2 SAMIELE 8:6 - Xitsonga (Bibele)

⁶ Kutani Davhida a veka vanhu va nyimpi ya yena ku langutela Siriya ya Damaska; kutani Vasiriya va fumiwa hi Davhida, va ya luva eka yena. Sweswo Yehovha a a ponisa Davhida hinkwako laha a yaka kona.

BIBELE Mahungu Lamanene

⁶ Kutani Davhida a veka mintlawa ya varindzi leswaku va rindza Vasiriya va le Damaska; kwalaho Vasiriya va va ehansi ka mfumo wa Davhida, va humesa ndzuvo va n'wi luva. HOSI Xikwembu a xi nyika Davhida ntamu wa ku hlula valala va yena, hinkwako lomu a a famba a ya lwa kona.

2 SAMIELE 8:6 Referans Kwoze

2 SAMIELE 8:14

Kutani a veka varindzi etikweni hinkwaro ra Edomu, Vaedomu hinkwavo va fumiwa hi Davhida. Sweswo Yehovha a a ponisa Davhida hinkwako laha a yaka kona.

Pisalema 140:7

Yehovha, Hosi, u matimba ya ku hlayiseka ka mina! U lwela nhloko ya mina hi siku ra nyimpi.

2 TIKRONIKA 17:2

a veka mavandla emitini hinkwayo ya makhokholo ya Yuda, a ya veka ni le tikweni ra Yuda ni le mitini ya Efrayimi leyi nga tekiwa hi Asa, tata wa yena.

2 SAMIELE 7:9

a ndzi ri na wena hinkwako laha u fambeke kona, ndzi hetile valala hinkwavo va wena emahlweni ka wena; ndzi ku endlile vito lerikulu, kukotisa mavito ya vakulu lava nga emisaveni.

Swivuriso 21:31

Hanci yi lunghiseriwa siku ra nyimpi, Kambe ku pona i ka Yehovha.

1 TIKRONIKA 18:13

Kutani a veka valanguteri etikweni ra Edomu; Vaedomu hinkwavo va fumiwa hi Davhida. Yehovha a tshama a ponisa Davhida hinkwako laha a yaka kona.

2 SAMIELE 23:14

Enkarhini lowu Davhida a a ri ekhokholweni, a ku ri ni xirindzo xa Vafilista eBetlehema.

2 SAMIELE 8:2

Kutani a hlasela Vamowabu, a va etlerisa ehansi a va pima hi ngoti: lava ringanaka tingoti timbirhi a va dlaya, ni lava ringanaka ngoti yin'we a va hanyisa. Hi sweswo Vamowabu va fumiwa hi Davhida, va ta luva eka yena.

2 SAMIELE 3:18

swi endleni sweswi, hikuva Yehovha u vurisile ehenhla ka Davhida u te: ‘Hi voko ra Davhida, nandza wa mina, ndzi ta ponisa tiko ra mina ra Israele emavokweni ya Vafilista ni le mavokweni ya valala va yena hinkwavo.’ ”

1 SAMIELE 14:15

Kutani nchavo wu va kona emixaxeni ni le tikweni ni le xikarhi ka vanhu hinkwavo va tiko; vanhu va khokholo ni lava fambeke ku ya phanga, va khomiwa hi ku chava na vona; kutani tiko ri tsekatseka; a ku ri ku chava ka Xikwembu.

1 SAMIELE 14:6

Yonatani a ku eka jaha leri ngi ri tamele matlhari ya yena a ku: “Tana, a hi ye, hi ya fika ekhokholweni ra lava nga yimbangiki, kumbe Yehovha u ta hi lwela, hikuva a ku na xilo lexi sivelaka Yehovha ku ponisa, hambi vanhu va tele, hambi va nga ri vangani.”

1 SAMIELE 14:1

Siku rin'wana Yonatani, n'wana Sawulo, a ku eka jaha leri ngi ri tamele matlhari ya yena a ku: “Tana, a hi yeni ekhokholweni ra Vafilista leri nge hase.” Kambe a nga byelanga nchumu eka tata wa yena.

1 SAMIELE 13:3

Yonatani a tlhava ntlawa wa Vafilista eGeba na vona Vafilista va swi twa. Kutani Sawulo a yimba nanga etikweni hinkwaro, a ku: “Vaheveru a va yingise!”

2 SAMIELE 8:7

Davhida a teka switlhangu swa nsuku leswi ngi swi ri swa malandza ya Hadadi-Esere, a swi tisa eYerusalema.

2 SAMIELE 10:19

Tihosi hinkwato le ti fumiwaka hi Hadadi-Esere ti vona leswaku ti hluriwile emahlweni ka Israele, kutani ti kombela ku rhula eka Vaisraele, kambe ti fumiwa hi vona; kutani Vasiriya va chava ku pfuna kambe vana va Amoni.

1 TIHOSI 4:21

Solomoni a a fuma kambe ematikweni hinkwawo, ku suka enambyeni wa Yufrata ku fika etikweni ra Vafilista, ni ku fika endzilakaneni wa Egipta; a va luva eka Solomoni, va n'wi tirhela hi masiku hinkwawo ya ku hanya ka yena.

2 SAMIELE 5:10

Davhida a a ri karhi a ya emahlweni a kula, kutani Yehovha, Xikwembu xa mavandla a a ri na yena.

2 TIHOSI 1:1

Kuteloko Akabu a file, Mowabu a pfukela Israele.

2 TIHOSI 3:4

Mexa, hosi ya Mowabu, a a fuwe tinyimpfu, kutani a a hamba a humesela hosi ya Israele ndzuvo wa swinyimpfana swa 100 000 ni tinyimpfu ta 100 000, swi ri ni voya bya swona.

2 TIHOSI 14:28

Leswi seleke swa timhaka ta Yerobuwamu, ni hinkwaswo leswi a swi endleke, ni vunhenha bya yena enyimpini, ni laha a tlheriseke Israele eDamaska na Hamata wa Yuda, timhaka leti, a ti tsariwanga ebukwini ya Tikronika ta tihosi ta Israele xana?

2 TIHOSI 18:7

Yehovha a a ri na yena; a endla swinene etimhakeni hinkwato leti a ti endlaka. A ala ku tirhela hosi ya Asiriya, kutani a nga ha luvanga eka yena.

Pisalema 60:10

Xana a hi wena Xikwembu lexi ngi u hi cukumetile, Wena Xikwembu lexi ngi u nga ha humi ni tinyimpi ta hina xana?