2 TIKRONIKA 1:2 - Xitsonga (Bibele)

² Solomoni a vulavula ni Vaisraele hinkwavo ni tindhuna ta khume ra madzana, ni ta dzana, ni vaavanyisi, ni tihosana ta va Israele hinkwavo, ti ri tihosana ta tindlu ta vatatana;

BIBELE Mahungu Lamanene

² Siku rin'wana, Solomoni a vitana vavanuna hinkwavo va Israele, va nga vafambisi va mintlawa ya masocha ya 1 000 ni ya 100, ni vaavanyisi, ni varhangeri va mindyangu, ni vakulukumba lavan'wana hinkwavo va Israele,

2 TIKRONIKA 1:2 Referans Kwoze

1 TIKRONIKA 28:1

Davhida a hlengeleta eYerusalema, tihosana hinkwato ta Israele, ti ri tihosana ta tinyimba, ni tindhuna ta mitlawa leyi tirhelaka hosi, ni tindhuna ta khume ra madzana, ni tindhuna ta dzana, ni valanguteri va xuma hinkwaxo, ni va swifuwo hinkwaswo swa hosi, ni lava hlayisaka Vana va yona, ni vatsheniwa, ni vavanuna va matimba ni tinhenha hinkwato.

1 TIKRONIKA 27:1

Hi vona vana va Israele hi ntsengo wa vona, tihosana ta tinyimba ni tindhuna ta dzana ni ta khume ra madzana, ni malandza ya vona lama tirhelaka hosi etimhakeni hinkwato ta mitlawa, yi ri leyi nghenaka entirhweni ni leyi humaka kona, en'hwetini yin'wana ni yin'wana, hi tin'hweti hinkwato ta lembe; ntlawa wun'wana ni wun'wana a wu ri wa vavanuna va 24 000.

2 TIKRONIKA 30:2

Hosi ni tindhuna ta yena ni nhlengeletano hinkwayo va tiyisa mhaka eYerusalema, leswaku Paseka yi ta endliwa hi n'hweti ya vumbirhi;

2 TIKRONIKA 29:20

Siku leri tlhandlamaka, hosi Hezekiya a pfuka nimixo, a hlengeleta tihosana ta muti, kutani a tlhandluka endlwini ya Yehovha.

1 TIKRONIKA 29:1

Hosi Davhida a ku eka nhlengeletano hinkwayo: “Solomoni, n'wananga, loyi a nga yena la hlawuriweke hi Xikwembu, a ha ri lontshwa, u pfumala matimba, kambe ntirho wukulu hikuva yindlu leyi, yi nga ka yi nga vi ya munhu, kambe i ya Yehovha Xikwembu.

1 TIKRONIKA 24:31

Na vona, kukotisa vamakwavo, vana va Aroni va hlawuriwa hi vuhlolotwana emahlweni ka hosi Davhida, na Sadoki, na Ahimeleke, ni tihosana ta tindlu ta vaprista ni ta Valevhi, tihosana ta tindlu ta vatata wa vona ti hlawuriwa kukotisa vamakwavo lavatsongo.

1 TIKRONIKA 24:4

Va kuma leswaku vana va Eliyazara a va ri ni tihosana ta tindlu ku tlurisa vana va Itamara, kutani va va avanyisa sweswo: vana va Eliyazara a va ri ni tihosana ta 16 ta tindlu ta vatata wa vona, ni vana va Itamara a va ri ni tihosana ta 8 ta tindlu ta vatata wa vona.

1 TIKRONIKA 15:12

a ku eka vona: “Hi n'wina mi nga tihosana ta tindlu ta Valevhi; tibasiseni n'wina ni vamakwenu, mi ta rhwala areka ya Yehovha, Xikwembu xa Israele, mi ya yi veka endhawini leyi ndzi yi lunghiseleke yona.

1 TIKRONIKA 15:3

Davhida a hlengeleta Vaisraele hinkwavo eYerusalema, ku heleketa areka ya Yehovha endhawini leyi a yi lunghiseleke.

1 TIKRONIKA 13:1

Davhida a endla makungu ni tindhuna ta khume ra madzana, ni ta dzana, ni tihosana hinkwato;

2 TIKRONIKA 1:3

kutani Solomoni ni nhlengeletano hinkwayo, va ya exitsungeni lexi ngi xi ri eGibiyoni, hikuva Tabernakela ya nhlengeletano ya Xikwembu leyi Muxe, nandza wa Yehovha, a yi endleke emananga, a yi ri kona.

1 TIHOSI 3:4

Hosi yi ya eGibiyoni ku ya gandzela kona, hikuva a xi ri xitsunga lexikulu. Solomoni a humesa kona tiholokosta ta khume ra madzana.