2 Timotiya 1:8 - Xitsonga (Bibele)

⁸ Hikwalaho, u nga tshuki u va ni tingana hikwalaho ka vumbhoni bya Hosi ya hina, hambi ku ri hikwalaho ka mina, mubohiwa wa yona; kambe u amukela swin'we na mina ku vaviseka ka Evhangeli, hi matimba ya Xikwembu,

BIBELE Mahungu Lamanene

⁸ Hikokwalaho, u nga vi na tingana ku veka vumbhoni hi tlhelo ra Hosi ya hina, hambileswi mina ndzi nga mubohiwa hikwalaho ka yona. Na wena, nkhensa ku xanisekela Evhangeli, hi ku pfuniwa hi matimba ya Xikwembu.

Testamente Leyimpsha Xichangana

⁸ Hikolaho, ungavi ni tingana kuveka vumboni hi tlhelo ra Hosi ya hina, hambilesvi mina ninga mubohiwa hikolaho ka yona. Na wena, khensa kuxanisekela Evhangeli, hi kupfuniwa hi matimba ya Xikwembu.

2 Timotiya 1:8 Referans Kwoze

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Marka 8:38

Hikuva loyi a nga ni tingana hikwalaho ka mina ni marito ya mina, emahlweni ka rixaka leri ra vaoswi ni ra vadyohi, na yena N'wana wa Munhu u ta khomiwa hi tingana hikwalaho ka yena, siku a taka vuya hi ku kwetsima ka Tata wa yena swin'we ni tintsumi leto kwetsima.”

2 Timotiya 4:5

Kambe wena, hiteka etimhakeni hinkwato, amukela makhombo, tirha ntirho wa muvuri wa Evhangeli, u hetisa ntirho wa wena.

Nhlavutelo 12:11

Va n'wi hlurile hi ngati ya Xinyimpfana, ni rito ra vumbhoni bya vona, kutani a va rhandzangi vutomi bya vona, ku yisa eku feni.

2 Timotiya 2:9

yi nga Evhangeli leyi ndzi twaka ku vaviseka hikwalaho ka yona, ndzi ko ndzi bohiwa kukota mudyohi; kambe rito ra Xikwembu a ri bohiwanga.

2 Timotiya 1:12

Na swona, hikwalaho ka mhaka leyi, ndzi twisiwa ku vaviseka loku; kambe a ndzi khomiwi hi tingana hakona, hikuva ndzi tiva loyi ndzi pfumeleke eka yena, kutani ndzi tshembisisa swinene leswaku u ni matimba ya ku ndzi hlayisela leswi ndzi swi vekeke eka yena; siku leri ri ko ri humelela.

Vaefesa 3:1

Hikwalaho-ke, mina Pawulo, ndzi nga mubohiwa wa Yesu Kriste hikwalaho ka n'wina vahedeni.

Vafilipiya 3:10

ndzi ta tiva Yesu Kriste, ni matimba ya ku pfuka ka yena, ni ku hlangana na yena emaxangwini ya yena, ndzi ta fana na yena eku feni ka yena,

Luka 9:26

Hikuva un'wana ni un'wana la khomiwaka hi tingana hikwalaho ka mina ni timhaka ta mina, N'wana wa Munhu u ta khomiwa hi tingana hikwalaho ka yena, siku a taka eku vonakaleni ka yena ni ka Tata wa yena, ni ka tintsumi leto kwetsima.

2 Timotiya 1:16

Hosi a yi tsetselele yindlu ya Onesiforo hikuva u ndzi chavelele kanyingi kambe a nga vanga na tingana hikwalaho ka ku bohiwa ka mina.

Vaefesa 4:1

Hikwalaho-ke, mina ndzi nga mubohiwa eHosini ndza mi khongotela, ndzi ri: Fambani hi mukhuva lowu fanelaka ku vitiwa loku mi vitiweke hakona,

Nhlavutelo 1:9

Mina Yohane, makwenu, ni la averiweke swin'we na n'wina maxangu, ni ku fuma, ni ku tiyisela loku nga eka Yesu, a ndzi ri exihlaleni lexi vuriwaka Patmosi, hikwalaho ka Rito ra Xikwembu, ni hikwalaho ka vumbhoni bya Yesu.

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

1 Petro 1:5

hina hi laveleriwaka hi matimba ya Xikwembu, hi ku pfumela, leswaku hi ta nyikiwa ku hlayiseka loku lunghiseriweke ku humelela enkarhini wa makumu.

2 Timotiya 2:3

Loko u ri wena, yingisela ku vaviseka kukota nhenha leyinene ya Yesu Kriste.

1 Vatesalonika 3:4

Hikuva ni loko ha ha ri na n'wina, hi tshama hi mi byela leswaku swa hi fanela ku xanisiwa hilaha swi humeleleke, na n'wina ma swi tiva.

Vafilipiya 1:7

kutani swi lulamile loko ndzi anakanya sweswo eka n'wina hinkwenu, hikuva eku bohiweni ka mina, ni le ku hlamuleni ka mina, ni le ku tiyiseni ka Evhangeli, ndzi na n'wina embilwini ya mina, hikuva hinkwenu mi ni ku averiwa ka tintswalo swin'we na mina.

Vaefesa 3:13

Hikwalaho ndza kombela, ndzi ri: Ku nga herisiwi timbilu hi nhlomulo lowu nga ndzi humelela hikwalaho ka n'wina, hikuva i ku dzunisiwa ka n'wina.

Varhoma 16:25

Eka loyi a nga ni matimba ya ku mi tiyisa eEvhangelini ya mina, ni le ku dyondziseni ka Yesu Kriste, hi xikombiso xa xihundla lexi ingi xi funengetiwile emikarhini ya vukulukulu,

1 Yohane 4:14

Kutani, na hina, hi swi vonile, hi va hi tiyisa leswaku Tatana u rhumile N'wana leswaku a va Mulondzovoti wa misava.

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

Vafilipiya 4:13

Ndzi nga endla hinkwaswo ha Kriste la ndzi haka matimba.

Varhoma 9:33

hilaha ku tsariweke leswaku: “Vonani, ndzi veka eSiyoni ribye ra ku khunguvanyisa, ni ribye leri wisaka; kutani: La pfumelaka eka yena, a nga ka a nga vi na tingana.”

Timhaka 5:41

Kutani vaapostola va suka emahlweni ka huvo, va tsakile hikuva a va endliwile lava fanelaka hi ku xanisiwa hikwalaho ka vito ra Yesu.

Nhlavutelo 19:10

Kutani ndzi wela emilengeni ya yona ku yi gandzela, kambe yi ku eka mina: “U nga tshuki u endlisa sweswo; ndzi nakuloni entirhweni, ni wa vamakwenu lava nga ni vumbhoni bya Yesu, gandzela Xikwembu.” Hikuva vumbhoni bya Yesu i moya wa vuprofeta.

Nhlavutelo 1:2

la nga tiyisa Rito ra Xikwembu ni vumbhoni bya Yesu Kriste, swi nga hinkwaswo leswi a swi voneke.

1 Vakorinto 1:6

hilaha vumbhoni bya Yesu Kriste byi tiyisiweke eka n'wina;

Yohane 19:35

Kutani la nga swi vona, u vurile vumbhoni, kutani vumbhoni bya yena byi tiyile; u tiva leswaku u vula ntiyiso, leswaku mi pfumela.

Pisalema 119:46

Ndzi ta vula switsundzuxo swa wena emahlweni ka tihosi, Kambe a ndzi nga vi na tingana.

Vakolosa 1:24

Sweswi, ndzi titsakela emaxangwini lama ndzi humelelaka hikwalaho ka n'wina, kutani ndzi hetisa emirini wa mina, leswi seleke swa ku xaniseka ka Kriste, hikwalaho ka miri wa yena yi nga Kereke.

Vaefesa 4:17

Lexi ndzi xi vulaka, ni lexi ndzi xi tiyisaka eHosini, hileswaku mi nga tshuki ma ha famba kukotisa vahedeni lava fambaka hi miehleketo ya hava ya vona,

2 Vakorinto 6:7

hi tipfuna hi matlhari ya ku lulama, lama tameriwaka hi voko ra xinene ni ra ximatsi;

Varhoma 8:36

Kukotisa loko ku tsariwile leswaku: “Hi dlayiwa hi masiku hinkwawo hikwalaho ka wena, hi ringanisiwa ni tinyimpfu leti tlhaviwaka.”

Yohane 15:27

na n'wina mi ta va timbhoni, hikuva a mi ri na mina ka ha ri eku sunguleni.

Esaya 51:7

“Ndzi yingiseni, n'wina lava tivaka swo lulama, wena tiko leri nga ni nawu wa mina embilwini ya wena! Mi nga chaveni xisandzu xa vanhu, mi nga tshukisiwi hi mirhukano ya vona;

Pisalema 19:7

Nawu wa Yehovha wu hetisekile, wu wisisa moya; Vumbhoni bya Yehovha bya tshembeka, byi tlharihisa xihunguki.

1 Timotiya 2:6

la tinyiketeke ku kutsula hinkwavo; hi byona vumbhoni lebyi vekiweke hi nkarhi lowu fanekeleke,

Vakolosa 1:11

mi ri karhi mi tiyile ematlhelweni hinkwawo hi matimba yo kwetsima ya xona, mi ta va ni ku chivirika hinkwako ni ku yingisela, mi ri ni ku tsaka.

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

2 Timotiya 1:10

kutani sweswi ta ha ku vonakisiwa hi ku humelela ka Mulondzovoti wa hina, Yesu Kriste, la heriseke matimba ya rifu, la humeseke vutomi eku vonakaleni, ni ku tshama loku nga heriki hi Evhangeli,

2 Timotiya 2:8

Anakanya Yesu Kriste, wa rixaka ra Davhida, la pfukeke eku feni, hilaha Evhangeli ya mina yi vulaka hakona,