2 Timotiya 2:24 - Xitsonga (Bibele)

²⁴ Kambe loko a ri nandza wa Hosi, a nga tshuki a va na rilwo, kambe u fanele ku va ni musa eka hinkwavo, ni ku tiva ku dyondzisa a leha mbilu,

BIBELE Mahungu Lamanene

²⁴ Nandza wa Hosi a nga faneli ku va munhu wa timholovo, kambe a a ve ni musa eka munhu un'wana ni un'wana, a va mudyondzisi loyi a swi kotaka, a lehisa mbilu,

Testamente Leyimpsha Xichangana

²⁴ Nandza wa Hosi angafaneli kuva munhu wa timholova, kambe aave ni timpsalu ka munhu mun'wana ni mun'wana, ativa kujondzisa, alehisa mbilu,

2 Timotiya 2:24 Referans Kwoze

Tito 3:2

va nga tshuki va lumbeta munhu, va tshika timholovo, va tikhoma, va kombisa ku olova hinkwako eka vanhu hinkwavo.

Tito 1:7

Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela;

1 Vatesalonika 2:7

kambe hi tshamile hi ri ni tintswalo exikarhi ka n'wina, kukotisa muan'wisi la hlayisaka hi rirhandzu lerikulu vana va yena,

1 Timotiya 6:11

Kambe, loko u ri wena munhu wa Xikwembu, papalata swilo leswo, u tsutsumela ku lulama, ni vukhongeri, ni ku pfumela, ni rirhandzu, ni ku yingisela, ni musa.

Vakolosa 3:13

yingiselanani mi rivalelana, loko un'wana a ri ni mholovo ni un'wana; kukota Kriste a mi tweleke vusiwana, endlisani sweswo na n'wina.

Vafilipiya 2:14

Endlani hinkwaswo mi nga n'unun'uti ni ku kanetana,

Vafilipiya 2:3

Mi nga endli nchumu hi ku kanetana, hambi ku ri hi ku tidzunisa ka swahava, kambe un'wana ni un'wana hi ku titsongahata ka yena, a a anakanye leswaku van'wana va n'wi tlula hi vunene.

Vaefesa 4:2

hi ku titsongahata hinkwako ni vunene, ni ku yingisela, mi ri karhi mi yingiselana hi rirhandzu,

1 Petro 3:8

Sweswi, mi va ni ku anakanya ku ri kun'we, mi tsetselelana, mi rhandzana ni vanakuloni, mi va ni tintswalo ni musa.

Yakobo 3:17

Kambe vutlhari lebyi pfaka ehenhla, ku sungula ka byona i ku tenga, byi engeta byi va ni ku rhula, ni ku olova, ni ku yingisela, byi tele tintswalo, ni mihandzu leyinene, a byi tsekatseki, a byi kanganyisi.

Tito 1:9

la namarhelaka rito hilaha dyondzo yi kombaka hakona a ta lulamela ku khongotela hi dyondzo leyi hanyisaka, ni ku laya vakaneti.

2 Vakorinto 10:1

Loko ndzi ri mina, Pawulo, ndza mi khongotela hi vunene ni tintswalo ta Kriste, ndzi nga yena yeloyi va nge ndza titsongahata loko ndzi ri exikarhi ka n'wina; kambe loko ndzi nga ri kona, ndzi mi endlela hi matimba;

Timhaka 7:26

Hi siku leri tlhandlamaka, a humelela eka van'wana lava lwaka, kutani a va khongotela hi ku va lamula, a ku: ‘Vavanuna, leswi mi nga va rixaka rin'we mi vaviselana yini?’

Matewu 12:19

a nga ka a nga holovi, a nga ka a nga bi huwa; a ku na munhu la nga ta twa rito ra yena emitsendzeleni.

Yakobo 4:2

Ma navela, kambe a mi na nchumu; ma dlaya, mi ni mona, kambe a mi swi koti ku kuma nchumu; mi ni ku hambana ni ku lwa, kambe a mi na nchumu, hikuva a mi komberi;

Yakobo 1:1

Mina Yakobo, nandza wa Xikwembu ni wa Hosi Yesu Kriste; Eka tinxaka leta khume na timbirhi leti hangalakeke, ndzi ri: Xewani!

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

Yuda 1:3

Varhandziwa, loko ndzi ri karhi ndzi chivirikela ku mi tsalela timhaka ta ku hlayiseka loku hi ku averiweke swin'we, a swi ndzi fanerile ku mi tsalela leswaku ndzi mi khongotela, ndzi ku: Mi lwela ku pfumela loku vakwetsimi va ku nyikiweke kan'we.

Timhaka 23:9

Kutani ku endliwa huwa leyikulu; vatsari van'wana lava yimeleke Vafarisi, va yima, va hlamula, va ku: “A hi kumi ku biha ni kun'we eka munhu loyi; kumbexana moya wun'wana wu vulavurile na yena, swimbe ntsumi xana?”

Daniele 6:20

Kuteloko yi fike ekheleni, yi vitana Daniele hi rito leri hlomukeke; kutani hosi yi vulavula, yi ku eka Daniele: “Daniele, nandza wa Xikwembu lexi hanyaka, Xikwembu xa wena lexi u xi tirhelaka hi ku tiyisela, xana xi kotile ku ku lamulela etinghaleni xana?”

Tito 1:1

Pawulo, nandza wa Xikwembu ni muapostola wa Yesu Kriste, hikwalaho ka ku pfumela ka vahlawuriwa va Xikwembu, ni ku tiva ntiyiso lowu nga ni vukhongeri,

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

2 Vakorinto 10:4

Hikuva matlhari ya hina a hi ya nyama, kambe ma ni matimba ha Xikwembu ku wisa makhokholo,

Timhaka 15:2

Kambe Pawulo na Barnaba va hlamulana ngopfu na vona, va tengisana hi matimba; kutani ku kaneriwa leswaku Pawulo na Barnaba va ta ya eYerusalema, va ri ni van'wana va vona, ku ya vutisa mhaka leyi eka vaapostola ni ka vakulukumba.

2 TIKRONIKA 24:6

Kavaloko hosi yi vitana Yehoyada, muprista lonkulu, yi ku eka yena: “A ku lerisanga ha yini Valevhi leswaku va tisa ndzuvo lowu lerisiweke ehenhla ka nhlengeletano ya Israele hi Muxe, nandza wa Yehovha, wu huma etikweni ra Yuda ni le Yerusalema, wu va wa Tabernakela ya vumbhoni?”

Duteronoma 34:5

Kavaloko Muxe, nandza wa Xikwembu, a fa kona, etikweni ra Mowabu, hi ku lerisa ka Yehovha.

Yohane 6:52

Vayuda va kanetana, va ku: “Xana yeloyi a nga hi nyikisa ku yini nyama ya yena, hi dya?”

Yoxuwa 1:1

Kuteloko Muxe, nandza wa Yehovha, a file, Yehovha a byela Yoxuwa, n'wana Nuni, nandza wa Muxe, a ku:

2 Vakorinto 6:4

kambe hi ri karhi hi tiyimela hinkwako, kukotisa malandza la ma lulameke ya Xikwembu: hi ku tiyisela lokukulu emaxangwini, ni le vusiwaneni,