2 SAMIELE 4:4 - Xitsonga (Bibele)

⁴ Yonatani, n'wana Sawulo, a a ri ni n'wana la khwanyaleke milenge. A a ri wa malembe ya ntlhanu loko mahungu ya Sawulo na Yonatani ma fikile ma pfa eYizriele, kutani muan'wisi wa yena a n'wi teka a tsutsuma, kambe kakuloko a hatlisa ku tsutsuma, n'wana a wa kutani a lamala; vito ra yena a a ri Mefiboxete.

BIBELE Mahungu Lamanene

⁴ Endyangwini wa ka Sawulo, a ku ri na Mefiboxete ntukulu wa yena, n'wana Yonatani; a a lamarile milenge a ha ri ni malembe ya ntlhanu; ú lamarile siku mahungu ya ku dlawa ka Sawulo na Yonatani ma fikeke ma ta hi le Yizriele. Wansati loyi a a hlayisa Mefiboxete, u n'wi tlakurile hi ku hatlisa, a tsutsuma na yena, kambe hi ku endlisa sweswo, a wisa n'wana, milenge ya yena yi tshoveka, kutani a lamarisa sweswo.

2 SAMIELE 4:4 Referans Kwoze

2 SAMIELE 9:3

Kutani hosi yi ku: “Xana a ka ha salanga munhu ni un'we wa yindlu ya Sawulo, leswaku ndzi n'wi kombisa tintswalo ta Xikwembu?” Siba a ku eka hosi: “Ka ha sele n'wana un'wana wa wanuna wa Yonatani, a lamaleke milenge.”

1 TIKRONIKA 9:40

N'wana Yonatani a a ri Meriba-Baali, Meriba-Baali a veleka Mika.

1 TIKRONIKA 8:34

Vana va Yonatani: Meriba-Baali; Meriba-Baali a veleka Mika.

2 SAMIELE 9:6

Kutani Mefiboxete, n'wana Yonatani n'wana Sawulo, a ta eka Davhida, a wela ehansi emahlweni ka yena, a khinsama; kutani Davhida a ku: “Mefiboxete!” Yena a ku: “Nandza wa wena hi loyi.”

1 SAMIELE 29:11

Sweswo Davhida a pfuka nimpundzu ni vanhu va yena, va suka wa ha ri mixo, va tlhelela etikweni ra Vafilista. Kambe Vafilista va tlhandlukela eYizriele.

1 SAMIELE 29:1

Vafilista va hlengeleta tinyimpi ta vona hinkwato eAfeke; kutani Vaisraele a va govile ekusuhi ni xihlovo lexi nge Yizriele.

2 SAMIELE 21:7

Hosi yi tsetselela Mefiboxete n'wana Yonatani n'wana Sawulo, hikwalaho ka ku hlambanya ka Yehovha loku ngi ku ri exikarhi ka vona, exikarhi ka Davhida na Yonatani, n'wana Sawulo.

2 SAMIELE 9:13

Mefiboxete a a akile eYerusalema, hikuva a a dya masiku hinkwawo etafuleni ra hosi; kambe a a lamele milenge mimbirhi.

1 TIHOSI 11:17

Kavaloko Hadadi a balekela eEgipta ni Vaedomu van'wana va malandza ya tata wa yena; Hadadi a a ri wandzisanyana.