2 TIKRONIKA 7:3 - Xitsonga (Bibele)

³ Kutani vana va Israele hinkwavo va vona ndzilo ni ku kwetsima ka Yehovha loko swi xika endlwini, kutani va korhama ehansi emaribyeni, va khinsama va dzunisa Yehovha, va ku: “Hikuva i wa vunene, hikuva tintswalo ta yena hi leti nga heriki.”

BIBELE Mahungu Lamanene

³ Loko Vaisraele hinkwavo va vona leswaku ndzilo wu xikile hi le tilweni, ni leswaku ku vonakala ka HOSI Xikwembu ku tata Tempele, va nkhinsama mimombo ya vona yi ko yi khumba ehansi, va khongela ni ku tlangela Xikwembu, va ku: “HOSI yi ni vunene, rirhandzu ra yona hi leri nga heriki!”

2 TIKRONIKA 7:3 Referans Kwoze

2 TIKRONIKA 5:13

kutani lava yimbaka tinanga ni lava yimbelelaka a va fanela ku yimbelela swin'we, hi rito rin'we ku dzunisa ni ku vonga Yehovha; kutani, kakuloko va yimba tinanga ni swiphambati, ni timbila tin'wana ni loko va yimbelela, va ku: “Dzunisani Yehovha, hikuva i wa vunene, hikuva tintswalo ta yena ti kona hi masiku!” Kavaloko yindlu, yindlu ya Yehovha yi tatiwa hi papa;

2 TIKRONIKA 20:21

Kutani a endla makungu ni tiko leswaku va ta veka vanhu ku yimbelelela Yehovha ni ku n'wi dzunisa, va ambele tinguvu ta vuvombi leti hlawuliweke va ta rhangela nyimpi, va ku: “Dzunisani Yehovha, hikuva tintswalo ta yena hi leti nga heriki!”

Luka 1:50

Vito ra yena ra kwetsima, ni tintswalo ta yena ti le tinxakeni ta tinxaka eka lava n'wi chavaka.

Esaya 63:7

Ndzi ta dzunisa tintswalo ta Yehovha, ni ku dzuneka ka yena, hilaha swi fanekelaka hinkwaswo leswi Yehovha a nga hi endlela swona, ni vunene bya yena lebyikulu eka yindlu ya Israele lebyi a nga va kombisa byona hi tintswalo ta yena, ni vukulu bya rirhandzu ra yena.

Ezra 3:11

Kutani va pfumelelana, va dzunisa, va vonga Yehovha, va ku: “Kunene u ni vunene, hikuva nsovo wa yena eka Israele hi lowu nga heriki.” Kutani tiko hinkwaro ri endla huwa leyikulu ku dzunisa Yehovha, hikuva ku sunguriwa masungulo ya yindlu ya Yehovha.

Eksoda 4:31

Kutani tiko ri pfumela; va twa leswaku Yehovha u endzele vana va Israele, ni leswaku u langutile ku xaniseka ka vona; kavaloko va khinsama, va korhame hansi.

Yeremiya 33:11

ku ta yingisiwa kona rito ro tsaka, ni rito ra mitsako, ni rito ra muteki, ni rito ra mutekiwa, ni rito ra lava nge: Khensani Yehovha wa mavandla, hikuva Yehovha hi lonene, hikuva tintswalo ta yena hi leti nga heriki! ‘Ku ri loko va neha ku khensa ka vona endlwini ya Yehovha.’ Hikuva ndzi ta vuyisela lava khomiweke va le tikweni leri, va ta kotisa emikarhini yo rhanga, ku vula Yehovha.

Pisalema 103:17

Kambe nsovo wa Yehovha i wa mikarhi hinkwayo eka lava n'wi chavaka, Ni ku lulama ka yena ehenhla ka vana va vana va vona;

Pisalema 95:6

Tanani, hi khinsama, a hi korhameni, Hi khinsamela Yehovha, muvumbi wa hina,

1 TIKRONIKA 29:20

Davhida a ku eka nhlengeletano hinkwayo: “Dzunisani Yehovha, Xikwembu xa n'wina!” Kutani nhlengeletano hinkwayo yi dzunisa Yehovha, Xikwembu xa vatata wa vona, va korhama, va khinsama emahlweni ka Yehovha ni le mahlweni ka hosi.

1 TIKRONIKA 16:41

Hemani a a ri na vona, na Yedutuni ni van'wana lava hlawuriweke lava vitaniweke hi mavito ya vona ku dzunisa Yehovha; hikuva tintswalo ta yena ti tshama hi masiku.

1 TIHOSI 18:39

Tiko hinkwaro ri swi vona, va khinsama hi mimombo ya vona, va ku: “Xikwembu i Yehovha! Xikwembu i Yehovha!”

Tinhlayo 16:22

Kavaloko va wa ehansi hi mimombo, va ku: “Oho! Xikwembu, Xikwembu xa mimoya ya tinyama hinkwato! Munhu un'we u dyohile, kambe u karihela nhlengeletano hinkwayo!”

Tinhlayo 14:5

Kavaloko Muxe na Aroni va tiwisa ehansi hi mimombo ya vona emahlweni ka nhlengeletano hinkwayo ya vana va Israele.

Levhitika 9:24

Ndzilo wu huma emahlweni ka Yehovha, wu hisa holokosta, ni mafurha ealitarini; tiko hinkwaro ri wu vona, kutani va huwelela hi ku tsaka, va tiwisa ehansi hi mimombo ya vona.

1 TIKRONIKA 16:34

Dzunisani Yehovha, hikuva u lulamile, Hikuva tintswalo ta yena ti kona hi masiku!

Pisalema 100:5

Hikuva u ni tintswalo, vunene bya yena i bya masiku, Ni ku tshembeka ka yena etinxakeni ta tinxaka.

Pisalema 106:1

Dzunisani Yehovha! Dzunisani Yehovha, hikuva u lulamile, Hikuva tintswalo ta yena hi leti nga heriki.

Pisalema 107:1

Dzunisani Yehovha, hikuva u lulamile, Hikuva tintswalo ta yena hi leti nga heriki.

Pisalema 118:1

Dzunisani Yehovha, hikuva u lulamile. Hikuva, nsovo wa yena, hi lowu nga heriki!

2 TIKRONIKA 20:18

Kavaloko Yoxafati a khinsama, a wa hi mombo, kutani va Yuda hinkwavo ni vaaki va Yerusalema, va wela emahlweni ka Yehovha, va khinsama emahlweni ka Yehovha.

2 TIKRONIKA 29:28

Nhlengeletano hinkwayo yi khinsama, kutani risimu ri yimbeleriwa tinanga ti pfuma, hinkwaswo swi va tano ku ko ku hela holokosta.

2 TIKRONIKA 29:29

Kuteloko va hetile ku humesa holokosta, hosi ni hinkwavo lava ngi a ri na vona, va korhama, va khinsama ematsolweni.

2 TIKRONIKA 29:30

Kutani hosi Hezekiya ni tihosana va byela Valevhi ku dzunisa Yehovha hi marito ya Davhida na Asafa, muvoni; va n'wi dzunisa sweswo, va tsakile, kutani va korhama, va khinsama.