2 Timotiya 2:12 - Xitsonga (Bibele)

¹² Loko hi yingisela na yena, na kona hi ta fuma na yena; loko hi n'wi landzula, na yena u ta hi landzula.

BIBELE Mahungu Lamanene

¹² loko hi tiyisela, nakona hi ta fuma na yena; loko hi n'wi landzula, na yena ú ta hi landzula;

Testamente Leyimpsha Xichangana

¹² loko hitiyisela, nakona hitafuma na yena; loko himulandzula, na yena atahilandzula;

2 Timotiya 2:12 Referans Kwoze

Varhoma 8:17

Kutani loko hi ri vana, hi vadyandzhaka na swona; ndzi ri vadyandzhaka va Xikwembu, ni vadyandzhakakulobye na Kriste, loko kunene hi twa ku vaviseka na yena, hi ta kwetsimisiwa na yena.

Matewu 10:33

Kambe un'wana ni un'wana la nga ta ndzi landzula emahlweni ka vanhu, na mina, ndzi ta n'wi landzula emahlweni ka Tatana la nga ematilweni.

Nhlavutelo 20:4

Kavaloko ndzi vona swiluvelo; kutani van'wana va tshamisa ehenhla ka swona, va nyikiwa matimba ya ku avanyisa. Ndzi vona ni mimoya ya lava tsemiweke tinhloko hikwalaho ka vumbhoni bya Yesu, ni hikwalaho ka rito ra Xikwembu, ni lava nga gandzelangiki xivandza, hambi xi ri xifaniso xa xona, ni lava nga amukelangiki mfungho wa xona emimombyeni ni le mavokweni ya vona; kutani va hanya, ni ku fuma na Kriste hi malembe ya khume ra madzana.

Nhlavutelo 20:6

Ku katekile, ku kwetsimile lava nga ni ku averiwa eku pfukeni ko sungula; rifu ra vumbirhi a ri na matimba ehenhla ka vona; kambe va ta va vaprista va Xikwembu ni va Kriste, kutani va ta fuma na yena hi malembe ya khume ra madzana.

Luka 12:9

Kambe la ndzi landzulaka emahlweni ka vanhu, u ta landzuriwa emahlweni ka tintsumi ta Xikwembu.

Nhlavutelo 5:10

kambe u va vekile tihosi ni vaprista eka Xikwembu xa hina, kutani va ta fuma emisaveni.”

Luka 9:26

Hikuva un'wana ni un'wana la khomiwaka hi tingana hikwalaho ka mina ni timhaka ta mina, N'wana wa Munhu u ta khomiwa hi tingana hikwalaho ka yena, siku a taka eku vonakaleni ka yena ni ka Tata wa yena, ni ka tintsumi leto kwetsima.

Nhlavutelo 2:13

Ndzi tiva laha u akeke kona, laha ku nga ni xiluvelo xa Satana, ni leswaku u hlayisa vito ra mina; kutani a ku landzulanga ku pfumela eka mina, hambi ku ri hi siku Antipasi mbhoni ya mina leyi tshembekaka, a nga dlawa exikarhi ka n'wina laha Satana a akeke kona.

Nhlavutelo 1:9

Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

Yuda 1:4

Hikuva exikarhi ka n'wina, ku nghene hi ku wonga, vanhu van'wana, lava ku avanyisiwa ka vona ku tsariweke khale; vanhu lava nga chaviki Xikwembu, va hundzula tintswalo ta Xikwembu xa hina manyala, kutani va landzula Yesu Kriste loyi a nga yena Mufumi a ri swakwe, ni Hosi ya hina.

Vafilipiya 1:28

na swona mi nga tshuki mi chavisiwa ha nchumu hikwalaho ka lava kanetaka; eka vona i xikombiso xa ku lova ka vona, kambe ha n'wina, i xa ku hlayiseka; kutani leswo swi huma eka Xikwembu;

Marka 8:38

Hikuva loyi a nga ni tingana hikwalaho ka mina ni marito ya mina, emahlweni ka rixaka leri ra vaoswi ni ra vadyohi, na yena N'wana wa Munhu u ta khomiwa hi tingana hikwalaho ka yena, siku a taka vuya hi ku kwetsima ka Tata wa yena swin'we ni tintsumi leto kwetsima.”

Matewu 26:35

Petro a ku eka yena: “Hambiloko ndzi fanele ku fa na wena, ndzi nga ka ndzi nga ku landzuri.” Vadyondzisiwa hinkwavo va vurisa sweswo, na vona.

Nhlavutelo 3:8

Ndzi tiva mitirho ya wena; waswivo, ndzi pfurile nyangwa emahlweni ka wena, kutani a ku na munhu la yi pfalaka; hikuva u ni matimbanyana, u hlayisile rito ra mina, na swona a ku landzulanga vito ra mina.

Swivuriso 30:9

Kumbexana loko ndzi xurhile ndzi nga ku landzula, Ndzi ku: “Yehovha i mani?” Kumbe xana, loko ndzi ri xisiwana, ndzi yiva, Ndzi tlanga hi vito ra Xikwembu xa mina.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

Marka 10:33

a ku: “Vonani, hi tlhandlukela eYerusalema, kutani N'wana wa Munhu u ta nyiketiwa vaprista lavakulu ni vatsari, va ta n'wi avanyisela rifu, va n'wi nyiketa vamatiko;

Matewu 26:75

Kwalaho Petro a anakanya rito ra Yesu hilaha a nga te eka yena: “Nkuku wu nga si ringa, u ta va u ndzi landzurile kanharhu.” Kutani a humela ehandle, a ya rila hi xiviti.

Nhlavutelo 1:6

Eka loyi a hi rhandzeke, la nga hlantswa swidyoho swa hina hi ngati ya yena a va a endla tiko ha hina ni vaprista va Xikwembu, Tata wa yena eka yena a ku ve ku kwetsima ni matimba, hi masiku ni masiku Amen!

Luka 22:29

Na mina ndzi ta mi nyika ku fuma kukota Tatana a ndzi nyikeke kona.

Luka 22:30

Mi ta va lava dyaka, ni lava nwaka etafuleni ra mina, eku fumeni ka mina; kutani mi ta tshama eswiluvelweni, mi avanyisa tinxaka ta khume na timbirhi ta Israele.”

Varhoma 5:17

Hikuva loko ku ri hikwalaho ka ku dyoha ka munhu a ri un'we, rifu ri fumile ha munhu loyi a ri un'we, ngopfungopfu lava nyikiwaka ku tala ka tintswalo ni ka nyiko ya ku lulama, va ta fuma evutomini ha un'we, a nga Yesu Kriste.

1 Timotiya 5:8

Loko un'wana a nga hlayisi varikwavo, ngopfu va yindlu ya yena, u landzurile ku pfumela, u tlula hi ku biha la nga pfumeriki.

Nhlavutelo 3:10

Leswi u hlayiseke Rito ra ku tiyisela ka mina, na mina ndzi ta ku hlayisa enkarhini wa ndzingo lowu nga ta humelela emisaveni hinkwayo ku ta ringa lava akeke emisaveni.

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.