2 TIKRONIKA 4:3 - Xitsonga (Bibele)

³ Swifaniso swa tihomu a swi ri ehansi ka rona ematlhelweni hinkwawo, a swi ri khume hi swisungunhu; tihomu leti a ti endla tinxaxa timbirhi, ti chuluriwile swin'we na rona.

BIBELE Mahungu Lamanene

³ Nhlambeto leyi a yi rhendzeriwile hi swifaniso swa marhanga hansi ka nomo wa yona, ma rhendzela nhlambeto hi tinxaxa timbirhi, hi mpfhuka wa ndzhendzeleko wa 15 m, ma n'okisiwile swin'we ni nhlambeto.

2 TIKRONIKA 4:3 Referans Kwoze

Nhlavutelo 4:7

Xivumbiwa lexi hanyaka lexo rhanga a xi fana ni nghala, xivumbiwa lexi hanyaka lexa vumbirhi a xi fana ni rhole, xivumbiwa lexi hanyaka lexa vunharhu a xi ri ni mombo wa munhu; kutani xivumbiwa lexi hanyaka lexa vumune a xi fana ni gama leri hahaka.

Ezekiele 10:14

Kerubu yin'wana ni yin'wana a yi ri ni mimombo ya mune; mombo lowo rhanga a wu ri mombo wa kerubu, wa lowa vumbirhi a wu ri mombo wa munhu; wa vunharhu, wa nghala; wa vumune, wa gama.

Ezekiele 1:10

Xin'wana ni xin'wana a xi ri ni mombo wa munhu, xin'wana ni xin'wana a xi ri ni mombo wa nghala exineneni, xin'wana ni xin'wana a xi ri ni mombo wa homu eximatsini, kambe xin'wana ni xin'wana, a xi ri ni mombo wa gama.

Yoxuwa 6:3

Fambani, mi rhendzelekela muti, n'wina vavanuna hinkwenu lami hlomeke, mi rhendzelekela muti kan'we hi ku famba ematlhelweni hinkwawo: u ta endlisa sweswo hi masiku ya 6.

2 TIKRONIKA 4:2

A chulula ni lwandle ra koporo; a ri ri ra swisungunhu swa 10, ku suka etlhelo rin'wana ku fika etlhelo rin'wana; a xi ri xirhendzevutana; ku tlakuka ka rona a swi ri swisungunhu swa ntlhanu, kutani ngoti ya swisungunhu swa 30 yi kota ku ri rhendzela hinkwaro.

2 TIKRONIKA 4:4

A ri vekiwile ehenhla ka tihomu ta 12; tinharhu ta tona ti langute en'walungwini, tinharhu ti langute evupeladyambu, tinharhu ti langute edzongeni, tinharhu ti langute evuxeni; lwandle a ri ri ehenhla ka tona, kutani micila hinkwayo ya tona a yi ri exikarhi.