2 TIKRONIKA 1:4 - Xitsonga (Bibele)

⁴ Kambe Davhida a a tekile areka ya Xikwembu eKiriyata-Yeyarimi, ku yi yisa endhawini leyi a yi lunghiseleke, hikuva a a yi yimisele ntsonga eYerusalema.

BIBELE Mahungu Lamanene

⁴ Areka ya Ntwanano a yi nga ri kona, hikuva Davhida a a yi lulamiserile ndhawu eYerusalema, a yi dzimela ntsonga, kutani a ya yi teka emutini wa Kiriyata-Yeyarimi, a vuya na yona Yerusalema.

2 TIKRONIKA 1:4 Referans Kwoze

2 SAMIELE 6:17

Kambe va tisa areka ya Yehovha, kutani va yi veka ekaya ka yona, entsongeni lowu Davhida a wu lunghiseleke yona; kutani Davhida a humesa tiholokosta ni magandzelo ya ku khensa, emahlweni ka Yehovha.

2 SAMIELE 6:2

Kutani Davhida a pfuka ni tiko hinkwaro leri ngi ri ri na yena, a suka eBaale-Yuda ku heleketa areka ya Xikwembu, leyi ku khongeriwaka ehenhla ka yona vito ra Yehovha wa mavandla, la tshamaka exikarhi ka tikerubu ehenhla ka yona.

1 TIKRONIKA 16:1

Kuteloko va tisile areka ya Xikwembu, va yi veka eTabernakeleni leyi Davhida a yi akeleke yona, kutani va humesa tiholokosta ni magandzelo ya ku khensa emahlweni ka Xikwembu.

1 TIKRONIKA 15:1

Davhida a tiakela tindlu emutini wa Davhida, kutani a lunghisela areka ya Xikwembu ndhawu, a yi yimisela ntsonga.

Yoxuwa 9:17

Kavaloko vana va Israele va suka va famba, kutani siku ra vunharhu va fika emitini ya vona; miti ya vona a wu ri Gibiyoni, na Kefira, na Beroto na Kiriyata-Yeyarimi.

2 TIKRONIKA 5:2

Kavaloko Solomoni a hlengeleta eYerusalema, vakulukumba va Israele, ni tihosana hinkwato ta tinyimba, ni tihosana ta tindlu ta vana va Israele, ku ya teka emutini wa Davhida lowu nga Siyoni, areka ya ntwanano wa Yehovha, ni ku yi tlhandlukisa.

2 TIKRONIKA 6:2

Kutani mina ndzi akile yindlu laha u nga ta tshama kona, ni vuako laha u nga ta aka kona hi masiku.”

1 TIKRONIKA 15:3

Davhida a hlengeleta Vaisraele hinkwavo eYerusalema, ku heleketa areka ya Yehovha endhawini leyi a yi lunghiseleke.

1 TIKRONIKA 15:12

a ku eka vona: “Hi n'wina mi nga tihosana ta tindlu ta Valevhi; tibasiseni n'wina ni vamakwenu, mi ta rhwala areka ya Yehovha, Xikwembu xa Israele, mi ya yi veka endhawini leyi ndzi yi lunghiseleke yona.