2 SAMIELE 5:2 - Xitsonga (Bibele)

² Khale, loko Sawulo a hi fuma, a a ri wena u tshamaka u humesa ni ku vuyisa Israele. Kutani Yehovha a ku eka wena: ‘Hi wena la nga ta risa tiko ra mina ra Israele; hi wena la nga ta va hosi ya Israele.’ ”

BIBELE Mahungu Lamanene

² Khale loko Sawulo a ha ri hosi ya hina, hi wena u fambiseke mavuthu ya Israele enyimpini; naswona HOSI Xikwembu xi ku tshembisile xi ku: ‘Hi wena loyi u nga ta va murisi ni mufambisi wa tiko ra mina ra Israele.’ ”

2 SAMIELE 5:2 Referans Kwoze

Matewu 2:6

‘Na wena Betlehema, tiko ra Yuda, a ku ntsongo exikarhi ka tihosi ta Yuda, hikuva ku ta huma eka wena mufambisi la nga ta risa tiko ra mina ra Israele.’ ”

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Ezekiele 34:23

Ndzi ta yimisa murisi un'we ehenhla ka tona, yena u ta ti risa u ta va nandza wa mina, Davhida; hi yena la nga ta ti risa, loyi a nga ta va murisi wa tona.

Yohane 10:11

“Hi mina murisi lonene. Murisi lonene u nyiketa tinyimpfu ta yena vutomi bya yena.

2 SAMIELE 7:7

Hinkwako laha ndzi fambeke kona ni vana va Israele hinkwavo, xana ndzi vurile rito rin'we eka rin'wana ra tinyimba ta Israele leti ndzi ti leriseke ku risa Israele, tiko ra mina, ndzi te: “A mi ndzi akelanga ha yini yindlu ya kedari xana?” ’

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

1 SAMIELE 25:30

Kutakuloko Yehovha a endlele hosi yanga hinkwaswo leswinene leswi a ku hlayeleke swona, ni loko a ku vekile hosi ya Israele,

Esaya 55:4

Waswivo, ndzi n'wi vekile mbhoni exikarhi ka matiko, hosi, ni mufambisi wa matiko.

1 SAMIELE 18:13

Kavaloko Sawulo a n'wi rhuma ekule na yena, a n'wi endla ndhuna ya vanhu va khume ra madzana; kutani Davhida a tshama a huma a nghena, a ri emahlweni ka tiko;

1 SAMIELE 16:1

Yehovha a ku eka Samiele: “U ta rila Sawulo ku yisa kwihi-ke, loko mina ndzi n'wi cukumetile leswaku a nga ha fumi Israele? Tata rimhondzo ra wena hi mafurha, u famba; ndza ku rhuma eka Yese wa Betlehema hikuva ndzi vonile exikarhi ka vana va Yese loyi a faneleke ku va hosi.”

Vaheveru 2:10

Hikuva a swi n'wi fanela, loyi hinkwaswo swi endleriweke yena, kambe swi endliwe hi yena, leswaku loko a lave ku yisa lavo tala eku vonakaleni, a hetisisa hi ku vaviseka, la nga n'wini wa ku hlayiseka ka vona.

1 SAMIELE 18:16

Kambe Vaisraele hinkwavo ni va Yuda hinkwavo a va rhandza Davhida hikuva a a tshama a nghena ni ku huma emahlweni ka vona.

1 SAMIELE 18:5

Kutani Davhida a huma a famba hinkwako laha Sawulo a n'wi rhumaka kona; kambe a a tlharihile; kutani Sawulo a n'wi veka ndhuna ya vanhu va nyimpi; kutani a a tsakisa tiko hinkwaro, hambi ma ri malandza ya Sawulo.

Tinhlayo 27:17

loyi a va humesaka, ni loyi a va nghenisaka; nhlengeletano ya Yehovha yi nga vi ku kotisa ntlhambi lowu nga riki na murisi.”

1 SAMIELE 25:28

Wa nga rivalela nandza wa wena nandzu, hikuva Yehovha u ta tiyisa kunene yindlu ya hosi yanga, hikuva hosi yanga yi lwa tinyimpi ta Yehovha, kutani ku biha ku nga ka ku nga kumiwi eka wena hi masiku hinkwawo ya wena.

1 SAMIELE 13:14

kambe sweswi, ku fuma ka wena ku nga ka ku nga tiyi. Yehovha u tihlawulele munhu la rhandziwaka hi yena, kutani Yehovha u n'wi vekile ku va hosi ya tiko ra yena, hikuva a ku hlayisanga leswi Yehovha a ku leriseke swona.”

1 SAMIELE 9:16

“Mundzuku, enkarhini wolowo, ndzi ta ku rhumela munhu wa tiko ra Benjamini, u ta n'wi chela hi mafurha leswaku a va mufambisi wa tiko ra mina ra Israele, kutani u ta ponisa tiko ra mina emavokweni ya Vafilista; hikuva ku huwelela ka rona ku fikile eka mina.”

2 TIHOSI 20:5

“Tlhela ka Hezekiya, mufambisi wa tiko ra mina, u ku eka yena: Yehovha, Xikwembu xa Davhida, tata wa wena, xi ku: ‘Ndzi yingisile xikhongelo xa wena, ndzi vonile mihloti ya wena, ndzi ta ku hanyisa. Siku ra vunharhu u ta tlhandlukela endlwini ya Yehovha.

Genesa 49:24

Kambe vurha bya yena byi tshame byi tiyile; Mavoko ni mandla ya yena ma tiyisiwile Hi mandla ya Nhenha ya Yakobo, Hi loyi a nge Murisi ni Ribye ra Israele.

1 TIKRONIKA 11:2

Hambi ku ri khale, loko Sawulo a ha ri hosi, hi wena loyi a wu humesa tiko ra Israele, ni ku ri tlherisa; Yehovha, Xikwembu xa wena, xi ku byerile, xi ku: ‘Hi wena loyi u nga ta risa tiko ra mina ra Israele, hi wena loyi u nga ta va mufambisi wa tiko ra mina ra Israele.’ ”

2 TIKRONIKA 1:10

Sweswi, ndzi nyike vutlhari ni ku twisisa leswaku ndzi tiva ku huma ni ku nghena emahlweni ka tiko leri; hikuva i mani la nga tivaka ku avanyisa tiko leri teleke swonghasi, leri nga ra wena xana?”

2 SAMIELE 6:21

Kutani Davhida a ku eka Mikala: “A ku ri emahlweni ka Yehovha la ndzi hlawuleke ematshan'weni ya tata wa wena ni yindlu ya yena hinkwayo, ku ndzi veka mufambisi wa tiko ra Yehovha, ni wa Israele!

2 SAMIELE 7:8

Sweswi, u ta ya vurisa sweswo eka Davhida nandza wanga, u ku: ‘Yehovha wa mavandla u te: Ndzi ku tekile ematshangeni, exikarhi ka tinyimpfu leswaku u va mufambisi wa Israele, tiko ra mina;