2 Timotiya 1:3 - Xitsonga (Bibele)

³ Ndzi khensa Xikwembu lexi ndzi xi tirhelaka hi ripfalo lero basa kukotisa vatatana va khale, hikuva a ndzi rhuteri ku ku anakanya emikhongelweni ya mina, vusiku ni nhlekanhi, ndzi ri karhi ndzi anakanya mihloti ya wena,

BIBELE Mahungu Lamanene

³ Ndzi nkhensa Xikwembu, xona lexi ndzi xi tirhelaka hi ripfalo leri tengeke ku fana ni vatatana, ndzi nga tshiki ku ku khongelela vusiku ni nhlekanhi.

Testamente Leyimpsha Xichangana

³ Nikhensa Xikwembu, xona lexi nixitirhelaka hi ripfalu leribaseke kufana ni vakokwana, na ningatshiki kukukhongelela vusiku ni nhlekanhi.

2 Timotiya 1:3 Referans Kwoze

Vaheveru 13:8

Yesu Kriste i un'we, hambi tolo, hambi namuntlha, ni hilaha ku nga heriki.

Timhaka 23:1

Pawulo a honolela va Sinedri, a ku: “Vavanuna varikwerhu, ndzi hanyile hi ripfalo lerinene hinkwaro emahlweni ka Xikwembu ku fika siku leri.”

Timhaka 24:14

Kunene ndzi nga tivula eka wena leswaku, loko yi ri dyondzo leyi va nge hi leyi hambukeke; ndzi tirhela Xikwembu xa vatatana ha yona, ndzi ri karhi ndzi pfumela timhaka hinkwato ta nawu ni leti tsariweke evaprofeteni.

1 Timotiya 1:19

u ri karhi u hlayisa ku pfumela ni ripfalo lerinene, leri van'wana va ri lahleke; ku pfumela ka vona ku halakile kukotisa byatso;

1 Timotiya 1:5

Hikuva laha ku lerisa ku kongomaka kona, i rirhandzu leri humaka embilwini leyi tengeke, ni le ripfalweni lerinene, ni le ku pfumeleni loku nga riki na ku kanganyisa.

Timhaka 24:16

Hikwalaho ndzi tiyisaka hi matimba hi masiku hinkwawo leswaku ndzi va ni ripfalo leri nga ndzi soriki emahlweni ka Xikwembu ni vanhu.

Timhaka 22:3

“Mina ndzi Muyuda, la velekiweke eTarso wa Kilikiya; ntsena ndzi kulele emutini lowu, emilengeni ya Gamaliele, ndzi dyondzisiwa nawu wa vatatana hi ku longoloxeriwa, ndzi va ni ku chivirikela Xikwembu, tanihi n'wina namuntlha,

2 Timotiya 3:15

ku suka evutsongwaneni bya wena, u tiva Matsalwa layo kwetsima, wona ma nga ku nyika vutlhari bya ku kuma ku hlayiseka hi ku pfumela eka Yesu Kriste.

2 Timotiya 1:5

ndzi anakanya ni ku pfumela loku baseke loku nga eka wena ni loku ngi ku akile khale eka Luwisa kokwa wa wena, ni ka Yunika mana wa wena; kutani ndzi tshemba ngopfu leswaku ku kona, ni ka wena.

1 Vatesalonika 3:10

Ha xi khongela nhlekanhi ni vusiku hi ku tlurisisa leswaku hi ta tiva ku mi vona, hi ta engetela leswi pfumariwaka eku pfumeleni ka n'wina.

Vaefesa 1:16

a ndzi tshiki ku khensa hikwalaho ka n'wina; ndzi ri karhi ndzi mi anakanya emikhongelweni ya mina,

Vagalatiya 1:14

kutani a ndzi siyile ekule lavo tala va ntangha ya mina, a ndzi ri emahlweni ka vona etimhakeni ta Vuyuda, etikweni ra hina, hi ku hisekela mikhuva ya vatata wa hina.

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Varhoma 9:1

Ndzi vula ndzi tiyisa emahlweni ka Kriste, a ndzi hembi, ripfalo ra mina ri ndzi yimela hi Moya lowo Kwetsima, loko ndzi ku:

Timhaka 27:23

Hikuva ntsumi ya Xikwembu lexi ndzi nga wa xona, lexi ndzi xi gandzelaka, yi tikombisile eka mina evusikwini lebyi,

Timhaka 26:4

“Loko ti ri ta ku hanya ka mina hilaha ndzi nga famba hakona exikarhi ka tiko ra rikwerhu, le Yerusalema ka ha ri mpfhuka ndzi ri lontsongo Vayuda hinkwavo va ti tiva.

Luka 2:37

a yi ri noni ya malembe ya ntlhanu wa makume na makume manharhu na mune. A a nga suki etempeleni, kambe a tirhela Xikwembu hi ku titsona swakudya, ni ku khongela vusiku ni nhlekanhi.

1 SAMIELE 12:23

Loko ndzi ri mina a swi ve kule na mina ku dyohela Yehovha, ni ku tshika ku mi khongelela, kambe ndzi ta mi kombisa ndlela leyinene ni ya ku lulama.

1 Timotiya 5:5

Loko yi ri noni ya xiviri leyi siyiweke yi ri yoxe, a yi langutele Xikwembu, kutani yi tiyisela eswikhongelweni vusiku ni nhlekanhi.