2 SAMIELE 4:8 - Xitsonga (Bibele)

⁸ va ta tisa nhloko ya Ixi-Boxete eka Davhida, eHebroni, va ku eka hosi: “Hi yona nhloko ya Ixi-Boxete, n'wana Sawulo, nala wa wena la laveke vutomi bya wena. Namuntlha Yehovha u rihisile hosi, mufumi wanga, eka Sawulo ni vana va yena!”

BIBELE Mahungu Lamanene

⁸ Va ya fika eka hosi Davhida eHebroni, va n'wi komba nhloko, va ku: “Hi leyi nhloko ya Ixi-Boxete, n'wana wa nala wa wena Sawulo loyi a a lava ku ku dlaya. Kambe namuntlha, HOSI Xikwembu xi ku rihiserile eka Sawulo ni ka vana va yena, wena hosi n'wini wa hina.”

2 SAMIELE 4:8 Referans Kwoze

1 SAMIELE 25:29

Loko munhu a pfuka ku ku landzela ni ku lava vutomi bya wena, vutomi bya hosi yanga byi ta hlayiseka eka Yehovha, Xikwembu xa wena, enyandzeni ya vahanyi; loko byi ri vutomi bya valala va wena, u ta byi cukumeta ekule hi xipelupelu.

2 SAMIELE 22:48

Xikwembu lexi ndzi rihiselaka, Lexi ndzi tsongahatelaka matiko,

Nhlavutelo 18:20

Tsakisisani hikwalaho ka wona, wena tilo, na n'wina vakwetsimi, ni vaapostola, ni vaprofeta, hikuva Xikwembu xi wu avanyisile hikwalaho ka n'wina.”

Nhlavutelo 6:10

A va huwelela hi rito lerikulu, va ku: “Hosi yo kwetsima ya ntiyiso, u ta hlwela ku ri kungani ku avanyisa ni ku rihisa ngati ya hina eka lava akeke emisaveni xana?”

Matewu 2:20

“Pfuka, u teka xihlangi ni mana wa xona, u tlhelela etikweni ra Israele, hikuva lava ngi va lava ku dlaya n'wana, va file.”

Pisalema 71:24

Ririmi ra mina ri ta vula ku lulama ka wena hi masiku hinkwawo. Hikuva va ta va ni tingana, va tshuka, lava lavaka ku ndzi lovisa.

2 SAMIELE 18:31

Kavaloko Mukuxi a fika, a ku: “Hosi, n'wini wanga a a amukele mahungu layo saseka, hikuva Yehovha u ku rihisele namuntlha emavokweni ya hinkwavo lava ku pfukeleke.”

2 SAMIELE 18:19

Ahimaasi, n'wana Sadoki, a ku: “Ndzi tshike ndzi tsutsuma ku ya vikela hosi mahungu yo saseka hilaha Yehovha a n'wi rihiseleke hakona evokweni ra valala va yena.”

1 SAMIELE 24:4

A ya fika emadyelweni ya tinyimpfu; endleleni a ku ri ni bako kona, kutani Sawulo a nghena eka rona ku tifunengeta milenge; kambe Davhida ni vanhu va yena a va ri emakun'weni ya bako.

1 SAMIELE 23:15

Davhida a vona leswaku Sawulo a a humile ku lava vutomi bya yena, kutani a tshama emananga ya Zifi, exihlahleni.

1 SAMIELE 20:1

Kutani Davhida a suka eNayoto wa Rhama; a ya humelela eka Yonatani, a ku eka yena: “Ndzi endle yini xana? Nandzu wa mina hi wihi, kambe ndzi dyohele tata wa wena hi yini, leswi a lavaka vutomi bya mina?”

1 SAMIELE 19:15

Sawulo a rhuma kambe vanhu ku ya vona Davhida, a ku: “N'wi tiseni eka mina esangwini, ndzi n'wi dlaya.”

1 SAMIELE 18:11

Kutani Sawulo a tlakusa tlhari, a ku: “Ndzi ta tlhava Davhida ni khumbi.” Kambe Davhida a bvutama kambirhi emahlweni ka yena.

2 SAMIELE 2:8

Kambe Abinere, n'wana Neri, ndhuna ya nyimpi ya Sawulo, a teka Ixi-Boxete, n'wana Sawulo, a n'wi yisa eMahanayimi,

1 SAMIELE 19:1

Sawulo a vulavula na Yonatani, n'wana wa yena, ni malandza hinkwawo ya yena, a ku: “Ndzi lava ku dlaya Davhida”; kambe Yonatani, n'wana Sawulo, a a rhandza ngopfu Davhida;