un'wana wa n'wina a pfumala vutlhari, a a kombele eka Xikwembu lexi nyikaka hinkwavo hi nsovo, xi nga holovi, kutani u ta nyikiwa.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

Luka 24:45

Kavaloko a pfula ku twisisa ka vona, leswaku va twisisa Matsalwa.

Yohane 14:26

Kambe Muyimeri, wu nga Moya lowo Kwetsima, lowu Tatana a nga ta wu rhuma hi vito ra mina, hi yena la nga ta mi dyondzisa hinkwaswo, u ta mi tsundzuxa ni hinkwaswo leswi ndzi mi byeleke swona.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

1 Timotiya 4:15

Anakanya timhaka leti, u va eka tona, leswaku ku ya emahlweni ka wena ku voniwa hi vanhu hinkwavo.

Vakolosa 1:9

Hikwalaho, na hina, mpfhuka hi yingisa sweswo, a hi rhutelangi ku mi khongelela, ni ku mi kombelela leswaku mi tala hi ku tiva ku rhandza ka xona, hi vutlhari hinkwabyo, ni ku anakanya hinkwako ka Moya;

Yohane 16:13

Kambe kutakuloko yeloyi a ta, wu nga Moya wa ntiyiso, wu ta mi fambisa entiyisweni hinkwawo; hikuva wu nga ka wu nga vulavuri wu tisungulela swa wona; kambe hinkwaswo leswi wu swi tweke, wu ta swi vula; na swona wu ta mi tivisa leswi nga ta ta.

Luka 21:15

hikuva mina ndzi ta mi nyika nomu ni vutlhari lebyi, lava tivekaka valala va n'wina, va nga ta tsandzeka ku byi hlamula ni ku byi kaneta.

Vaheveru 13:7

Anakanyi varisi va n'wina lava mi byeleke rito ra Xikwembu; mi etisa ku pfumela ka vona, mi ri karhi mi langutisa ku hetelela ka ku hanya ka vona.

Vaheveru 12:3

Loko swi ri tano, tsundzukani la nga tiyela ku kaneta lokonghasi ka vadyohi, leswaku mi nga tshuki mi karhala, ni ku hela timbilu.

Vaheveru 7:4

Xiyani hikwalaho vukulukumba lebyi tlurisaka bya loyi mupatriarka Abrahama a nga n'wi pambulela vukhume bya swirhangana.

Vaheveru 3:1

Hikwalaho, vamakwerhu lavo kwetsima, mi nga ni ku vitaniwa ka le tilweni, xiyani swinene la nga muapostola ni muprista lonkulu wa ku pfumela ka hina,

Vafilipiya 4:8

Loko swi ri tano, vamakwerhu, hinkwaswo leswi nga ntiyiso, hinkwaswo leswi sasekeke, hinkwaswo leswi lulameke, hinkwaswo leswi tengeke, hinkwaswo leswi rhandzekaka, hinkwaswo leswi khensiwaka, hinkwaswo leswi nga ni vunene ni ku dzunisiwa, leswo hinkwaswo, mi va mi swi anakanya.

1 Vakorinto 12:8

Hikuva un'wana u nyikiwa hi Moya marito ya vutlhari; un'wana u nyikiwa marito ya ku tiva hi Moya wolowo;

Timhaka 7:10

xi n'wi tshunxa emakhombyeni ya yena hinkwawo; xi n'wi nyika ku tsakisa ni ku tlhariha emahlweni ka Faro, hosi ya Egipta, kutani yona yi n'wi veka mufumi wa Egipta ni wa yindlu ya yona hinkwayo.

Daniele 1:17

Kutani Xikwembu xi nyika majaha laya mune lawa, vutlhari ni ku twisisa matsalwa, ni vutlhari hinkwabyo; kambe Daniele a va ni ku twisisa swikombiso hinkwaswo ni milorho.

Esaya 28:26

Xikwembu xa yena xi n'wi dyondzisile mikhuva leyi, xi n'wi tivisile leswi lulameke.

Swivuriso 24:32

Loko ndzi ri mina, ndzi langutisisa, Ndzi anakanya, ndzi kuma dyondzo kona;

Pisalema 119:125

Ndzi nandza wa wena; ndzi nyike ku twisisa, Ndzi ta tiva swileriso swa wena.

Esaya 5:12

Gubu ni timbila, swingomana, ni nanga, ni vhinyo, hi yona mikhuvo ya vona, kambe a va xiyi ntirho wa Yehovha, a va voni swiendlo swa mavoko ya yena.

Pisalema 119:144

Ku lulama ka switsundzuxo swa wena hi loku nga heriki, Ndzi nyike ku twa swinene, ndzi ta hanya!

Pisalema 119:73

Swandla swa wena swi ndzi endlile, ndzi vumbiwe hi swona; Ndzi nyike ku twa, ndzi ta dyondza ku lerisa ka wena!

Pisalema 64:9

Vanhu hinkwavo va khomiwa hi ku chava, Va vula mitirho ya Xikwembu, va anakanya leswi xi swi endleke,

1 TIKRONIKA 29:19

Loko a ri n'wananga, Solomoni, n'wi nyike mbilu leyo tiya ku hlayisa milawu ya wena, ni marito ya wena, ni ku lerisa ka wena, ni ku heta hinkwaswo, ni ku aka yindlu leyi ndzi yi lunghiseke!”

1 TIKRONIKA 22:12

Ntsena Yehovha a a ku nyike vutlhari ni ku twisisa, a a ku fumise ehenhla ka Israele, a a ku nyike ku hlayisa nawu wa Yehovha, Xikwembu xa wena.

Duteronoma 32:29

Ingi loko va tlharihile va ta swi twa, Va ta anakanya ku hela ka vona.

Duteronoma 4:39

swi tive namuntlha, u tsala embilwini ya wena leswaku Yehovha i Xikwembu ehenhla etilweni, ni le hansi emisaveni; a ku na xin'wana.

Yakobo 3:15

A hi byona vutlhari lebyi xikaka hi le henhla, kambe i bya misava, i bya vumunhu, ni bya mademona.

Luka 9:44

Kakuloko hinkwavo va hlamala hinkwaswo leswi Yesu a swi endleke, a byela vadyondzisiwa va yena, a ku: “Loko mi ri n'wina, yingisisani swinene marito lawa: N'wana wa Munhu u ta nyiketiwa emavokweni ya vanhu.”

Esaya 1:3

Homu yi tiva mufuwi wa yona, ni mbhongolo yi tiva xidyelo xa n'wini wa yona; Israele a nga tivi nchumu, tiko ra mina a ri twisisi nchumu.

2 Timotiya 2:6

La rimaka, u fanela ku tirha eku sunguleni ku va kona a nga ta tshovela swakudya.

2 Timotiya 2:8

Anakanya Yesu Kriste, wa rixaka ra Davhida, la pfukeke eku feni, hilaha Evhangeli ya mina yi vulaka hakona,