2 TIKRONIKA 2:3 - Xitsonga (Bibele)

³ Solomoni a rhuma eka Hiramu hosi ya Tiri, a ku eka yena: “Leswi u swi endleleke tatana Davhida, loko u n'wi rhumerile mirhi ya kedari leswaku a tiakela yindlu ku tshama kona, u ndzi endlela na mina.

BIBELE Mahungu Lamanene

³ Kutani Solomoni a rhumela rito eka Hiramu hosi ya Tiri, a ku: “Leswi u hanyisaneke na Davhida tata wa mina hi ndlela leyinene, u n'wi nyika ni timhandze ta kedari to aka yindlu ya yena ha tona, ndzi kombela leswaku mina na wena hi hanyisana hi ndlela yo tano.

2 TIKRONIKA 2:3 Referans Kwoze

1 TIKRONIKA 14:1

Hiramu, hosi ya Tiri, a rhumela Davhida tintsumi ni mirhi ya kedari ni vavatli va maribye, ni vaaki, ku n'wi akela yindlu.

2 SAMIELE 5:11

Kutani Hiramu, hosi ya Tiri, a rhumela Davhida tintsumi, ni mirhi ya Kedari, ni vavatli va mapulangi ni va maribye va ta akela Davhida yindlu.

Eksoda 25:30

U ta veka etafuleni vuswa bya xikombiso, byi va kona hi masiku hinkwawo.

Eksoda 29:38

“Leswi u nga ta swi tlhava ealitarini hi leswi: swinyimpfana swimbirhi swa lembe rin'we siku rin'wana ni rin'wana hi malembe hinkwawo.

Eksoda 29:39

Xinyimpfana xin'wana u xi tlhava nimixo, xin'wana u xi tlhava nimadyambu;

Eksoda 29:41

U ta tlhava xinyimpfana xa vumbirhi nimadyambu, u xi endlela mhamba ni ku xuva kukota xa mixo, ma ta va magandzelo lama hiseriwaka Yehovha, lama nun'hwelaka.

Eksoda 30:7

Aroni u ta hisela ka yona mirhi ya risuna hi masiku hinkwawo, nimixo loko a lunghisa timboningo;

Levhitika 9:17

A humesa ni nhlengo; a nusa hi xandla xin'we, a swi hisa ealitarini ku engetela holokosta ya mixo.

Levhitika 23:2

“Byela vana va Israele, u ku eka vona: ‘Hi yona mikhuvo ya Yehovha leyi mi nga ta yi lerisa leswaku ti va tinhlengeletano leti hlawuriweke. Hi yona mikhuvo ya mina.

Tinhlayo 28:9

“Siku ra Savata ku ta humesiwa swinyimpfana swimbirhi swa lembe rin'we leswi nga riki na xivati, ni nyiko ya ku avanyisa ka vumbirhi bya mapa layo saseka, lama pfuviweke hi mafurha, ni vucheleto bya yona.

Tinhlayo 28:11

“Eku sunguleni ka tin'hweti ta n'wina, mi ta humesela Yehovha holokosta ya tinkunzi timbirhi, ni khuna, ni swinyimpfana swa 7 swa lembe rin'we, leswi nga riki na xivati;

2 TIKRONIKA 4:19

Solomoni a endla ni swingolongondzwana hinkwaswo swa yindlu ya Xikwembu: yi nga alitari ya Xikwembu, ni matafula ku veka swinkwa ehenhla ka wona;

2 TIKRONIKA 8:13

a humesa magandzelo ya siku rin'wana ni rin'wana, hilaha Muxe a leriseke hakona, ma ri ya Tisavata, ni ya tin'weti letintshwa, ni ya mikhuvo, kanharhu hi lembe, enkhubyeni wa swinkwa leswo kala comela, ni le nkhubyeni wa mavhiki, ni le nkhubyeni wa mitsonga.

2 TIKRONIKA 13:11

Siku rin'wana ni rin'wana, nimixo ni madyambu, va hisela Yehovha tiholokosta ni mirhi ya risuna, va veka ni swinkwa swa xikombiso etafuleni leri tengeke va lumeka nimadyambu masiku hinkwawo mavoningo ya kandelari ya nsuku, hikuva hi hlayisa milawu ya Yehovha, Xikwembu xa hina, kambe n'wina mi n'wi tshikile.

2 TIKRONIKA 24:14

Kuteloko va hetile va tisa mali leyi seleke emahlweni ka hosi na Yehoyada; kutani va endla ha yona swigotso swa yindlu ya Yehovha, swi ri swibya swa ntirho ni swa magandzelo, ni mindzheko, ni swibya swin'wana swa nsuku ni swa silivhere. Va humesa tiholokosta hi masiku hinkwawo endlwini ya Yehovha, eku hanyeni hinkwako ka Yehoyada.

Ezra 6:3

“Hi lembe ro sungula ra ku fuma ka Korexe, hosi Korexe yi vurile ematshan'weni ya yindlu ya Xikwembu eYerusalema, leswaku yindlu yeleyo yi tlhela yi pfuxiwa, ku va laha va nga ta tlhava magandzelo kona, ni masungulo ya yona ma ta pfuxiwa. Ku leha ka yona ku va swisungunhu swa 60; ku anama ka yona ku va swisungunhu swa 60.

Nehemiya 10:34

Hi hlahluva hi vuhlolotwana emhakeni ya tihunyi leti (hina, ni vaprista, ni Valevhi, ni van'wana va tiko, hi ku ya hi tindlu ta vatata wa hina) hi fanelaka ku ti humesela yindlu ya Xikwembu xa hina hi mikarhi leyi vekiweke, hi malembe hinkwawo, va ta tshivela ndzilo ha tona ealitarini ya Yehovha, Xikwembu xa hina, hilaha ku tsariweke hakona enawini;