2 TIHOSI 1:3 - Xitsonga (Bibele)

³ Ntsumi ya Yehovha yi ku eka Eliya wa Tixibe: “Pfuka u ya hlangana ni tintsumi ta hosi ya Samariya, u ku eka tona: ‘Xana a ku na Xikwembu etikweni ra Israele, leswi mi fambaka mi ya vutisa Baala-Zebubu, xikwembu xa Ekroni?’

BIBELE Mahungu Lamanene

³ Kambe ntsumi ya HOSI Xikwembu yi vulavula na Eliya wa le Tixibe yi ku: “Famba u ya hlanganisa varhumiwa va hosi ya le Samariya, u va vutisa u ku: ‘Xana ko va hava Xikwembu etikweni ra Israele, leswi mi kalaka mi ya vutisa eka Baala-Zebubu xikwembu xa le Ekroni, xana?’

2 TIHOSI 1:3 Referans Kwoze

1 TIHOSI 17:1

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

Yonasi 2:8

Kakuloko moya wa mina wu hlala endzeni ka mina ndzi tlhela ndzi ehleketa Yehovha, kutani ku khongela ka mina ku fikile eka wena, etempeleni ya ku kwetsima ka wena.

Pisalema 76:1

Xikwembu xi tiviwa hi Yuda, Vito ra xona rikulu eka Israele.

Timhaka 8:26

Kutani ntsumi ya Hosi yi byela Filipi, yi ku: “Suka, u ya tlhelo ra dzonga endleleni leyi xikaka hi le Yerusalema, yi rhelela eGaza,” laha ku nga mananga;

Marka 3:22

Kambe vatsari lava ngirimeleke Yerusalema, va ku: “U ni Belzebule, kutani u hlongola mademona hi hosi ya mademona.”

2 TIHOSI 5:15

Naamani a tlhelela eka munhu wa Xikwembu ni vanhu va yena hinkwavo, kuteloko a fikile a yima emahlweni ka yena, a ku: “Waswivo, ndza tiva leswaku a ku na Xikwembu emisaveni hinkwayo loko ku nga ri etikweni ra Israele. Sweswi, wanga amukela nhlengo wa ku khensa evokweni ra nandza wa wena.”

2 TIHOSI 1:8

Va ku eka yena: “I munhu la ambaleke mavoya, a tibohe xisuti hi vamba ra dzovo.” Kutani a ku: “I Eliya wa Tixibe.”

2 TIHOSI 1:6

Va ku eka yena: “Munhu u tlhandlukile ku ta hlangana na hina, a ku eka hina: ‘Tlhelelani eka hosi leyi mi rhumeke, mi ku eka yona: Yehovha u vurisa sweswo, a ku: “Xana a ku na Xikwembu etikweni ra Israele, leswi u hi rhumaka ku ya vutisa Baala-Zebubu, xikwembu xa Ekroni xana? Hikwalaho u nga ka u nga ha pfuki esangwini leri u etlelaka eka rona hikuva u ta fa kunene.” ’ ”

2 TIHOSI 1:2

Ahaziya a wa hi fasitere ra yindlu ya yena leyi tlakukeke, leyi ngi yi ri Samariya, kutani a vabya. A rhuma tintsumi, a ku eka tona: “Fambani, mi ya vutisa Baala-Zebubu, xikwembu xa Ekroni, ndzi ta tiva xana ndzi ta hanya evuvabyini lebyi.”

1 TIHOSI 21:17

Kavaloko rito ra Yehovha ri ya eka Eliya wa Tixibe, ri ku:

1 TIHOSI 19:7

Ntsumi ya Yehovha yi tlhela yi ta ra vumbirhi yi n'wi khumba, yi ku: “Pfuka, u dya hikuva ndlela ya wena yi lehile ngopfu ku tlula matimba ya wena.”

1 TIHOSI 19:5

Kavaloko a tilata a etlela hansi ka ximudyana. Kutani, waswivo, ntsumi yi ta, yi n'wi khumba, yi ku eka yena: “Pfuka, u dya.”

1 TIHOSI 18:36

Kutani hi nkarhi wa ku humesa magandzelo, muprofeta Eliya a tshinela, a ku: “Yehovha, Xikwembu xa Abrahama, na Isaka, na Israele, a ku tiviwe namuntlha leswaku hi wena Xikwembu xa Israele, ni leswaku ndzi nandza wa wena, ni leswaku ndzi endlile swilo hinkwaswo leswi, hi ku lerisa ka wena!

1 TIHOSI 18:1

Masiku yo tala loko ma hundzile, rito ra Yehovha ri ta eka Eliya hi lembe ra vunharhu, ri ku: “Famba u tikombisa eka Akabu, kutani ndzi ta nisa mpfula emisaveni.”

1 SAMIELE 17:46

Namuntlha Yehovha u ta ku nyiketa emavokweni ya mina; ndzi ta ku tlhava, ndzi ku tsema nhloko; namuntlha ndzi ta nyika tinyanyana ta tilo ni swivandzana swa misava mitsumbu ya nyimpi ya Vafilista: misava hinkwayo yi ta tiva leswaku Xikwembu xa Israele xi kona.

2 TIHOSI 5:8

Elixa, munhu wa Xikwembu, kuteloko a swi twile leswaku hosi ya Israele yi handzule tinguvu ta yona, a rhuma munhu eka hosi, a ku: “U handzulele yini tinguvu ta wena-ke? A a te eka mina, u ta tiva leswaku ku ni muprofeta etikweni ra Israele.”

1 TIHOSI 11:33

Ndzi ta endla sweswo hikuva va ndzi fularhele va khinsamile emahlweni ka Astarte, xikwembu xa Vasidoni ni le mahlweni ka Kemoxi, xikwembu xa Mowabu, ni le mahlweni ka Milikomo, xikwembu xa vana Vaamoni; a va fambangi etindleleni ta mina ku endla leswi lulameke emahlweni ka mina, ni ku hlayisa milawu ya mina ni ku lerisa ka mina hilaha Davhida tata wa Solomoni, a endleke hakona.

Esaya 8:19

Loko va nga ku eka n'wina: “Vutisisani lava humesaka mimoya ya vafi, ni vabvumbi lava hlevetelaka, lava n'unun'utaka, mi ta ku: ‘Xana tiko a ri faneli ku vutisa Xikwembu xa rona xana? Xana ku nga vutisiwa vafi timhaka ta lava hanyaka xana?’ ”