2 TIHOSI 1:2 - Xitsonga (Bibele)

² Ahaziya a wa hi fasitere ra yindlu ya yena leyi tlakukeke, leyi ngi yi ri Samariya, kutani a vabya. A rhuma tintsumi, a ku eka tona: “Fambani, mi ya vutisa Baala-Zebubu, xikwembu xa Ekroni, ndzi ta tiva xana ndzi ta hanya evuvabyini lebyi.”

BIBELE Mahungu Lamanene

² Siku rin'wana, Ahaziya a wa hi le fasitereni ra yindlu ya yena ya le henhla eSamariya, a tivavisa swinene. Hiloko a rhuma vanhu emutini wa Ekroni, a ku: “Yanani mi ya vutisa eka Baala-Zebubu xikwembu xa le Ekroni, leswaku xana ndzi ta hola evuvabyini lebyi bya mina ke?”

2 TIHOSI 1:2 Referans Kwoze

2 TIHOSI 1:16

Kavaloko a ku eka yona: “Yehovha u vurisa, a ku: ‘Hikuva u rhumile tintsumi ku ya vutisa Baala-Zebubu, xikwembu xa Ekroni, (kasi a ku na Xikwembu etikweni ra Israele, ku hetisa rito ra xona xana?), u nga ka u nga pfuki esangwini leri u etleleke eka rona hikuva u ta fa.’ ”

Marka 3:22

Kambe vatsari lava ngirimeleke Yerusalema, va ku: “U ni Belzebule, kutani u hlongola mademona hi hosi ya mademona.”

Matewu 10:25

Swi ringene mudyondzisiwa loko a endliwa kukotisa hosi ya yena. Loko va vurile n'wini wa yindlu Belzebule, va yindlu ya yena va ta vuriwa ku tlurisa ngopfu.

Esaya 37:19

ti hisile hi ndzilo swikwembu swa wona, hikuva a swi nga ri swikwembu, kambe a yi ri mitirho ya mavoko ya vanhu, mitsandze ni maribye, ti swi herisile.

Luka 11:15

Van'wana va ku: “U hlongola mademona hi Belzebule hosi ya mademona.”

Esaya 37:12

Xana swikwembu swa matiko lama herisiweke hi vatata wa mina swi ma ponisile xana? A ri Gozana, na Harana, na Resefa, ni vana va Edeni lava nge Telasara?

2 TIHOSI 1:6

Va ku eka yena: “Munhu u tlhandlukile ku ta hlangana na hina, a ku eka hina: ‘Tlhelelani eka hosi leyi mi rhumeke, mi ku eka yona: Yehovha u vurisa sweswo, a ku: “Xana a ku na Xikwembu etikweni ra Israele, leswi u hi rhumaka ku ya vutisa Baala-Zebubu, xikwembu xa Ekroni xana? Hikwalaho u nga ka u nga ha pfuki esangwini leri u etlelaka eka rona hikuva u ta fa kunene.” ’ ”

2 TIHOSI 1:3

Ntsumi ya Yehovha yi ku eka Eliya wa Tixibe: “Pfuka u ya hlangana ni tintsumi ta hosi ya Samariya, u ku eka tona: ‘Xana a ku na Xikwembu etikweni ra Israele, leswi mi fambaka mi ya vutisa Baala-Zebubu, xikwembu xa Ekroni?’

1 TIHOSI 11:33

Ndzi ta endla sweswo hikuva va ndzi fularhele va khinsamile emahlweni ka Astarte, xikwembu xa Vasidoni ni le mahlweni ka Kemoxi, xikwembu xa Mowabu, ni le mahlweni ka Milikomo, xikwembu xa vana Vaamoni; a va fambangi etindleleni ta mina ku endla leswi lulameke emahlweni ka mina, ni ku hlayisa milawu ya mina ni ku lerisa ka mina hilaha Davhida tata wa Solomoni, a endleke hakona.

Timhaka 20:9

Pawulo loko a ha vulavula ku ya emahlweni, jaha leri va nge i Yutiko, leri ingi ri tshamile efasitereni, ri khomiwa hi vurhongo lebyikulu; kutani loko a hluriwile hi vurhongo, a wela ehansi, a ri endlwini ya vunharhu ya le henhla; kutani a tlakuriwa a file.

Risimu ra Tinsimu 2:9

Murhandziwa wa mina u fana ni mhala, Kumbe rhole ra mbavala: Vona, u yime endzhaku ka rihlampfu ra rikwerhu, U languta hi mafasitere, u hlometela hi fasitere.

Ntirho 31:3

Ku onhaka, a hi ka mudyohi xana? Ni makhombo a hi ya vatirhi va leswo homboloka xana?

1 TIHOSI 22:34

Kavaloko munhu a copa nseve hi vurha, a nga kongomisi munhu, kutani a tlhava hosi ya Israele, laha tinsimbhi ta xisirhelo xa yena ti hlanganaka kona. Kutani Akabu a ku eka mufambisi wa yena: “Hundzuka, u ndzi humesa enyimpini, hikuva ndzi tlhaviwile.”

1 TIHOSI 14:3

Teka emavokweni ya wena swinkwa swa khume, ni swimbhundzwana, ni mbita ya vulombe, u ya eka yena: u ta ku byela leswi nga ta humelela eka n'wana loyi.”

1 SAMIELE 5:10

Kutani va rhuma areka ya Xikwembu eEkroni. Kakuloko areka ya Xikwembu yi nghena eEkroni, va huwelela, va ku: “Va fikisile areka ya Xikwembu xa Israele eka hina, ku hi dlaya hina ni tiko ra hina.”

Vaavanyisi 11:24

Xana u nga ka u nga fumi leswi Kemoxi, xikwembu xa wena, xi ku fumisaka swona xana? Na hina hi kuma tiko ra hinkwavo lava Yehovha, Xikwembu xa hina, xi va hlongoriseke emahlweni ka hina.

Vaavanyisi 5:28

“Mana wa Sisera a languta hi fasitere, Emavonini ya fasitere a huwelela: ‘Golonyi ya yena yi hlwele ha yini ku fika xana? Tigolonyi ta yena ti famba khwatsi ha yini-ke?’

Esaya 2:6

Hikuva wena Yehovha u tshikile tiko ra wena, yindlu ya Yakobo, hikuva va tele hi swa le vuxeni, va ni vungoma tanihi Vafilista, kutani va endla xinakulobye ni vana va vamatiko.

Yoxuwa 15:11

Kutani wu huma en'walungwini, eku rheleleni ka Ekroni wu kongoma eXikeroni, wu hundza entshaveni ya Baala, kutani wu ya humela eYabinele kambe wu ya hela elwandle.

1 TIHOSI 22:40

Akabu a tilata ni vatata wa yena; kutani Ahaziya, n'wana wa yena, a fuma ematshan'weni ya yena.

2 TIHOSI 17:16

Va tshika milawu hinkwayo ya Yehovha, Xikwembu xa vona, kutani va tiendlela marhole lama chuluriweke va tiendlela ni swifaniso swa Axera va khinsama emahlweni ka vandla hinkwaro ra matilo, va tirhela Baali.

Esaya 19:3

Moya wa Egipta wu ta titivala, ndzi ta herisa makungu ya vona, va ta ya hlahluva eka swikwembu swahava, ni ka vangoma, ni ka vona lava vutisaka vafi, ni ka vabvumbi.